Mt 18:28 - Chuj San Sebastian Bible

²⁸ Ax yic tzlajw yel win 'a libre cha, tz'ilchj junc win yit mosoal win yu'uj, 'ay jac sb'oc jun win chi 'a winac. Yuj cha, tz'och b'annjoc win 'a sjaj winac, tzyaln win 'ixtic: 'A' cot q'uen a majn tumn 'ayn mu'c wal ticnec, xchi winac.

Chuj San Mateo Bible

²⁸ Axo yic ix el vin̈ d'a libre chi', ix ilchajel jun vin̈ yetmunlajvumal vin̈ yuuj, ay jab' sb'oc vin̈ d'a vin̈. Yuj chi' ix och b'inb'in vin̈ d'a sjaj vin̈, ix yalan vin̈: Ac'cot a b'oc chi' d'ayin val ticnaic, xchi vin̈.

Mt 18:28 ပူးပေါင်းရင်းမြစ်များ

Nehemías 10:31

Toto tzjaw eb' chuc chon̈b'al chon̈wjoc 'a sc'ul 'iljelal, ma'oj qui manwjec 'a eb', yet' 'a sc'ul jun tzo'n̈ xo q'uin̈. Ax 'a yucl ab'il ax cactnec can lum lum 'iljoc, ax ca'nec pax tup sb'oc eb' 'ay sb'oc 'ayn̈ec.

Nehemías 5:7

Xlajw cha, xin nan wal si'mb'il 'a yib'an̈. Xin tench wan eb' niwc winac, yet' eb' yajal, yuj sc'ann 'el eb' yune stumin. Yuj cha, xwawtn smasnil eb' 'anma 'a jun c'umjb'a yuj jun paxti cha.

Pr 28:3

Toto a junc meb'a tz'och yajlil, ax tz'aji caw wal tz'ixtx eb' yit meb'a'il chi yu'uj. A jun cha, lajn wal 'icha junc niwquil yaxn̈ab', c'uxn tzlajw 'el smasnil sat 'awb'en yu'uj.

Is 58:3

Yuj cha, xyaln eb' 'ixtic: Nab'an̈ej tzon̈ cob' 'och 'a c'ajb'c'ojlal 'aych on̈, toc tzela. Nab'an̈ej tzon̈ cob' 'och 'emmquilal 'aych on̈, toc tzach 'och 'il cuj on̈, xchi eb'. Yuj cha tzwaln 'ixtc 'a eb': Yel toni, a yic tzex 'och 'a c'ajb'c'ojlal cha, cojn tas tze nib'j e b'o', a chi tze b'o'o, tzlaj eyixtn eb' eyit 'anmal tzmunlj 'ayex.

Ez 45:9

An Jehová in, an tzwala: Ex yajl chon̈b' Israel, colb'l xo wal eyixtn eb' 'anma cha. B'ocyaj eb' 'anma 'a swach'il, tojl cab'n̈ej tzeyutj e b'eyc'ojlan eb'. 'Actjec eyi'n 'ec' slum eb' in chon̈ab'.

Mt 18:27

Yuj cha, tz'o'ch sc'ojl win rey chi 'a winac. Tzya'n can lajwc win jun tzo'n̈ sb'oc win chi smasnil, tz'el win 'a libre.

Mt 18:29

Palta tz'em cumnjoc jun 'ay sb'oc chi 'a yojltac winac. Tztew 'och 'a win 'ixtic: Caw niwn tzotj a c'ojl 'ayin, jab'jnal 'oj wac' tup in b'oc chi 'aych smasnil, xchi 'a winac.

Mt 20:2

A yic xchax eb', xya'n win strato yet' eb'. 'Ix yaln win 'a eb' to tz'acn tztoj win sc'u junjn eb'. Xlajw cha, schecn 'at win eb' 'a 'aj 'ay smunljel cha.

Mr 14:5

Octom xchon̈xi, ax 'a eb' meb'a x'ajx stojol, yujto 'ec'b'al am jun 'ab'il munljel-l stojl jun tic, xchi eb'. Yuj cha, xcaw cot yowl eb' 'a 'ix.

Mr 6:37

—Ax 'oj eyac' wa eb', xchi Jesús 'a eb' scuywum cha. —¿Tom 'oj stac' qui 'at qui man chab'oc ciente denario pan on̈, ax ca'n wa eb' on̈? xchi eb'.

Lc 10:35

Ax 'a junx c'u, yic wan s'atx win 'aj Samaria cha, xyi'n q'uet win chab' stumin. Xya'n can 'a win yajl mesón cha, 'ix yaln can win 'ixt 'a winac: Caw tzel wal jac win lajwnac tic in c'ana'. Toto ma'oj yab' jab' tumn tic, 'oj wac' jacx 'aych in japx jun 'ejm xo, xchi can winac. 'Ixta yaln jun 'ab'x tic.

Lc 7:41

'Ix yaln Jesús 'ixtic: —Q'uinloc 'ay chawn̈oc winc 'ay sb'oc 'a spatron̈. 'Ay junc winac 'aym chab'oc ab'il sb'oc munljel-l 'a spatron̈ cha, ax junc xo, cojn chab'oc 'ujl sb'oc 'a win patron̈ cha.

Jn 6:7

Ax Felipe cha, 'ix yaln pax 'a 'ixtic: —Wach'xam 'ay chab'oc ciente denario pan 'ayon̈, palta matz yab' 'e'ch ca'n junjnoc yic eb' smasnil, xchi.

Dt 15:2

A jun niwnc'ojlal cha, 'ixtc 'oj eyutc 'ixtic: Smasnil eb' 'anma to 'ay junc tas tzmajnj 'ayex, yowlal tzeyac' niwnc'ojlal 'a eb' yuj tas majnab'il yuj cha. Man̈x e c'anb'c sb'oc junc quit chon̈ab', man̈x e c'an meltzjoc smajn cha, yujto a jun ab'il cha, 'ix yal Jehová to ata tzeyac' niwnc'ojlal smasnil b'oc 'a jun 'ejmn̈ej.