Mt 24:31 - Chuj San Sebastian Bible

³¹ Ax q'uen trompeta, caw 'ip 'oj 'oc' q'ue'en, an xo 'Ochnc in 'Anmal tic, 'oj in chec cot eb' wángel 'ec' smolb'tzoc cot eb' sic'b'il 'el wuj 'a smasnil yolyib'n̈q'uinl tic. 'Oj 'ec' 'ijx cot eb' 'aj tzlajw c'och yolyib'n̈q'uinal, masnto 'a yib' cha'an̈.

Chuj San Mateo Bible

³¹ A inxo, ol in checcot eb' vángel, te chaan̈ ol spu strompeta eb' yic smolchajcot eb' sic'b'ilel vuuj. Ol laj ic'joccot eb' b'aj slajvic'och yolyib'an̈q'uinal tic masanto b'aj ay yich chaan̈.

Mt 24:31 ပူးပေါင်းရင်းမြစ်များ

Salmos 22:27

Mamin Jehová, smasnil jun tzo'n̈ niwc nacion̈, yet' yin̈tl junjn macn̈ 'anma 'a 'aj tzlajw c'och lum lum tic, 'oj a nax cot yuj eb'. 'Oj jawc eb' 'a ojltac, ax yem cumn eb' 'ayach,

Salmos 67:7

'A'n̈j a yaxilal 'a quib'n̈ on̈, niwn cab' el'ch 'a smasnil yolyib'n̈q'uinl tic.

Salmos 81:3

A yic tzpac' 'uj tzcutz'nec qui trompeta, tzcutz'nec pax 'a yic tzc'ojn sb'a 'uj, yujto niwquil q'uin̈ jun chi 'ayn̈ec.

Ex 19:16

Ax yic sacb' 'el 'a schab'jil cha, caw tz'ec' letz'lo'om, tzc'an̈ pax c'u, 'ay jun niwquil q'uic' 'asn x'och 'a sjolm lum witz cha. Ax xyab'n eb' caw 'ip 'ix 'oc' jun q'uen trompeta 'a sjolm lum witz cha, smasnil eb' 'anma 'ayc' 'a yol smantiado, caw 'ix xiw eb'.

Is 11:12

'Oj q'ue junc bandera tzch'oxni, chajtlto a tzmolb'tzan paxt eb' israel 'aycn 'at 'icha presoal 'a jun tzo'n̈ xo nacion̈. An̈jtona eb' 'aj Judá 'oj smolb'tzoc paxt eb' 'aycn 'at 'a smasnil yolyib'n̈q'uinl tic.

Is 13:5

Atn eb' xlaj cot 'a jun tzo'n̈ nacion̈ 'a najat, 'a 'aj tzlajw c'och sti lum lum tic. 'Icha to syamc'ab' Jehová yaj eb' yuj 'a owal, sec a eb' tzsatn 'el smasnil tas 'ay 'a sat lum lum tic yuj yowl sc'ojol.

Is 27:13

A 'a jun c'ul cha, 'oj 'utz'xoc jun trompeta to 'oj 'ab'xoc sjaj 'a najat, a eb' satnc can 'at 'a Asiria, yet' eb' 'ijxnac can 'at 'a Egipto, 'oj jawc eb' wul yac' 'ejm sb'a 'a Jehová, atn 'a lum tzaln to yic 'emmquilal yaj 'a Jerusalén.

Is 42:10

Ex 'anma cajn 'a snajtil 'el sti lum lu'um, ex tzex 'ec' 'a yib'n̈ a mar, yet' no noc' cajn ta', yet' pax ex cajn ex 'a jun tzo'n̈ chon̈b' 'ay 'a sti a mar cha, b'itnejec junc 'ac' b'it yic tzeyaln e wach' paxti 'a Jehová.

Is 43:6

'Oj wal 'a eb' chon̈b' 'ay 'a stojlal norte 'ixtic: 'A'c meltzjoc eb' in chon̈ab', 'oj in chioc. Ax 'a eb' chon̈b' 'ay 'a stojlal sur, 'oj wal 'ixtc 'a eb': Man̈ eyamch wan eb', 'ijec cot eb' wunnal yet' eb' wisl 'aycn 'at 'a caw najt cha, eb' 'ay 'a 'aj tzlajw c'och yolyib'n̈q'uinal.

Is 45:22

Jantcn̈ej ex cajn ex 'a 'aj tzlajw c'och sti lum lu'um, cotn̈ec 'ayin, 'oj ex in colo', cojn in ton Dios in, may junc xo.

Is 49:18

'Ixc q'ueln 'a smasnil a tz'ey, wan laj syamnc pax sb'a smasnil eb' 'ijxnac 'at 'icha presoal, yic tzjapx eb' 'ayach. An Jehová in, mun tzin loc in b'i, tzwac' in ti 'ayach, to caw 'oj a b'an̈ a b'a yuj eb' a chon̈ab', atn eb' wan sjapx 'aych cha. 'Icha wal swach'l yilx tz'aj junc 'ix cob's 'ix yuj yixtal spichul yic tznupni, 'ixta wal 'oj aj yuj eb'.

Is 60:4

Tzlajw cha, ax eyiln 'at 'a najat, tzex laj 'ec' q'uel-loc, to a smasnil eb' eyit chon̈ab', 'oj laj syamx sb'a eb', ax sjapx eb' 'ayex. 'Oj eyil scot eb' eyunnal 'a najat, mec'b'il eb' eyisil ax wul yajx can pax eb' 'ayex.

Dn 7:2

'Ix yaln Daniel 'ixtic: Xwil wal 'a jun in waych 'a 'ac'wl q'uiq'ui, to a 'a schan̈paq'uil yolyib'n̈q'uinal, ata 'ix cot jommoc 'ic'. Ax 'a yib'n̈ a niwquil mar xjawi, caw xma'x chan̈ chel-loc a yu'uj.

Zacarías 14:5

Ax xo tic, 'oj e 'at 'eloc. 'Oj eyel 'a jun pan̈n 'ay 'a snan̈l chab' lum tzaln cha, yujto a jun pan̈n cha, 'oj c'och to 'a Azal. Caw 'oj e 'at 'elc 'icha 'ajnc s'at 'elc eb' e mam eyicham yic yec' jun quixcab' 'a pecti', yic 'aych win Uzías reyl 'a Judá. 'Ixta to b'i'an, ax sjaw Jehová qui Diosalec yet' smasnil eb' yico'.

Zacarías 2:6

A Jehová a tzaln 'ixtic: An ex wac' sactzic can 'at 'a smasnil yolyib'n̈q'uinal. Ax ticnec an tzwal 'ayx 'ixtic: Ex 'aj Sión, 'eln̈ec mu'c 'a jun nacion̈ 'a 'aj 'ayx 'ec' 'a stojlal norte; 'eln̈ec 'a Babilonia 'a 'aj 'ayx 'ec' 'icha presoal, xchi Dios.

Zacarías 6:5

Ax jun ángel cha, 'ix yaln 'ixtc 'ayin: A jun tzo'n̈ tic, tz'at eb' 'a schan̈paq'uil 'aj tzcot 'ic', yic xlajw yelt eb' 'a yojltac jun Yajl 'a smasnil yolyib'n̈q'uinal.

Zacarías 9:10

A 'oj 'a'nc lajwc 'el scaruaje eb' yic Efraín, yet' schej eb' 'aj Jerusalén, atn no tz'at 'a owal, yet' syamc'ab' eb' yic owal. A jun rey chi 'oj alnc 'el junc'ojlal 'a smasnil nacion̈, ax ya'n yajlil 'a jun sti a mar, masnto 'a junx sti a', tzchaj 'at 'a sti a Éufrates, masnto 'aj tzlajw c'och sti lum lu'um.

Zacarías 9:14

A Jehová 'oj sch'ox sb'a 'a yib'n̈ schon̈ab'. 'Icha raya 'ixta 'oj yutc sjulwji. A Jehová Cajlil, 'oj yutz'c strompeta, ax yec' lemnjoc 'a scal chacxuxm'ic' 'a stojlal sur.

Mt 13:41

An 'Ochnc in 'Anmal tic, 'oj in chec cot eb' wángel. C'uxn 'oj 'ec' smolb'tzoc eb' jun tzo'n̈ eb' tz'a'n juwc 'el snab'en eb' yit 'anma'il, yet' jun tzo'n̈ xo eb' tzb'on maysch'olnil. C'uxn 'oj 'ijxc 'el eb' 'a 'aj 'oj woch Yajlil.

Mt 24:22

Toto a Dios ma'oj yac' c'ochmb'oc jun tiempoal yic yailal cha, may junc mach 'oj colchjoc can 'el 'a yol sc'ab' chamel. Palta yuj eb' sic'b'ilx 'el yu'uj, ax ya'n c'ochmb'oc.

Mt 24:24

Yujto 'oj pitzwc chan̈ jun tzo'n̈ eb' 'oj cob' yalch sb'a Cristoal, yet' eb' 'oj cob' yalch sb'a schecb'oc Dios. 'Oj sch'ox eb' jun tzo'n̈ milagro senyaoc, sec 'oj 'ixtxoc paxti eb' 'anma yuj eb'. 'Oj ya'lc pax eb' yixtn paxti eb' sic'b'il 'el yuj Dios, palta ma'oj stac' yuj eb'.

Mt 24:32

'Ab'c jun 'ab'x tic 'oj wal yuj te higo, a 'a yic tz'unnb'i sc'ab' te', yic wan xo xpac' xilte', eyojtac to jab'xoj sjaw n̈ab'lq'uinal.

Mt 25:31

An 'Ochnc in 'Anmal tic, 'oj in jaw yet' eb' wángel smasnil, caw niwn in poder, ax wem wocn 'a in despacho. Atta 'oj checljoc 'eli, to caw niwn wel'chi.

Mt 28:18

Ax Jesús, 'ix wach' c'och 'a stz'ey eb' scuywum yuxlchwan̈il, 'ix yaln 'a eb' 'ixtic: —In 'ajx 'och Yajlil 'a yib'n̈ smasnil tas 'a satcha'an̈ yet' 'a yolyib'n̈q'uinl tic.

Mr 13:27

An tic, 'oj in chec cot eb' wángel 'ec' smolb'tzoc cot eb' sic'b'il 'el wuj 'a smasnil yolyib'n̈q'uinal. 'Oj 'ec' 'ijx cot eb' 'a 'aj tzlajw c'och yolyib'n̈q'uinal, masnto 'a yib' cha'an̈.

Lc 24:47

An̈jtona', yowlal 'oj alxc 'el wab'xil 'a scal eb' 'anma 'a junjn nacion̈, to yowlal tzna sb'a eb', sec 'oj 'ajxc can lajwc smul eb'. A 'a Jerusalén tic 'oj b'ab'l alxc 'el wab'xil, ax spuc 'a junjn chon̈ab'.

Jn 11:52

Man̈ yujocn̈ej eb' israel cha, 'ix schami. 'Ix chami, yic tzmolb'tzan jantc eb' Yunnal Dios t'un̈ctac yajcn 'at 'a yolyib'n̈q'uinl tic, sec junxn̈ej 'oj 'aj eb'.

Ro 10:18

Palta ¿tas tze na'a? A eb' israel, ¿tom ma'ix yab' eb' jun wach' 'ab'x tic? Ma'ay, c'uxn xyab' eb'. Yujto 'ixtc tzyal 'a Ch'an̈ U'un̈: C'uxn tzpucb't yab'xil 'a smasnil chon̈ab', masnto tzc'och 'a 'aj tzlajw c'och yolyib'n̈q'uinl tic, xchi.

1 Co 15:52

A jun cha, caw ji'lti 'oj jawc tza'n̈joc. Jun mutz'satiln̈ej 'oj 'aj sjawi, yic 'oj 'oc' jun slajb' trompeta. A yic 'oj 'oc' jun trompeta cha, ax spitzw pax eb' creyente chamnc xo, man̈x b'a'n̈ 'oj cham eb'. An̈ xo pitzn on̈c to ta', 'oj jelmjoc pax qui niwnalec tic.

Ef 1:10

A yic 'oj c'och stiempoal, 'oj 'el'choc jun snib'jnac cha. Yujto ata 'oj swach' 'a'c 'och smasnil mach yet' smasnil tas 'a yol sc'ab' Cristo. Wach'xam jun tzo'n̈ 'ay 'a satcha'an̈, yet' pax jun tzo'n̈ 'ay 'a yolyib'n̈q'uinl tic, junxn̈ej 'oj yutc ya'n 'och smasnil 'a yol sc'ab' cha.

Dt 30:4

Wach'xam tzex sactzic can 'at 'a yolyib'n̈q'uinl tic, palta a 'aj 'ayx 'ec' cha, atta 'oj ex yi' paxt Jehová qui Diosalec.

Dt 4:32

Nac cot jun tzo'n̈ tiempo 'e'nc xo can 'a yic pecti', yictax sb'on Dios eb' 'anma 'a yolyib'n̈q'uinl tic. 'Ixquec, 'at c'anb'jec 'ec' 'a smasnil lugar, toto 'ay 'aj ujnac xo, mto 'ay 'aj tz'ab'x yalx junc tas niwn yel'ch 'icha jun wan yuj 'a qui calc tic.

1 Ts 4:16

'Oj 'awtxoc jun checnb'il yuj jun sat ángel, ax yoc' pax strompeta Dios. At wal ta 'oj 'emloc Cajlilec 'a satcha'an̈. Ax eb' creyente chamnc xo, 'oj b'ab'l pitzwc pax sniwnal eb'.

2 Ts 2:1

A ticnec ex wu'tac, ex wanab', 'oj calb't eyab' on̈, chajtl 'oj 'aj sjaw Cajlil Jesucristo, ax on̈ smolb'tzanc yet'oc. Tzon̈ tew 'at 'ayx on̈,

A Ch'an̈ Carta D'a Eb' Hebreo 12:19

Yab'jnac eb' yoc' jun trompeta. Yab'jnac pax eb' sjaj Dios, yic spaxtin 'a eb'. A eb' 'ab'jnac spaxtin cha, caw tewnac eb' 'a 'a, sec man̈xtzac paxtin 'a eb'.

Apoc 1:20

'Oj wal 'ayach, tas tzyal 'el'ch uque c'anal 'ix el 'a yol in wach' c'ab', yet' uque yet'l cantil nab'a oro 'ix ela. A uque c'anal, atn eb' in checb' yucwn̈il 'a uque iglesia. Ax uque yet'l cantil, tzyal 'el'chi, atn uque iglesia cha, xchi Jesús.

Apoc 11:15

'Ix yutz'n jun yucl ángel pax strompeta. Xlajw cha, x'och jun tzo'n̈ paxti 'a satcha'an̈. Caw 'ip 'ix yal 'ixtic: A eb' yajl yaj 'a yolyib'n̈q'uinal, wal ticnec tzcan yopiso eb' yico'oc Dios Cajlil, tzcan pax yico'oc Cristo. A 'oj 'a'nc Yajlil 'a jun 'ejmn̈ej, xchi eb'.

Apoc 7:1

Xlajw cha, xwilni, 'ay chan̈wn̈ ángel. Lin̈n 'ec' junjn eb' 'a junjn yisquinyoal yolyib'n̈q'uinal. Ax chan̈e 'ic', macb'il 'och wan yuj eb'. Yuj cha, man̈x 'a jac 'ic' x'ec' 'a sat lu'um, yet' 'a yib'n̈ a mar. Toxn man̈x 'a junc te te x'ib'x xon jab'oc.

Apoc 8:2

Ax xwilni, lin̈n 'ec' ucwn̈ ángel 'a yojltac Dios, 'ix 'ajx strompeta junjn eb'.