Mt 20:18 - Chuj San Sebastian Bible

¹⁸ —'Iltec, wan qui 'atc 'a Jerusalén ticnec. An tic, wach'xam 'Ochnc in 'Anma'il, palta 'oj wajx 'och 'a yol sc'ab' ewin sat ya'mal 'och qui ti 'a Dios, yet' 'a yol sc'ab' ewin cuywjum 'a ley yic Moisés. 'Oj ya'ch eb' chaml 'a wib'an̈.

Chuj San Mateo Bible

¹⁸ Inai, ticnaic van co b'at d'a Jerusalén. A in tic, vach'chom Ac'b'il in cot yuj Dios voch animail, palta ol in ac'jococh d'a yol sc'ab' eb' vin̈ sacerdote yed' d'a yol sc'ab' eb' vin̈ c'ayb'um d'a ley Moisés. Ol yac'och chamel eb' vin̈ d'a vib'an̈.

Mt 20:18 ပူးပေါင်းရင်းမြစ်များ

Mt 10:4

'Ayc' pax junx win tzcuch Simón win cananeo yet' pax Judas win 'aj Queriot, atn jun x'a'n 'och Jesús 'a yol sc'ab' chamel.

Mt 16:21

Ax 'a jun tiempoal cha, 'ix syamn 'och Jesús yaln 'a eb' scuywum, tas 'oj jawc 'a yib'an̈. 'Ix yaln 'ixtic: —Yowlal 'oj in 'at 'a Jerusalén, atta 'oj 'ajxc 'och 'a wib'n̈ yuj eb' 'ichmtac winc 'ay yopiso, yet' eb' sat ya'mal 'och qui ti 'a Dios, yet' pax eb' cuywjum 'a ley yic Moisés. 'Oj in smil eb', palta ax 'a schab'jial, ax in pitzw paxi, xchi 'a eb'.

Mt 26:2

—Eyojtac to chab'joc xoj yoch q'uin̈ yic snanb'il cot yel eb' qui mam quichmec 'a libre, an 'Ochnc in 'Anmal tic, 'oj wajx 'och 'a yol sc'ab' eb' 'oj wa'n 'och 'a spenc culus, xchi 'a eb'.

Mt 26:66

¿Tas xe chi yuj winac? xchi winac. —Caw x'och smul winac, smoj tzcham winac, xchi eb' 'anma cha.

Mt 27:1

'Ax yic 'ix sacb'i, 'ix syamn sb'a smasnil eb' sat ya'mal 'och sti eb' 'anma 'a Dios, yet' ewin 'ichmtac winc 'ay yopiso. 'Ix laj yalnc ewinac, tas 'oj yutc ewin ya'n 'och chaml 'a yib'n̈ Jesús.

Lc 22:71

—Man̈x yowlalc tzjaw eb' testigo. 'In xcab'c tas xyala, xchi ewinac.

A Tas Sc'ulejnac Eb' Schecab' Jesús Hechos 2:23

Palta a Jesús cha, 'ix 'ajx can 'och 'a yol e c'ab', yujto 'ixta x'el 'a sc'ojl Dios. Yictax pecti', yojc xon Dios tas 'oj jawc 'a yib'n̈ Jesús cha. Ax tic, xe majnj sc'ab' eb' maysch'olnil, yic 'ix eya'n yamchjoc. Xeya'n 'ajxc 'och 'a spenc culus. 'Ixta xeyutj eya'n milxoc chamoc.