Mt 25:20 - Chuj San Sebastian Bible

²⁰ A win chajnac o'e talento cha, a win xb'ab'l c'och 'a winac. 'Ix ya'n win q'uen o'e talento chi 'ix yac' ganar cha, 'ix yaln win 'a win spatron̈ chi 'ixtic: Mamin, a'jnac can o'e talento 'ayin, palta ticnec, yaj pax o'e xo yune q'uen xwac' ganar, xchi winac.

Chuj San Mateo Bible

²⁰ A vin̈ chajinac oye' talento chi', a vin̈ ix b'ab'laj c'och d'a vin̈. Ix yac'an oyexo talento ix yac' ganar vin̈ chi'. Ix yalan vin̈ d'a vin̈ spatrón chi': Mamin, ac'naccan oye' talento q'uen a tumin tic d'ayin, palta ticnaic, ina pax oyexo talento yune' q'ueen ix vac' ganar tic, xchi vin̈.

Mt 25:20 ပူးပေါင်းရင်းမြစ်များ

Mt 18:24

A yic wan syamn 'och sb'onyaj jun tzo'n̈ cuenta cha, tz'ijx cot jun smoso chi 'a 'a, caw man̈x b'ischjb'enoc sb'oc 'a win patron̈ cha.

Lc 19:13

Yic mantzac 'at winac, 'ay lajn̈wan̈ eb' smoso xyawtj coti. 'Ay jun tzo'n̈ tumn 'ix ya'cn win 'a junjn eb', niwc sat q'ue'en. Jun lajnn̈ej xchaj junjn eb' yico'. 'Ix yaln win 'ixtc 'a eb': 'A'c e negocio yet' jun tzo'n̈ tumn tic, masnto tzin japxi, ax eya'n pax 'ayin, xchi win 'a eb'. Xlajwn̈ej cha, x'at winac.

A Tas Sc'ulejnac Eb' Schecab' Jesús Hechos 20:24

Palta a jun tzo'n̈ cha, matz in 'och 'il yu'uj. Wach'xam 'oj in cham yuj eb', palta may yel'ch jun chi 'a in sat. Cojxn tzin na'a, to tzwa'cn lajwc jun in munljel yamb'il 'och tic 'a tzaljc'ojlal, ax slajw wopiso ya'jnac Cajlil Jesús 'ayin, yic tzwaln 'el wach' 'ab'x yic schamc'ojlal Dios.

1 Co 15:10

Ax ticnec, yujn̈ej swach'c'ojlal Dios, 'ixtc waj ticnec. Palta man̈ nab'an̈ejoc 'ix sch'ox swach'c'ojlal tic 'ayin, yujto 'ec'b'al in munlj 'a yib'n̈ eb' witb'eym chi smasnil. Palta man̈oc in tzin munlj in ch'ocoj. A Dios tzmunlj wet' yuj swach'c'ojlal.

A Scarta San Pablo D'a Eb' Aj Colosas 1:29

Yuj wal jun tzo'n̈ tic, caw tzin munlji. Caw tzwac' 'ip wal 'a smasnil in c'ojol, yujto a Cristo tzyac' spoder 'ayin.

Santiago 2:18

Palta tecn 'ay mach 'oj alnc 'ixtic: Ach tic cojn tza'ch Dios 'a a c'ojol, an xo pax tic, a tas wach' 'a tzin b'o'o, 'oj schioc. Palta an tzwala, may mach tztac' sch'oxni, chajtlto yel tzya'ch sc'ojl 'a Dios, toto man̈ wach'c tzyutj sb'a. Palta 'ay pax eb', yujn̈ej wach' tzyutj sb'a eb', tzch'oxn 'el eb', to yel 'aych sc'ojl eb' 'a Dios.