Mt 24:9 - Chuj San Sebastian Bible

⁹ Ax tic, 'oj eyajx 'och 'a yol sc'ab' eb' yajal, sec 'oj eyab' syal yuj eb', 'oj laj ex smil cham eb'. Smasnil 'anma 'oj laj chichnc 'och 'ayx wu'uj.

Chuj San Mateo Bible

⁹ A ex tic, ol laj ex ac'jococh d'a yol sc'ab' eb' yajal, yic ol ex och d'a syaelal yuj eb'. Ol laj ex smilcham eb'. Masanil eb' anima ol laj och ajc'olal d'ayex vuuj.

Mt 24:9 ပူးပေါင်းရင်းမြစ်များ

Pr 29:27

A eb' 'anma wach' snab'en, matz nib'j eb' yil eb' maysch'olnil snab'en; an̈jtona eb' maysch'olnil snab'en cha, matz nib'j eb' yil eb' wach' snab'en cha.

Dn 11:33

Til wal eb' et chon̈b' 'oj cuyxoc yuj eb' jeln 'a a chon̈b' cha, palta jayen̈ej c'u, ax smilx cham eb'. 'Oj n̈usxoctz'a eb', 'oj 'elc'xoc 'at smasnil tas 'ay 'a eb'. Mosoal 'oj 'ajcn 'och eb' 'a jun tzo'n̈ chuc chon̈b'al.

Mt 22:6

Ax jun tzo'n̈ xo eb' xyamn can ewin schecb' winac. Caw xyac' eb' stul 'a ewinac, masnto smil eb' ewinac.

Mt 23:34

'Ab'ec, 'oj in checb't jun tzo'n̈ eb' schecb' Dios 'ayex, yet' eb' 'ay sjelnal 'a yic Dios, yet' eb' cuywjum. 'Ay eb' 'oj eyac' q'ue 'a spenc culus, ax scham eb' eyu'uj. 'Ay eb' 'oj e mac' 'a yol jun tzo'n̈ e capiya. 'Ay pax eb' 'oj e pech b'eyc'oc 'a junjn chon̈ab'.

Lc 11:49

Yuj cha, yaljnac can Dios 'ixtc yuj sjelnal: 'Oj in checb't jun tzo'n̈ eb' 'oj alnc 'el in paxti 'ayex, yet' jun tzo'n̈ xo eb' in checab'. 'Ay eb' 'oj e mil chamoc. 'Ay pax eb' 'oj e pech b'eyc'oc, xchi Dios.

Lc 21:12

Palta a yic mantzac jaw jun tzo'n̈ cha, 'ay eb' 'oj eyamni, ax ya'n eb' stul 'ayex. 'Oj ex yi't eb' ex sb'eyc'ojloc 'a scapiya, ax ex ya'n 'och eb' 'a preso. 'Oj ex yi't eb' 'a yojltac ewin rey, yet' 'a ewin gobernador, yujto 'aych e nab'en 'ayin.

Jn 15:18

Toto 'ay eb' yic yolyib'n̈q'uinl tic tzchichn 'och 'ayex, nac coti, to a 'ayn tzb'ab'l chichn 'och eb'.

Jn 15:21

C'uxn 'oj laj ya'ch eb' jun tzo'n̈ tic 'a eyib'n̈ wu'uj, yujto man̈ yojcoc eb' jun checjnacn coti.

Jn 16:2

Yujto 'oj ex spech 'elt eb' quit israelal 'a yol scapiya. 'Ay wal jun tiempoal 'oj jawoc, yaln̈ej mach 'oj e milni, ax snan eb', to a Dios wan ya'n servil eb'.

A Tas Sc'ulejnac Eb' Schecab' Jesús Hechos 28:22

Palta tzqui nib'j tzcab' an̈ tic on̈, tas wan a nani. Yujto xcab' speclal on̈, chajtlto 'a junjn lugar, tzlaj yal eb' maysch'olnil 'a spatc jun e cuynb'il tot pitzwnac tic, xchi eb' 'a Pablo.

A Tas Sc'ulejnac Eb' Schecab' Jesús Hechos 7:59

Wan xo sjuln cham eb', 'ix leslwi Esteban, 'ix yaln 'ixtic: —Ach Wajlil Jesús, chaj in pixan, xchi.

A Sb'ab'el Carta San Pedro 4:16

Palta toto 'ayn̈ec, yujn̈ej to yic on̈c Cristo tzcab'nec syail, man̈ on̈ q'uixwoc. Calc wach' paxti 'a Dios, yujto yic on̈c xo Cristo.

Apoc 2:10

Man̈ ex xiw yuj jun tzo'n̈ yailal 'oj jawc 'a eyib'an̈. 'Ayx 'oj eyajx 'och 'a preso yuj win diablo. 'Ixta 'oj ex yutc win ex ya'n prowal. Lajn̈e c'u 'oj eyab' syail. Palta yiclumn̈ej tzeyutj e b'a, masnto 'oj e chami. Toto 'ixta 'oj eyutc e b'a, 'oj wac' spac 'ayex, atn e q'uinl 'a jun 'ejmn̈ej.

Apoc 2:13

[Wojtac, jantcn̈ej tas tze b'o'o.] Wojtac, to 'ayx 'ec' 'a jun chon̈b' 'aj tzyac' Satanás yajlil, palta an̈ja yiclum ex 'ayin. A Antipas, caw yel ya'jnac testigoal sb'a wu'uj. 'Ix milx cham 'a e cal, 'a 'aj 'ayc' Satanás cha, palta an̈ja ma'ix eyactj can eya'n 'och e c'ojl 'ayin.

Apoc 7:14

—Ach ojtac. Aln tic man̈ wojcoc, xin chi 'a 'a. Yuj cha, 'ix yaln pax 'ixtc 'ayin: —Atn eb' tic 'e'nc 'a jun niwquil yailal. 'Ix 'ijx 'el smul eb' yuj schic'l jun tzcuch Calnelu. 'Icha to 'ix sju'l eb' spichul, caw sac x'aj yuj schic'l cha.