Mt 26:65 - Chuj San Sebastian Bible

⁶⁵ Yic 'ix yab'n win yajl chi jun tzo'n̈ cha, caw 'ix stziljat win spichl scot yowal, 'ix yaln win 'ixtc 'a ewin yit yajlil cha: —A jun winc tic, caw tzb'uchwj 'a Dios, man̈x 'a yopiso eb' testigo yujto tzcab'c sb'uchwj 'a Dios.

Chuj San Mateo Bible

⁶⁵ Ayic ix yab'an juntzan̈ chi' vin̈ sat sacerdote chi', ix sn̈ic'chitan spichul vin̈ scot yoval. Ix yalan vin̈ d'a eb' yetyajalil chi': —A jun vin̈ tic sb'uchvaj vin̈ d'a Dios. ¿Tasto tz'och testigo sco saya'? Toxo ix cab' sb'uchvaj vin̈.

Mt 26:65 ပူးပေါင်းရင်းမြစ်များ

A Ch'an̈ Schab'il Libro Yic Yab'ixal Eb' Rey 18:37

Xlajw cha, 'ix tziln jat Eliaquim spichul, yet' win Sebna, yet' Joa, 'ix 'at eb' 'a win rey Ezequías, xyaln eb' smasnil tas 'ix alx cha, caw 'ix tac sc'ojl eb' yuj tas 'ix yal win syajlil eb' soldado asirio cha.

Jeremías 36:24

Wach'xam xyab' win rey chi yet' smasnil eb' 'aych 'a yopiso yet'oc, yuj tas xyal ch'an̈ un̈ cha, palta caw ma'ix xiw xon jac eb', ma'ix sch'oxl eb' toto ya yalx tzyab' eb'.

Nm 14:6

Ax Josué yet' Caleb, locn eb' xit' 'ilnoc lum lum cha, 'ix stzilnjat eb' spichul, yic tzch'oxn 'el eb' to tzcus eb' yab'n jun tzo'n̈ paxti cha.

Mt 9:3

Palta 'ay jaywn̈ ewin cuywjum 'a ley yic Moisés 'ayc' ta'. 'Ix snan ewin 'ixtic: A jun winc tic, ton̈j tzb'uchwj 'a Dios, xchi ewinac.

Lc 5:21

Ax ewin cuywjum 'a ley yic Moisés yet' ewin fariseo, 'ix snan ewin 'ixtic: ¿'Aj wal xyij cot sb'a winac, yuj chi tzb'uchwj win 'a Dios? Toc 'ay xon junc mach tztac' ya'n lajwc qui mul, cojxn Dios, xchi ewinac.

Jn 10:33

—Man̈ yujoc junc wach' xa b'o'o, tzach qui nib'n qui jul cham on̈, palta yujn̈ej to tzach b'uchwj 'a Dios. Ach tic, comn 'anma ach, palta 'in tzalch a b'a Diosal, xchi eb'.

Jn 10:36

An xo tic, a Dios si'jnacn 'eli, schecn in cot 'a yolyib'n̈q'uinl tic. Yuj cha, ¿tas yuj tzeyala to tzin b'uchwj 'a Dios, yic tzwalni to Yunnaln Dios cha?

A Tas Sc'ulejnac Eb' Schecab' Jesús Hechos 14:14

Palta ax yic xyab'n Bernabé yet' Pablo, 'ix syamn 'och eb' stziln jat spichul yic tzch'oxn 'el eb', to caw tu tzyil eb'. Caw 'ip xyal chan̈ eb' 'a scal eb' 'anma chi 'ixtic: