Mt 19:17 - Chuj San Sebastian Bible

¹⁷ —¿Tas yuj tzin al wach'il? Cojxn jun mach wach', [atn Dios] may junc xo. Toto tza nib'j tza chaj a q'uinal, yiclj jun tzo'n̈ schecnb'il Dios, xchi 'a winac.

Chuj San Mateo Bible

¹⁷ —¿Tas yuj tzin al vach'il? Junn̈ej mach vach', aton Dios, malaj junocxo. Tato a gana tza cha a q'uinal, c'anab'ajej juntzan̈ checnab'il tic, xchi Jesús d'a vin̈.

Mt 19:17 ပူးပေါင်းရင်းမြစ်များ

Nehemías 9:29

'Ix 'ac' snab'enoc eb', sec tzmeltzj eb' 'a a ley; palta an̈ja pit 'ix yutj sb'a eb'. Ma'ix schaj eb' yab' a checnb'il, palta 'ix 'ochx smul eb' 'a a ley, jun tz'a'n sq'uinl eb' toto tzyiclj eb'. Caw tenmtac xyutj sb'a eb', pit xyutj sb'a eb', ma'ix chaj eb' yab'i'.

Salmos 119:68

Caw wach' a nab'en Mamin, wach' tas tza b'o'o; cuyn 'a jun tzo'n̈ a checnb'il tic.

Salmos 52:1

Ach to jeln a'n owal, ¿tas yuj tzej chan̈ a b'a 'a maysch'olnil? A schamc'ojlal Dios 'ayc'n̈ej 'a jun 'ejmn̈ej.

Ez 20:21

Palta ax eb' 'unnab'il cha, 'ix meltzj pax 'och eb' 'ajc'ojlal 'ayin, ma'ix syiclj eb' in ley yet' in checnb'il, wach'xam to a tz'a'n sq'uinl eb' tzb'eylb'ani. Ma'ix syiclj pax eb' sc'ul 'iljelal, yuj cha, xin nani to tzwa'ch syailal eb' yuj yowl in c'ojol, yic tzin satn 'el eb' 'a lum cusltac lum cha.

Lv 18:5

An tzwala to tze b'eylb'ej in checnb'il yet' in ley. A mach 'oj yiclnoc, 'oj 'ajxoc sq'uinl yu'uj.

Ro 10:5

A Moisés aljnac cani, tas yowlal tzcutjec qui b'a, toto tzqui nib'jec tzon̈ 'ochc wach'l 'a sat Dios yuj jun ley cha. Yaljnac can 'ixtic: Toto 'ay mach c'uxn tzyiclni smasnil tas tzyal ley, 'oj scha sq'uinl yu'uj, xchi.

Santiago 1:17

A 'a satcha'an̈, ata tzcot jantcn̈ej tas wach' tz'ajx 'ayn̈ec 'a nab'an̈ej. Yet' pax jantcn̈ej jun tzo'n̈ siylab' caw wach', a Dios tz'a'n cot 'ayn̈ec. A b'ojnac jun tzo'n̈ tz'ec' 'a satcha'an̈, tzya'n 'emt sacq'uinl 'a quib'n̈ec. Palta wach'xam tzjelmj yilx jun tzo'n̈ cha, tz'och wewen 'a 'a, ax Dios, man̈ 'ichcta tz'aji. May 'aj tzjel snab'en jun 'ejmoc.

1 Jn 4:16

Tzca'c 'och 'a qui c'ojol, to a Dios tzon̈ chamc'ojlanec. Caw cojquec jun tic. A Dios 'ayn̈j schamc'ojlal. Yuj cha, toto 'ay qui chamc'ojlal jun xo, junn̈j cajc yet'oc, junn̈j yaj pax quet'ec.

A Ch'an̈ B'ab'el Libro Samuel 2:2

Mamin Jehová, may junc xo mach wach'. May junc xo mach wach' scolwj 'icha ach tic. Ach qui Diosal on̈, cojn ach colwjum ach.