Mt 27:26 - Chuj San Sebastian Bible

²⁶ Yic xyab'n win jun cha, 'ix ya'n 'elt win win Barrabás 'a libre. Xlajw cha, ax Jesús 'ix ya'n win ma'xoc, 'ix ya'n 'och win 'a yol sc'ab' eb' tz'a'n 'och 'a spenc culus.

Chuj San Mateo Bible

²⁶ Ayic ix yab'an jun chi' vin̈, ix ac'jielta vin̈aj Barrabás chi' d'a libre. Axo Jesús ix schec mac'joc vin̈. Ix ac'jioch d'a yol sc'ab' eb' sculusanq'uei.

Mt 27:26 ပူးပေါင်းရင်းမြစ်များ

Is 50:6

'Ix wac' yich in patc smac' eb' 'ajc'ojol, xwa'n stzucl eb' xil in ti'. Ma'ix in c'ub'j 'el in sat 'a eb' tzin b'uchni, yet' 'a eb' tzin tzub'ni.

Is 53:5

'Ix lajw sniwnal yuj qui mulec, xyab' syal sniwnal chi yuj qui tu'al. Yuj jun yailal 'ix 'och 'a yib'n̈ cha, yuj cha, 'ix 'och junc'ojlal 'a qui calc yet' Dios. Yujto 'ix yab' syal sniwnal, yuj cha, 'ix 'ajx qui q'uinlec.

Mt 20:19

'Oj wajx 'och 'a yol sc'ab' eb' man̈ israeloc. 'Oj in sb'uch eb'. 'Oj in smac' eb'. 'Oj in yac' q'ue eb' 'a spenc culus. Palta ax 'a schab'jial, ax in pitzw paxi, xchi 'a eb'.

Mr 10:34

'Oj in sb'uch eb', 'oj in smac' eb', 'oj in stzub'c eb'. 'Oj in smiln eb', palta ax 'a schab'jial, ax in pitzw paxi, xchi 'a eb'.

Mr 15:15

Ax win Pilato cha, tznib'j win tzalj eb' 'anma chi yet'oc, yuj cha, xya'n 'elt win win Barrabás cha. Xlajw cha, 'ix ya'n win ma'xoc Jesús. 'Ixta to b'i'an, 'ix ya'n 'och win 'a yol sc'ab' eb' tz'a'n 'och 'a spenc culus.

Lc 23:16

Yuj cha, ton̈j 'oj wac' ma'xoc winac, ax yel win 'a libre, xchi win 'a eb'.

Jn 19:1

Ax win Pilato cha, 'ix yi'n 'elt win Jesús, xya'n win ma'xoc.

Jn 19:16

'Ixta to b'i'an, 'ix ya'n 'och win Jesús 'a yol sc'ab' eb', yic tz'at ya'nc 'och eb' 'a spenc culus. Xlajw xoj cha, 'ix yi'n 'at eb'.

A Sb'ab'el Carta San Pedro 2:24

A Cristo 'ix cuchn can qui mulc yet' sniwnal, yic x'och 'a spenc te culus, sec wach' man̈x 'a yaln maysch'olnil yic 'ayn̈ec, 'icha to chamnc on̈c 'a 'a. 'Ixta on̈ yutjec, sec caw wach'n̈j tzcutjec qui b'eyb'al. Caw xyab' syal cujec, sec tzon̈ colchjec can 'el yu'uj.