Mt 20:1 - Chuj San Sebastian Bible

¹ 'Ix yaln Jesús 'a eb' scuywum 'ixtic: —'Oj wal 'ayex tas tz'aj eb' 'anma yoch 'a yol sc'ab' Dios 'aj satcha'an̈. A 'a jun 'el, 'ay jun patron̈, 'ayt sacb'i sq'ue wa'an, x'at saync jaywn̈ smajn tzch'inn 'el te uva.

Chuj San Mateo Bible

¹ Ix yalan Jesús d'a eb' sc'ayb'um icha tic: —Ol val d'ayex tas tz'aj yoch eb' anima d'a yol sc'ab' Dios aj satchaan̈. A junel, ay jun vin̈ patrón ayto sacb'i ix q'ue vaan. Ix b'at vin̈ say eb' smajan yic smolanel sat te' uva eb'.

Mt 20:1 ပူးပေါင်းရင်းမြစ်များ

Mt 13:24

'Ix yaln Jesús junx 'ab'x tic 'a eb' scuywum: —'Oj wal 'ayex chajtl 'oj 'aj eb' 'anma yic 'oj wach' 'och jun 'aj satchan̈ yajlil. Q'uinloc 'ay junc winc stzic 'ejm yin̈t caw wach' 'a slu'um.

Mt 13:31

Xlajw cha, xyaln pax Jesús junx 'ab'x tic: —'Oj wal 'ayex chajtl tz'aj sq'uib' sb'isl eb' 'anma tz'och 'a yol sc'ab' Dios 'aj satcha'an̈. Lajn tz'aj sq'uib' 'icha sq'uib' junc 'in̈t rechiwo tzyawj junc winc 'a slu'um.

Mt 13:33

'Ix yaln pax Jesús junx 'ab'x tic 'a eb': 'Oj walx 'ayex chajtl tz'aj sq'uib' sb'isl eb' 'anma tz'och 'a yol sc'ab' Dios 'aj satcha'an̈. Lajn tz'aj sq'uib' 'icha jab' yich pan tzya'ch junc 'ix 'ix 'a scal junc arroba harina. Yuj jab' yich pan cha, c'uxn tzpajb' 'ixm smasnil, xchi Jesús.

Mt 13:47

'Oj wal junx 'ab'x tic 'ayex, chajtl 'oj 'aj eb' 'anma yic 'oj wach' 'och Dios 'aj satcha'an̈ yajlil. Q'uinloc 'ay junc chim yamlab' chay, tz'ajx 'ejm 'a yojl a a', til wal junjn c'aj no chay chi tzcan 'a yojl ch'an̈.

Mt 20:2

A yic xchax eb', xya'n win strato yet' eb'. 'Ix yaln win 'a eb' to tz'acn tztoj win sc'u junjn eb'. Xlajw cha, schecn 'at win eb' 'a 'aj 'ay smunljel cha.

Mt 21:28

'Ix yaln Jesús 'ixtc 'a ewinac: —¿Tas tze na yuj jun 'ab'x 'oj wal tic? 'Ay jun winac, 'ay chawn̈ yunnal. 'Ix yaln win 'ixtc 'a win b'ab'l 'unin: Ach wunnal, 'ixc munljoc 'a jun qui munljel ticnec, xchi win 'a 'a.

Mt 22:2

'Oj wal 'ayex, chajtl tz'aj eb' 'anma yoch 'a yol sc'ab' jun 'aj satcha'an̈. 'Ay jun rey xya'ch sq'uin̈ jun yunnal yic tznupni.

Mt 23:37

Ax wal tic ex 'aj Jerusalén, caw ton̈j tzlaj e jul cham eb' schecb' Dios yet' q'uen que'en, atn eb' tzchecx cot 'ayx yu'uj. Til xo wal 'ejm tzex wawtj cot 'ayin, 'icha junc caxtiln̈ tzyawtj cot yune', tzmoyni, palta toxn matz yal e c'ojol.

Mt 25:1

'Oj wal 'ayex chajtl 'oj 'aj eb' 'anma', yic 'oj sch'oxnc 'el sb'a Dios to wan ya'n yajlil. A 'a jun 'el, 'ay lajn̈wan̈ cob's 'ix, 'ix yij 'at eb' scantil 'a 'ac'wal, x'at eb' 'a jun nupnel, x'at schanc eb' sjaw win tznupn cha.

Mt 25:14

'Oj wal 'ayex chajtl 'oj 'aj eb' 'anma', yic 'oj sch'oxnc 'el sb'a Dios to wan ya'n yajlil. A 'a jun 'el, 'ay jun winc x'at 'a junx chon̈b' 'a najat. Yic mantzac 'ati, 'ix yawtn cot eb' smoso 'a 'a, 'ix ya'n can win jun tzo'n̈ stumn 'a yol sc'ab' eb'.

Mt 3:2

'Ix yaln 'a eb' 'ixtic: —Nac e b'a yuj e mul, yujto jab'xoj 'oj wach' 'och jun 'aj satchan̈ Yajlil, xchi.

Mr 13:34

Q'uinloc 'ay junc winac, tz'at 'a junc xo lugar 'a najat, tzcan yatut. Tzya'n can win yopiso junjn eb' smoso, tzyaln can winac tastc smunljel junjn eb', tzyaln can pax win 'a win stan̈mal n̈a, chajtlto tzmacwj winac.

Jn 15:1

'Ix yaln pax Jesús 'ixtc 'a eb' scuywum: —An tzin sch'ox cot jun te snun uva. Ax junc winc tzlaj mesn 'el sc'ab' te', a in Mam tzch'ox coti.

1 Co 15:58

Yuj cha, ex wu'tac, ex wanb' chamc'ojlb'il wu'uj, caw te'n tzeyutj e b'a. Man̈ e choyb'tzoc e b'a. Yet' smasnil e c'ojol, tzex munlj 'a yic Cajlil 'a smasnil tiempo, yujto eyojc xoni, a jun munljel tzqui b'o 'a yol sc'ab' Cajlilec, caw man̈ nab'an̈ejoc.

A Ch'an̈ Carta D'a Eb' Hebreo 13:21

Tzin nib'ej, yuj schic'l cha, tzwach' b'oj Dios e nab'en, sec wach'n̈j 'oj eyutc e b'a, tze b'on 'icha tznib'ej. Tzin nib'j paxi, yuj Jesucristo caw wach' tzon̈ 'ajc 'a sat, sec tzalj quet'ec. Niwn cab' yel'ch Cristo 'a smasnil tiempo. 'Ixta cab' tz'aji.