Mt 19:14 - Chuj San Sebastian Bible

¹⁴ Yuj cha, xyaln Jesús 'a eb' scuywum chi 'ixtic: —Chajec cot eb' 'unn 'ayin. Man̈ e tench wan eb'. Yujto cojn eb' lajn snab'en 'icha eb' 'unn tic, an̈j eb' 'ay yaln yic yoch 'a yol sc'ab' Dios 'aj satcha'an̈, xchi 'a eb'.

Chuj San Mateo Bible

¹⁴ Palta ix yalan d'a eb' sc'ayb'um chi': —Chaeccot eb' unin d'ayin. Man̈ e cach eb' sja d'ayin. Yujto an̈ej eb' lajan spensar icha eb' unin tic, an̈ej eb' ol yal yoch d'a yol sc'ab' Dios aj satchaan̈, xchi d'a eb'.

Mt 19:14 ပူးပေါင်းရင်းမြစ်များ

Gn 21:4

Yucb'ixial yalj win 'unn cha, 'ix 'ajx 'och jun yechl strato Dios 'a sniwnal win yuj Abraham, 'icha yaj yaln can Dios.

Mt 11:25

Ax 'a jun tiempoal cha, 'ix leslwi Jesús 'ix yaln 'ixtic: —Mamin, Yajl ach 'a satcha'an̈ yet' 'a yolyib'n̈q'uinl tic. Tzwal wach' paxti 'ayach, yujto xa c'ub'j 'el jun tzo'n̈ tic 'a eb' jelan, eb' caw 'ay snab'en 'a sat eb' yit 'anma'il, ax 'a eb' 'icha 'unin, a eb' xac' 'ojcanc 'eli.

Mt 18:3

'Ix yaln 'a eb' 'ixtic: —Wal yel tzwal 'ayex, toto matz e jel e nab'en, toto man̈ lajnoc tz'aj e nab'en 'icha eb' 'unn tic, ma'oj stac' eyoch 'a yol sc'ab' Dios.

Mt 19:15

'Ixta to b'i'an, xya'n 'at sc'ab' 'a sjolm eb'. Xlajw cha, x'atx 'a jun lugar cha.

Mt 5:10

A eb' tz'ab'n syail, yujto tojl tzyutj eb' sb'eyb'al, caw wach' yic eb', yujto 'ayx 'och eb' 'a yol sc'ab' jun 'aj satcha'an̈.

Mt 5:3

A eb' tznachj 'el yu'uj, to man̈ wach'c eb' 'a sat Dios, caw wach' yic eb', yujto 'ayx 'och eb' 'a yol sc'ab' jun 'aj satcha'an̈.

Mr 10:14

Yic xyiln Jesús jun cha, 'ix cot yowl 'a eb', 'ix yaln 'ixtic: —Chajec cot eb' 'unn 'ayin, man̈ e tench wan eb', yujto cojn eb' lajn snab'en 'icha eb' 'unn tic, cojn eb' 'ay yaln yic yoch 'a yol sc'ab' Dios.

Mr 10:15

Wal yel tzwal 'ayex, a eb' matz chan Dios Syajlilc 'icha tzchaj junc 'unin, ma'oj 'och eb' 'a yol sc'ab', xchi Jesús 'a eb'.

1 Co 14:20

Ex wu'tac, ex wanab', man̈ 'icha'oc eb' 'unin, man̈ 'ichcta tzeyutj e b'a e nan jun tzo'n̈ tic. Ax e b'eyb'al, comnoc 'icha eb' cotc 'unin, may 'aj tzb'o eb' maysch'olnil, 'ichcta tzeyutj e b'a. Ax e nab'en, caw te'n tzeyutej, yujto man̈ ex 'unnoc.

Jueces 13:7

A tas xyal 'ayin, tolab' 'oj wil satc junc wune'. Yuj cha, a ticnec man̈xtzac ab' stac' wu'n te yal uva yet' junc tas ow yu'xi. Matz tac' ab' in comn c'uxn junc tas man̈ wach'oc, yujto a jun 'unn cha, to yicn̈ej ab' Dios tz'aj winac yic 'oj 'aljoc, masnto ab' yic 'oj chamoc, xchi 'ix.

A Ch'an̈ B'ab'el Libro Samuel 1:11

Xya'n can 'ix sti 'a Jehová 'ixtic: Mamin Jehová caw wal tztac' oj smasnil. Toto smoj wal eln 'och in cusc'ojlal an a checb' in tic, tzin a nan coti. Comnoc tz'el wal a c'ojl a'n junc wune winc 'unin. A jun wune cha, tzwac' pax eco'oc 'a smasnil tiempo yic tzach ya'n servil. Ma'oj joxxoc 'el xil sjolom, sec a tzch'oxn 'eli to ec yaji, xchi 'ix.

A Ch'an̈ B'ab'el Libro Samuel 1:22

Palta ma'ix 'at 'ix Ana chi yet' eb', xyaln 'ix 'a win yichmil chi 'ixtic: —A ticnec ma'oj in 'ati, masnto 'oj 'el win 'unn tic 'a yim. 'Ixta to b'i'an, ax 'at wa'nc can win 'a yojltac Jehová, ax scan win ta 'a jun 'ejmn̈ej, xchi 'ix.

A Ch'an̈ B'ab'el Libro Samuel 1:24

Ax yic x'el win 'unn chi 'a yim, a win smam win 'unn cha yet' snun winac, 'ix yi'n 'at eb' win 'a scajnub' Jehová 'a Silo, caw wal yune to winac. 'Ix yi'n 'at eb' jun no quelm wacx 'oxe ab'il sq'uinal, jun 'echtab' 'ixm trigo yet' jun no tz'um b'ut'n yet' yal uva.

A Ch'an̈ B'ab'el Libro Samuel 2:18

Ax win Samuel, caw wal yune to winac, 'aych pax jun spichl win camx chaleco nab'a lino yic tzya'n servil win Jehová.