Mt 2:1 - Chuj San Sebastian Bible

¹ A 'a chon̈b' Belén 'a yol yic Judea, ata 'aljnac Jesús. A 'a jun tiempoal cha, a win Herodes 'aych sreyloc Judea cha. A yic 'ix 'alj Jesús, 'ix cot jun tzo'n̈ eb' winc tzcuch mago 'a stojlal 'aj tzq'uel c'u, 'ix jaw eb' 'a Jerusalén.

Chuj San Mateo Bible

¹ A d'a chon̈ab' Belén, d'a yol yic Judea, ata' ix alji Jesús. A d'a jun tiempoal chi', a vin̈aj Herodes ayoch reyal d'a Judea. Ay juntzan̈ eb' vin̈ vinac scuchan mago schuman yed' q'uen c'anal. Ayic toxo ix alji Jesús, ix cot eb' vin̈ b'aj sja c'u. Ix ja eb' vin̈ d'a Jerusalén.

Mt 2:1 ပူးပေါင်းရင်းမြစ်များ

Gn 10:30

'Ix can cajn eb' 'a lum lum tzcot 'a Mesa, masnto tzc'och lum 'a Sefar, atn 'a eb' lum jolmctac witz 'a stojlal 'aj tzq'uel c'u.

Gn 25:6

Ax pax eb' yune jun tzo'n̈ xo eb' 'ix yistzil win Abraham cha, cojn siylab' xya'cn win 'a eb'. A yic pitznto winac, 'ix syamn 'och schecn can 'el ewin 'a stz'ey Isaac, 'ix checx can 'at eb' 'a lum lum 'ay 'a stojlal 'aj tzq'uel c'u.

Gn 41:8

Ax yic sacb'eli, caw wal tacn̈c sc'ojl win rey yuj swaych cha, xya'n win 'ijxoc cot smasnil eb' tztac' snan 'el paxti 'a Egipto, yet' eb' jeln snab'en yalni, syamn 'och win rey yal swaych chi 'a eb'; palta may junc ewin stac' yalni tas tzyal 'el'ch swaych win rey cha.

Gn 49:10

May junc mach tztac' yi'n 'ec' a jelnal Judá; may mach tztac' yi'n 'ec' a c'occh yic opiso 'a yol a c'ab', masnto 'oj jawc yajl te c'occh cha, atn jun mach to smasnil eb' chon̈b' 'oj yiclnoc 'a 'a.

A Ch'an̈ B'ab'el Libro Yic Yab'ixal Eb' Rey 4:30

A sjelnal cha, caw 'ec'b'al 'a yib'n̈ sjelnal eb' 'aj Egipto, yet' 'a yib'n̈ eb' 'ay 'a stojlal 'aj tzq'uel c'u.

1 Cr 2:51

yet' Salma, atn smam 'ichm eb' 'aj Belén, yet' Haref, atn smam 'ichm eb' 'aj Bet-gader.

Is 11:10

A 'a jun tiempoal cha, 'oj sch'oxl sb'a jun yin̈tl Isaí cha. Til wal 'anma 'oj cot 'a jun tzo'n̈ xo nacion̈, ax sayn 'ec' eb' 'aj 'ayc' cha, caw niwn yel'ch 'a sat eb'.

Miqueas 5:2

A Dios a tzaln 'ixtic: A chon̈b' Belén tzcuch pax Efrata, wach'xam yunen̈ej chon̈b'al 'a scal jun tzo'n̈ xo chon̈b' 'ay 'a yol yic Judá, palta ata 'oj cot jun yajal, ax wa'n 'och syajlilc chon̈b' Israel. 'Oj 'eltoc 'a scal jun 'in̈tal eb' israel cha, a jun cha, 'ayc' xon 'a yic pecti', xchi Dios.

Mt 1:25

Palta mant 'ic yij sb'a yet' 'ix, masnto x'alj jun 'unn cha. Ax José x'a'n sb'ic Jesús.

Mt 2:16

Ax win Herodes cha, 'ix yilni to man̈x 'ic 'ec' eb' mago chi 'a winac. Ton̈j 'ix yixtj can paxti eb' winac. Yuj cha, caw xcot yowal, 'ix ya'n win milxc cham jantcn̈ej eb' cotc winc 'unn 'ay 'a chon̈b' Belén, yet' eb' 'ay 'a sla'nil jun chon̈b' cha. 'Ix cham eb' 'ayx schab'l ab'il, yet' eb' mantzac 'el 'a schab'l ab'il. Yujto 'ixta stiempoal ye'cn eb' mago chi 'a winac.

Mt 2:19

Ax yic xcham win Herodes cha, 'ix ch'oxn pax sb'a jun yángel Cajlil 'a José 'a swayich, yic 'ayc' 'a Egipto cha, 'ix yaln 'ixtc 'a 'a.

Mt 2:3

Ax yic 'ix yab'n win rey Herodes speclal jun cha, caw 'ix somchj chan̈ snab'en win yet' smasnil eb' 'aj Jerusalén.

Mt 2:5

—A 'a chon̈b' Belén, 'a yol yic Judea, ata 'oj 'aljoc. Yujto 'ay jun schecb' Dios tz'ib'jnac can 'ixtic:

Mt 2:7

Xlajw cha, xya'n win Herodes 'awtxoc cot eb' mago chi 'a 'a. C'ultac sc'anb'j win yab'i', b'a'n̈i xch'ox sb'a jun c'anal chi 'a eb'.

Lc 1:5

A 'a yic 'aych win Herodes sreyloc Judea, 'ay jun c'aj eb' ya'mal 'och sti eb' israel 'a Dios, tzcuch Abías. 'Ay jun win yitb'eym eb', Zacarías sb'i, ax yistzil winac, Elisabet sb'i, yin̈tl pax can Aarón 'ix.

Lc 2:11

A 'a Belén, 'a schon̈b' can win rey David, ata x'alj jun e Colmal q'uiq'ui, atn CRISTO Cajlil.

Lc 2:15

Xlajw cha, xpax q'ue eb' ángel chi 'a satcha'an̈, ax eb' waymtam calnelu cha, 'ix laj yalnc eb' 'ixtic: —Coyc 'a Belén, 'at quilc jun tas 'ix uj cha, atn jun 'ix yac' Cajlil alxoc 'ayn̈ec, xchi eb'.

Jn 7:42

A Ch'an̈ Un̈ tzalni, chajtlto a Cristo, yowlal a 'a chon̈b' Belén, ata 'oj 'aljoc, 'a 'aj 'e'nc David pecti', yujto yin̈tl can David cha, xchi eb'.

Jueces 17:7

A 'a chon̈b' Belén 'a yol yic Judá, ata cajn jun quelm levita, ula yaj 'a yol yic Judá.