Mt 18:31 - Chuj San Sebastian Bible

³¹ Ax tzyiln jun tzo'n̈ xo eb' yit mosoal cha, yuj tas tzb'o winac, caw tzcus eb' yilni. Yuj cha, tz'at yalnc eb' 'a win rey cha.

Chuj San Mateo Bible

³¹ Axo ix yilan juntzan̈xo eb' vin̈ yetmunlajvumal vin̈ chi' tas ix sc'ulej vin̈, ix te och eb' vin̈ ilc'olal yilani. Yuj chi' ix b'at yal eb' vin̈ d'a vin̈ rey chi', tas ix sc'ulej vin̈.

Mt 18:31 ပူးပေါင်းရင်းမြစ်များ

Gn 37:2

Atn yab'xil smasnil eb' yunnal tic. A José 'ayx uclajn̈e ab'il sq'uinal, tzax 'ec' 'ilj calnelu yet' eb' yu'tac, atn ewin yune 'ix Bilha, yet' ewin yune 'ix Zilpa, eb' 'ix schab'l 'istzil win Jacob cha. A José a tz'i'n 'at yab'xil eb' yu'tac chi 'a smam, yujto tu tas tzlaj sb'o eb'.

Salmos 119:136

Caw tzb'ey yal in sat woq'ui, yujto matz yiclj eb' 'anma jun tzo'n̈ a cuynb'il tic.

Salmos 119:158

A eb' 'anma chab'sat yaji, caw tu wiln 'och eb', yujto matz yiclj eb' a paxti'.

Jeremías 9:1

¡Comnoc wal lajn yol in sat tic yet' junc a spac'b'a tz'el yoctac, sec sc'ual, yac'wlil woc' yuj smasnil eb' wit chon̈b' xlaj chami!

Mt 14:9

A yic xyab'n win rey chi jun cha, caw xcus winac. Palta tox 'ix sloc win sb'i Dios, 'ix yab' pax ewin 'ayc' yet' win cha. Yuj cha, xyaln winac to tz'ajx 'a 'ix.

Mt 18:28

Ax yic tzlajw yel win 'a libre cha, tz'ilchj junc win yit mosoal win yu'uj, 'ay jac sb'oc jun win chi 'a winac. Yuj cha, tz'och b'annjoc win 'a sjaj winac, tzyaln win 'ixtic: 'A' cot q'uen a majn tumn 'ayn mu'c wal ticnec, xchi winac.

Mt 18:30

Palta matz yal sc'ojl win tzyac' niwnc'ojlal. Yuj cha, tz'at ya'nc 'och win 'a preso, masnto tzya'cn sb'oc chi 'a winac.

Mt 18:32

Ax win rey cha, tzya'n win 'awtxoc paxt winac. Tzyaln 'a winc 'ixtic: Ach in moso, caw maysch'olnil a nab'en. 'In xwac' lajwc jun tzo'n̈ a b'oc smasnil, yujto ach tew 'och 'ayin.

Mr 3:5

'Ix 'ec' q'uel-loc Jesús 'a eb', 'ix cot yowal, 'ix cus pax cha'an̈, yujto caw pit eb', 'ix yaln 'a win 'ixtic: —'A' cot a c'ab', xchi. 'Ix ya'n 'at win sc'ab' 'a 'a, 'ixta to b'i'an, 'ix b'ox cani.

Lc 14:21

Yic 'ix c'ochx jun smoso win cha, c'uxn xyala tastc xyutj ewin yaln 'a 'a. Yuj cha, caw xcot yowl win patron̈ cha. 'Ix yaln win 'ixtc 'a jun smoso cha: 'Ixc wal mu'c 'a jun tzo'n̈ caye, 'a jun tzo'n̈ b'e 'a yol chon̈b' tic. 'At 'ij cot eb' meb'a', eb' palta yaji, eb' coxo, yet' eb' matz uj yilni, xchi win 'a 'a.

Lc 19:41

Ax yic wan sc'och Jesús 'a sla'nil Jerusalén, xyiln 'at jun chon̈b' cha. 'Ix 'oc' yu'uj.

Ro 12:15

A mach tzalji, tzalj coyc yet'oc. Ax mach tzcusi, cus coyc pax yet'oc.

2 Co 11:21

Tzin q'uixw waln 'at 'ayex, to ma'ix qui te'wtzej qui b'a on̈, yic tzqui b'on 'icha tzyutj sb'a eb' chi 'ayex. Palta 'icha eb' cha, tzte'wtzej sb'a eb' yalni, 'ixta tzwutj in te'wtzan in b'a waln jun xo. Wan waln ton 'icha junc man̈ nab'enal yaji.

A Ch'an̈ Carta D'a Eb' Hebreo 13:17

Caw tzeyiclj tas tzyal eb' tzex 'a'n cuenta. Yiclum tzeyutj e b'a 'a eb'. Yujto a eb' cha, wan ex stan̈wni eb'. Yojc eb', chajtlto 'oj yac' eb' scuenta 'a Dios. Wach' tzeyutj e b'a, sec tzalj eb' yiln jun munljel cha, sec matz cus eb'. Toto tzeyac' cus eb' yuj e tenmtaquil, caw man̈ wach'c eyico'.

A Ch'an̈ Carta D'a Eb' Hebreo 13:3

Qui nac cot eb' 'aych 'a preso, 'icha cab' to preso cajc yet' eb'. Qui nac cot pax eb' tz'ajx syailal, yujto an̈ec tic, lajn on̈ yet' eb'. Lemb'il 'oj 'ajxc pax qui yailal yet' eb' jun xo.