Mt 23:24 - Chuj San Sebastian Bible

²⁴ Ax tic, lajn ex 'icha junc mach matz uj yilni, tzcob' squetznc 'at junc xo mach matz uj yilni. Lajn pax ex 'icha junc mach tzyij 'el junc 'us 'a scal tas tzc'uxu, tzlajw cha, ax junc cameyo tzpitzn b'u'j 'ati. 'Ixta 'ex, yujto caw tzex xiw 'a jun tzo'n̈ checnb'il mayn̈ej wal yopiso. Ax jun tzo'n̈ checnb'il caw niwn yel'chi, matz ex xiw jab'oc 'a 'a.

Chuj San Mateo Bible

²⁴ A ex pax tic, lajan ex icha junoc mach max uji yilani, ch'oxum b'e syutej sb'a d'a junocxo. An̈ej noc' us tzeyic'canel d'a scal tas tzeyuq'uej. Slajvi chi', axo noc' camello tze turb'ati.

Mt 23:24 ပူးပေါင်းရင်းမြစ်များ

Is 9:16

A eb' yajl yaj 'a scal eb' 'anma tic, caw 'a'm 'es eb', ax eb' 'anma tzcob' jucb'tzax yuj eb', ton̈j tzsatc' eb'.

Mt 15:14

Yuj cha, yilx ewinac, lajn ewin 'icha junc mach matz uj yilni, tzcob' squetznc 'at junc xo mach matz uj yiln chi yet'oc, ax tz'aji, lajn 'oj sto'l sb'a eb' 'a sat junc pa'n schawn̈il, xchi.

Mt 19:24

Tzwaln pax 'ayex: Q'uinloc 'ay junc no cameyo, ¿tom 'oj stac' yec' no 'a yixl junc 'acxa'? 'Ixta eb' rico, yel xo wal teb'il 'oj 'och eb' 'a yol sc'ab' Dios, xchi 'a eb'.

Mt 23:16

Ax tic, lajn ex 'icha junc matz uj yilni, tzcob' squetznc 'at junc xo mach. Caw 'oltac ex, yujto tzeyal 'ixtic: Toto 'ay mach tzlocn sb'i yatut Dios yic tzya'n junc sti', man̈ yowlalc ya'n 'el'choc sti cha. Palta toto 'ay mach tzlocn sb'i q'uen oro 'aych 'a yatut Dios, yowlal tzyac' 'el'choc sti cha, xe chi.

Mt 7:4

Toto 'aych jun patzb' chi 'a yol e sat ¿tom 'oj stac' eyaln 'a jun chi 'ixtic: Yaj 'elt jun c'alem 'a yol a sat, tzin nib'j tzwij 'elt 'ayach, tom 'oj e chic 'a 'a?

Jn 18:28

Ax yic sacb'i, 'ix yi'n 'elt ewin Jesús 'a yol yatut win Caifás. Xyi'n 'at ewin 'a 'aj 'ay sdespacho win yajal. A sley eb' 'aj Judea cha, matz tac' yoch eb' 'a yol sdespacho win cha. Tzna eb', toq'ue tzjuw 'el eb' 'a sat Dios. Toq'ue man̈xtzac stac' swa eb' 'a jun yemc'ul yic q'uin̈ cha.

Jn 18:40

Yuj cha, 'ix 'awj chan̈ eb' smasnil 'ixtic: —A jun winc tic, matz qui nib'j on̈. A win Barrabás, a win tza'l 'a libre, xchi eb' 'a winac. A win Barrabás cha, 'elc'm winac.

Apoc 12:16

Palta a lum lum xcolwj 'a 'ix. 'Ix jacw jun niwquil xab' oln 'a lu'um. An̈jta 'ix satcn 'ejm jun niwquil a chi x'elt 'a yol sti cha.