Mt 23:28 - Chuj San Sebastian Bible

²⁸ 'Ixta 'ex paxi, yujto a 'a sat eb' 'anma', wach' cob' tzeyutj e b'a, palta ax e nab'en, caw maysch'olnil yuj e chab'satil.

Chuj San Mateo Bible

²⁸ Ichex ta', yujto a d'a yichan̈ eb' anima, nivanoc vach' tzeyutej e b'a, palta axo e pensar, chab' sat yaji, te chuc.

Mt 23:28 ပူးပေါင်းရင်းမြစ်များ

Salmos 51:6

Caw 'ay a chamc'ojlal 'a eb' to a yet' smasnil sc'ojol tzb'on stojlal, yuj cha, 'ac' wal a jelnal 'ayin.

Pr 26:26

Wach'xam tzcob' sc'ub'c 'el stu nab'enal chi 'ayex, palta yowlal 'oj checljoc 'el snab'en chi 'a sat smasnil 'anma'.

Mt 23:27

Ax cuywjum ex 'a ley yic Moisés yet' ex fariseo, caw 'oltac ex, caw chab'sat ex. Lajn ex 'icha junc yet'l xi'lb'a 'ay 'a campusan, caw sac spatquil, caw wach' cob' yilxi, palta ax wal yojol, b'ut'n yet' sb'ac'l jun tzo'n̈ xi'lb'a cha, caw tu tas 'ay 'a yojl cha.

Mt 23:29

Ax cuywjum ex 'a ley yic Moisés yet' ex fariseo, caw 'oltac ex, caw chab'sat ex. Ax tic, tz'at e b'o jun tzo'n̈ yet'l eb' schecb' Dios 'a campusan, yet' jun tzo'n̈ xo eb' tojl snab'en mucn ta'.

Mt 23:5

Yujn̈ej to tznib'j eb' wach' 'a sat eb' 'anma', tzcob' sb'onc eb' jun tzo'n̈ tas wach' yil eb'. 'Ay jun tzo'n̈ tz'um 'aj tz'ib'b'il 'och jac spaxti Dios, tzya'ch eb' 'a sc'ab' yet' 'a snan̈l sat, caw niwc tzyutj 'och eb' stz'ib'ul sec wach' eb' snan 'a sat eb' 'anma'. Ax sjucn pichl eb' tzya'chi, yel xo wal caw jucn yajch sti yuj eb'.

Lc 16:15

Yuj cha, xyaln Jesús 'ixtc 'a ewinac: Ax xo tic, cojxn 'a sat eb' 'anma wach' tzeyutj e b'a, palta ax Dios, yojtac tas yaj e nab'en. A jun tzo'n̈ tas niwn yel'ch 'a sat eb' 'anma', caw yajb'il yuj Dios.

Gl 2:13

Ax jun tzo'n̈ xo eb' creyente wit israelal, sb'eylb'ejnac eb' sb'eyb'al Pedro. Caw chab'sat yutjnac sb'a eb' yet'oc. An̈jtona pax Bernabé, 'ochnc chab'satil yet' eb'.

A Ch'an̈ B'ab'el Libro Samuel 16:7

Palta xyaln Jehová 'ixtc 'a Samuel: Man̈ ach 'och q'ueln 'a win tic yuj tas yilx 'ochi, man̈ elch ste'il, yujto matz in nib'j winac. Ax 'anmax tic, a wal yilx 'och junc mach, a chi tzeyilchi, palta an tic a snab'en eb' tzwilchi, xchi.