Mt 25:14 - Chuj San Sebastian Bible

¹⁴ 'Oj wal 'ayex chajtl 'oj 'aj eb' 'anma', yic 'oj sch'oxnc 'el sb'a Dios to wan ya'n yajlil. A 'a jun 'el, 'ay jun winc x'at 'a junx chon̈b' 'a najat. Yic mantzac 'ati, 'ix yawtn cot eb' smoso 'a 'a, 'ix ya'n can win jun tzo'n̈ stumn 'a yol sc'ab' eb'.

Chuj San Mateo Bible

¹⁴ Ol val d'ayex, chajtil ol aj eb' anima, ayic ol vach' och Dios aj satchaan̈ Yajalil. Lajan icha jun vin̈ ix b'at d'a junxo chon̈ab' te najat. Ayic manto b'at vin̈, ix yavtancot eb' schecab' vin̈. Ix yac'ancan juntzan̈ stumin vin̈ d'a yol sc'ab' eb'.

Mt 25:14 ပူးပေါင်းရင်းမြစ်များ

Mt 21:33

'A'c 'och e chicn 'a junx 'ab'x tic 'oj wal 'ayex. 'Ay jun winc 'ix 'awn jun tzo'n̈ uva 'a slu'um. 'Ix smacn scol-lal. Sb'on jun te'lab' 'el yal uva cha. 'Ix sb'on pax q'ue jun yet'l eb' tan̈m uva chan̈ x'aji. Xlajw cha, xya'n can win slum chi majnil yet' te uva chi 'a jun tzo'n̈ eb' munljum winac. 'Ix 'atcn win 'a junx lugar 'a najat.

Mr 13:34

Q'uinloc 'ay junc winac, tz'at 'a junc xo lugar 'a najat, tzcan yatut. Tzya'n can win yopiso junjn eb' smoso, tzyaln can winac tastc smunljel junjn eb', tzyaln can pax win 'a win stan̈mal n̈a, chajtlto tzmacwj winac.

Lc 20:9

Xlajw cha, xyaln Jesús jun 'ab'x tic 'a eb' 'anma 'ayc' ta': —'Ay jun winc 'ix 'awn jun tzo'n̈ uva 'a slu'um. Xlajw yawn can winac, 'ix ya'n can win slum chi majnil yet' te 'awb'ente 'a jun tzo'n̈ eb' munljum winac. Xlajw cha, x'at win 'a junx lugar, najtl x'aj cajn win ta'.

1 Co 12:4

An̈ec tic, chucchc 'opiso tzqui chaj junjn on̈ec, palta junn̈j mach tz'a'n 'ayn̈ec, atn Yespíritu Dios.

1 Co 3:5

¿Tom 'ay wel'ch an Pablo in tic? An̈jtona pax Apolos cha, ¿tom 'ay yel'ch paxi? Yujto an̈ tic on̈, ton̈j ya'mal on̈ servil Dios on̈. Cuj on̈, eya'n 'och e c'ojl 'a Cajlil. Ton̈j tzon̈ munlj junjn on̈ on̈, 'icha yaj ya'n Dios copiso tic on̈.

Ef 4:11

Yuj cha, a tz'a'n copiso junjn on̈ec. 'Ayn̈ schecb' caji. 'Ayn̈ tzyac' cal-l spaxti'. 'Ayn̈ tzcal-l wach' 'ab'x yic colnb'il. 'Ayn̈ tz'ajx quil eb' quit creyenteal, tzqui cuyn pax eb'.