Mt 25:10 - Chuj San Sebastian Bible

¹⁰ Yuj cha, x'at eb' 'ix chi sman yico'. 'Ayt 'at eb' 'ix, 'ix jaw win tznupn cha. A eb' lista xon yaj yet' scantil, 'ix 'ochcn eb' yet' win 'a 'aj tznupn cha, xlajwn̈ej cha, 'ix macx can te puerta.

Chuj San Mateo Bible

¹⁰ Yuj chi' ix b'at eb' ix sman yico'. Aytob'at eb' ix, ix ja vin̈ van snupnaj chi'. A eb' ix lista yaj yed' scandil chi', ix ochcan eb' ix yed' vin̈ b'aj tz'och q'uin̈ nupnajel chi'. Ix macchajcan te' puerta b'aj ix ochcan eb' chi'.

Mt 25:10 ပူးပေါင်းရင်းမြစ်များ

Gn 7:16

Jun no smam jun no snun, 'ixta 'ix 'aj yoch junjn c'aj e no', 'icha 'ix yutj yaln Jehová 'a Noé. Xlajw cha, caw a Jehová 'ix macn can smac te barco cha.

Salmos 95:11

Yuj cha, 'a scal yowl in c'ojol, xwa'n in ti', to may b'a'n̈ 'oj 'och eb' 'iljoc wu'uj, xin xchi, xchi Dios.

Mt 24:42

Yuj cha, caw lista tzeyutj e b'a, yujto man̈ eyojcoc jantc yorail 'oj in jaw an Yajl in tic.

Mt 24:43

Q'uinloc 'ay junc win 'ajn̈a ticnec, toto yojtac janc' tzjaw junc 'elc'm 'a 'ac'wal, caw lista 'oj yutc sb'a, sec ma'oj stac' yoch jun 'elc'm cha.

Mt 24:44

Yuj cha, an̈jtona 'ex, caw lista tzeyutj e b'a, yujto a yic tze na'a to matz in jawi, lemb'il ata 'oj in jawi.

Mt 25:6

Palta ax 'a chim'ac'wal, 'ay jun mach 'ix 'awj 'ixtc 'a eb': Wal sjaw win tznupn tic, 'at chajec sjaw winac, xchi 'a eb'.

Mt 7:21

'Ay eb' tzaln 'ayn 'ixtic: Mamin, Mamin, xchi eb', palta man̈ smasniloc eb' 'oj 'och 'a yol sc'ab' jun 'aj satcha'an̈. Cojn eb' tzb'on 'icha tznib'j in Mam 'ayc' 'a satchan̈ cha, cojn eb' 'oj 'ochoc.

Lc 12:35

Caw lista tzeyutj e b'a 'icha junc mach 'aych spichul, 'aych pax scantil, tztan̈wni sjaw spatron̈.

Lc 13:25

Yujto a Dios, lajn 'icha junc win 'ajn̈a tzq'ue wan lin̈n 'a smexa, tzmacn yatut cha. 'Oj lajwc cha, ax xo tzex can 'a sti n̈a cha, 'ojt cob' eyawj 'och 'a 'ixtic: Mamin, jacn̈ 'och et' on̈, 'oj e chioc. Palta 'oj yal 'ayx 'ixtic: Man̈ ex wojcoc, 'ajm 'ay ex, 'oj schioc.

A Scarta San Pablo D'a Eb' Aj Colosas 1:12

Ax eya'n yuj diosal 'a qui Mam Dios. A tzb'on qui nab'enec, sec 'ay calnec quic yet' jantcn̈ej eb' yic xo yaji, yujto yic on̈c xo sacq'uinal.

2 Ti 4:8

Al ticnec, 'ay jun spac wic molb'il xo, yujto tojl tzwutj in b'eyb'al. A Cajlil, caw tojl snab'en, a 'oj b'eyc'ojlanc smasnil 'anma'. A 'a yic jun c'u cha, 'oj in cha spac wic 'a 'a. Man̈ cojnoc in 'oj in cha spac wico'. Jantcn̈ej eb' caw tznib'j jawc Cajlil 'a scha'ejmal, 'oj scha eb' yic jun xo.

A Sb'ab'el Carta San Pedro 1:13

Yuj cha, caw te'n tzeyutj e nab'en. Lista tzeyutj e b'a. Caw tzeya'ch yipc e c'ojl tas 'oj yac' Dios 'ayn̈ec yuj swach'c'ojlal, yic 'oj jawc Jesucristo.

Apoc 1:7

'Iltec, jab'xoj 'oj jawc Cristo 'a scal 'asun. Smasnil 'anma', 'oj yil eb' sjawi, an̈jtona eb' tecjnac chamoc, 'oj yil pax eb' sjawi. Ax eb' 'anma 'a junjn chon̈b' 'a yolyib'n̈q'uinl tic, a yic 'oj yilnc eb', caw 'oj 'oc' eb'. Wal yel, 'ixta wal 'oj 'ajoc.

Apoc 19:7

Tzaljcoyec, 'ay cab' qui tzaljc'ojlalec. Calc wach' paxti 'a 'a. Yujto xc'och yorail yoch jun tzcuch Calnelu 'a nupnel. Ax yistl chi tzyij cha, caw lista pax yaji,

Apoc 22:20

A jun xaln jun tzo'n̈ tic, a tzaln pax 'ixtic: —Wal yel, jab'xoj wal 'oj in c'ochxi, xchi. B'o cab' 'ixta'. ¡Cotn̈ ach Cajlil Jesús!