Mt 19:29 - Chuj San Sebastian Bible

²⁹ Tzann̈j mach tzyactj can yatut wu'uj, mto yu'tac, yanab', mto smam snun, mto yunnal, mto slum tzyactj can wu'uj, a jun cha, caw niwn spac 'oj scha'. Ax schan pax sq'uinl 'a jun 'ejmn̈ej.

Chuj San Mateo Bible

²⁹ A mach syactejcan spat vuuj, mato yuc'tac, yanab', mato smam snun, ma yuninal, mato sluum syactejcan vuuj, a jun chi', te nivan spac ol scha'a. An̈ejtona' ol schaan sq'uinal d'a juneln̈ej.

Mt 19:29 ပူးပေါင်းရင်းမြစ်များ

Ec 3:6

'Ay yorail sayx junc tas tzsati, 'ay pax yorail man̈xtzac sayxi. 'Ay yorail smolx junc tas, 'ay pax yorail sjulx 'eli.

Mt 10:22

Smasnil 'anma 'oj chichnc 'och 'ayx wu'uj. Palta a eb' 'oj 'a'nc techjoc smasnil jun tzo'n̈ cha masnto 'a slajub', 'oj colchjoc eb'.

Mt 13:23

Palta ax jun tzo'n̈ 'in̈t x'emcn 'a 'aj 'ay syaxil lu'um, tzyal 'el'chi, 'ay jun tzo'n̈ xo eb' tz'ab'n spaxti Dios, tznachj 'el yuj eb'. A eb' cha, lajn eb' 'icha jun tzo'n̈ trigo niwn sat tzyac'a. 'Ay eb' tzyac' sat 'a jun ciente, 'ay pax eb' tzyac' sat 'a sesenta yet' 'a treinta, xchi Jesús.

Mt 13:8

Palta 'ay jun tzo'n̈ xo x'emcn 'a 'aj caw 'ay syaxil lu'um. A jun tzo'n̈ cha, xyac' sjolom. 'Ay xyac' sat 'a jun ciente, 'ay xyac' 'a sesenta, 'ay xyac' 'a treinta.

Mt 16:25

Yujto a eb' ton̈j tznib'j colchjoc sb'a 'a yolyib'n̈q'uinl tic, 'oj satl sq'uinl eb' 'a jun 'ejmn̈ej. Palta ax eb' 'oj yac' cham sb'a wu'uj, atn eb' chi 'oj scha sq'uinl 'a jun 'ejmn̈ej.

Mt 19:16

A 'a jun 'el, 'ay jun win quelm xjaw 'a Jesús, 'ix sc'anb'n win 'a 'ixtic: —Ach in wach' Cuymal, tzin c'anb'j 'ayach, ¿tas junc wach' tzin b'o'o, sec 'oj in cha in q'uinl 'a jun 'ejmn̈ej? xchi win 'a 'a.

Mt 25:34

An Rey in tic, 'oj wal 'ixtc 'a eb' 'ayc' 'a in wach' c'ab': Ax tic, ya'jnac in Mam swach'c'ojlal 'ayex, 'ochn̈ec wet' 'a 'aj tzwac' Yajlil, yictax sb'on Dios yolyib'n̈q'uinl tic, sb'on can jun tic eyico'oc.

Mt 25:46

A eb' cha, 'oj 'atcn eb' 'a yailal 'a jun 'ejmn̈ej. Palta ax eb' tojl sb'eyb'al, 'oj scha eb' sq'uinl 'a jun 'ejmn̈ej, xchi Jesucristo 'a eb'.

Mt 5:11

Ax xo tic, q'uinloc wujn̈ej tzex b'ajxi, toto 'ay tas maysch'olnil tz'ajx 'och 'a eyib'an̈, mto wujn̈ej tz'ajx 'och jun tzo'n̈ 'es 'a eyib'an̈, toto 'ixta', caw wach' pax eyico'.

Mt 6:33

Yuj cha, 'a'c eyip e wach' 'a'n 'och e b'a 'a yol sc'ab' Dios. Tojln̈ej tzeyutj e b'eyb'al 'icha tznib'ej. Toto 'ixta', 'oj yac' jun tzo'n̈ chi 'ayx smasnil.

Lc 14:26

Toto 'ay mach tzjaw 'ayin, palta yel xo niwn yel'ch smam snun 'a wib'n̈ snani, yet' yistzil, yunnal, yu'tac, yanab', yet' stzatzil, toto 'ixta', matz tac' yoch in cuywumoc.

Lc 5:11

Ax yic xc'och eb' yet' te barco chi 'a sti a', 'ix yactn can eb' smasnil tas 'ay 'a 'a, 'ix 'at eb' yet' Jesús.

Lc 6:22

Wuj an 'Ochnc in 'Anmal tic, 'oj chichnc 'och eb' 'anma 'ayex, 'oj ex spech 'elt eb' 'a scal, 'oj ex sb'uch pax eb'. Caw maysch'olnil 'oj yal eb' 'a e patc wu'uj. Palta 'a yic 'ixta 'oj ex yutc eb', caw wach' eyico'.

Jn 15:19

Q'uinloc yic ex yolyib'n̈q'uinl tic yet' eb', toto 'ixta', tecn tzex schamc'ojlej eb'. Palta man̈x ex yico'oc yolyib'n̈q'uinl tic, yujto tox ex in si'cn 'elt 'a scal eb'. Yuj cha, tzchichn 'och eb' 'ayex, yujto man̈x eyitb'eymoc e b'a yet' eb'.

Jn 4:36

'Ay eb' 'e'nc xo munljoc 'a scal eb', 'icha junc 'awm 'in̈at. 'Ay pax eb' tzmunlj 'icha junc jach'm 'a scal eb', sec 'oj scha eb' 'anma chi sq'uinl 'a jun 'ejmn̈ej. Ax eb' tzmunlj cha, c'uxn 'oj scha eb' spac jun smunljel cha, sec wach' lajnn̈ej 'oj tzaljc eb' munljum chi smasnil.

A Tas Sc'ulejnac Eb' Schecab' Jesús Hechos 9:16

An 'oj in ch'ox 'a 'a, to yowlal 'oj yab' syal wu'uj, xchi Cajlil.

1 Co 2:9

Palta tzyal 'ixtc 'a Ch'an̈ U'un̈: 'Ay wal jun tas sb'ojnac Dios, yic tzya'n 'a eb' 'ay schamc'ojlal 'a 'a. Mant 'a junc mach tz'iln junc chi 'ixta', mant 'a mach tz'ab'ni. May pax junc mach xnan 'el jun cha, xchi 'a Ch'an̈.

2 Co 5:16

Yuj cha, an̈ xo tic on̈, man̈xtzac qui b'eyc'ojlej junc mach, yuj tas yilx on̈. A 'a yic yalan̈, wach'xam qui b'eyc'ojlejnac Cristo, yuj tas yilx on̈, palta man̈xtzac qui na yuj 'ixta ticnec on̈.

A Scarta San Pablo D'a Eb' Aj Filipos 3:8

Jantcn̈ej jun tzo'n̈ tas wa'jnac 'och yipc in c'ojol, may jac yel'ch 'a in sat ticnec. Yujto 'ay junx yel xo wach' tzin b'o'o, to tzwojquej 'el Cristo Jesús, atn Cajlilec. Yuj Cristo tic, c'uxn satnc 'el smasnil jun tzo'n̈ wa'jnac 'och yipc in c'ojl cha. Ax ticnec, 'icha c'alem xoj yaj 'a in sat, yujto tzin nib'j tzwique'ej Cristo 'a jun 'ejmn̈ej.

A Sb'ab'el Carta San Pedro 4:14

Toto 'ay eb' tzon̈ b'uchnec, yujto 'aych qui nab'enec 'a Cristo, caw tzaljc'ojlal quiquec. Yujto a Yespíritu Dios, atn jun caw niwn yel'chi, a cajn 'och 'ayn̈ec. [A eb' cha, tu tzyal eb' 'a spatc Cristo. Palta an̈ec xo tic, niwn yel'ch 'a qui satec.]

3 Jn 1:7

A eb' cha, yujn̈ej ya'n servil eb' Jesucristo tz'ec' eb'. May junc tas tzchaj eb' 'a eb' man̈ creyenteoc.