Mt 23:19 - Chuj San Sebastian Bible

¹⁹ Yuj cha, caw may e nab'en, 'icha to matz uj eyiln jab'oc. ¿'Aja jun yel xo 'ay yel'ch tze na'a? ¿Tom a jun ofrenda cha, mto a jun yet'l xajmb'al cha? A jun ofrenda cha, yujn̈ej to 'ayc' 'a yib'n̈ jun yet'l xajmb'al, yuj cha, yic Dios yaji.

Chuj San Mateo Bible

¹⁹ Yuj chi' te quistal ex. Musansatil eyaji. ¿B'aja junoc más nivan yelc'och tze na'a? ¿Tom a jun silab' chi', mato a jun altar chi'? A jun silab' chi', yujto ayec' d'a yib'an̈ jun altar chi', yujn̈ej chi' yic Dios yaji.

Mt 23:19 ပူးပေါင်းရင်းမြစ်များ

Ex 29:37

A 'a uque c'u cha, tza'n̈j tz'a no xajmb'al 'a yib'n̈ yet'l xajmb'al cha, yuj ya'n lajwc mul. 'Ixta wal tz'ajcn yoch jun yet'l xajmb'al chi wico'oc. Tzann̈j junc tas tztench sb'a 'a 'a, tz'ochcn pax junc chi wico'oc.

Ex 30:29

'Ixta tzotj a'n can 'och jun tzo'n̈ chi wico'oc; tzann̈j junc tas 'oj stench sb'a 'a 'a, tz'ochcn pax wico'oc.

Hageo 2:12

Q'uinloc 'ay junc winc 'et'jnac jac chib'ej, pichb'il 'och yuj 'a yol spichul, q'uinloc wic yaj jac chib'j cha, yujto 'ix 'ajx xajmb'alil. Toto tztench sb'a sti spichl chi 'a 'ixm pan, mto 'a junc schib'l wal tajnac xo, mto 'a te yal uva, mto 'a aceite, mto 'a jun tzo'n̈ocx tas tzc'uxxi, ¿tom yuj cha, yic Dios tz'ajcn jun tzo'n̈ tas tzc'uxx cha? xa chi 'a eb'. Ax yaln eb' ya'mal 'och sti eb' 'anma cha, chajtlto ma'ay, xchi 'ayin.

Mt 23:17

Ax tic caw may e nab'en, 'icha to matz uj eyiln jab'oc. ¿'Aja jun yel xo 'ay yel'ch tze na'a? ¿Tom a jun oro chi sch'ocoj, mto a jun yatut Dios cha? A jun oro cha, yujn̈ej to a 'a yatut Dios 'aychi, yuj cha, yic Dios yaji.

Mt 23:18

Tzeyaln pax 'ixtic: Toto 'ay mach tzlocn sb'i jun yet'l xajmb'al yic tzya'n sti', man̈ yowlalc ya'n 'el'choc tas tzyala. Palta toto 'ay mach tzlocn sb'i jun ofrenda 'ayc' 'a yib'n̈ jun yet'l xajmb'al cha, yowlal tzyac' 'el'choc sti cha, xe chi.

Mt 23:20

Toto 'ay mach tzlocn sb'i jun yet'l xajmb'al cha, man̈ cojnoc jun chi tzloc sb'i, tzloc pax sb'i jantcn̈ej tas 'ay q'ue 'a yib'an̈.