Mt 18:24 - Chuj San Sebastian Bible

²⁴ A yic wan syamn 'och sb'onyaj jun tzo'n̈ cuenta cha, tz'ijx cot jun smoso chi 'a 'a, caw man̈x b'ischjb'enoc sb'oc 'a win patron̈ cha.

Chuj San Mateo Bible

²⁴ Ayic ix och ijan sb'oan yaj juntzan̈ scuenta vin̈ chi', ix ic'jicot jun vin̈ tz'ac'an servil, man̈xo b'ischajb'enoc jantac sb'oc vin̈ d'a vin̈ rey chi'.

Mt 18:24 ပူးပေါင်းရင်းမြစ်များ

Gn 44:10

Yuj cha, 'ix yaln win mayltoma chi 'ixtic: —B'o cab' 'icha tzeyal cha, cojn win 'aj tz'ilchj q'uet jun vaso chi wu'uj, a win tz'ochcn in checb'oc; ax xo e masnil libre ex, xchi winac.

1 Cr 29:7

'Ix yac' eb' yico' yic tzb'o yatut Dios, 3,800 quintal q'uen oro, 7,600 quintal q'uen plata, 13,500 quintal q'uen bronce, yet' pax 75 mil quintal q'uen hierro.

Esdras 9:6

Xwaln 'a 'ixtic: Ach in Diosal, caw wal tzin q'uixw wi'n chan̈ in sat 'ayach, man̈xtzac nachj wu'uj tas tzwutj waln in b'a 'ayach. Yujto x'ec' 'a yib'n̈ yoch qui mul on̈, 'ix q'ue'ch wal qui mul 'a satchan̈ on̈.

Salmos 38:4

A in maysch'olnilal cha, a quiln q'ue 'a wib'an̈, 'icha wal junc niwquil 'ictz matz techj yal-l wu'uj.

Salmos 40:12

Yujto til wal tas tu tz'ec' 'a wib'an̈, man̈xtzac b'ischj wu'uj. Wan in telw can 'ejm yuj in mul tzwab'i. 'Ix 'och pax 'a yol in sat, 'ec'b'al xo sb'isl in mul chi 'a yib'n̈ xil in jolom, caw somc'ojlal xoj waji.

Mt 18:23

'Oj wal 'ayex, chajtl 'oj 'aj eb' 'ayx 'och 'a yol sc'ab' Dios 'aj satcha'an̈. Q'uinloc 'ay jun rey tzb'o yaj scuenta eb' smoso.

Mt 18:25

Palta a jun winc cha, caw may stumin, man̈xtzac stac' ya'n meltzjoc jun tzo'n̈ sb'oc cha. Yuj cha, tzyaln win rey cha, to yowlal tzchon̈x 'el win yet' yistzil, yet' yunnal yet' jantcn̈ej tas 'ay 'a 'a, sec toq'ue tztup sb'oc win cha.

Mt 25:15

'Ay jun 'aj 'ix yac' o'e talento, ax jun 'aj 'ix yac' chab' talento, 'ay pax jun 'aj 'ix yac' jun talento, a tzyal sjelnal junjn eb'. Xlajw cha, x'at winac.

Mt 25:16

Ax win moso xchan o'e talento cha, 'ix yac' win snegocio yet' q'ue'en; 'ix ya'n ganar win o'e xo.

Mt 25:20

A win chajnac o'e talento cha, a win xb'ab'l c'och 'a winac. 'Ix ya'n win q'uen o'e talento chi 'ix yac' ganar cha, 'ix yaln win 'a win spatron̈ chi 'ixtic: Mamin, a'jnac can o'e talento 'ayin, palta ticnec, yaj pax o'e xo yune q'uen xwac' ganar, xchi winac.

Mt 25:22

Xlajw cha, 'ix c'och win chajnac chab' talento cha, 'ix yaln win 'ixtc 'a win spatron̈ cha: Mamin, a'jnac can chab' talento tic 'ayin, palta ticnec, yaj pax chab' xo yune q'uen xwac' ganar, xchi winac.

Mt 25:24

Palta ax yic 'ix c'och win chajnac jun talento cha, 'ix yaln win 'ixtic: Patron̈, wojtac, to ch'an ach, toxn̈ej tza jach'a, palta may tas tzawej, toxn̈ej tza chaj eco'oc tas tzyac' ganar junc xo 'anma'.

Lc 13:4

Nac cot wajxclajn̈wan̈ eb' xcham 'a Siloé, yic 'ix lan̈chj cot jun niwquil n̈a chan̈ stel 'a yib'n̈ eb'. ¿Tas yuj 'ixta x'aj eb' tze na'a? ¿Yuj am to caw 'ajmul eb' 'a yib'n̈ eb' yit 'aj Jerusalen̈al cha?

Lc 16:5

Xlajw cha, xlaj yawtn cot win junjn eb' 'ay sjelb' 'a win spatron̈ cha. 'Ix sc'anb'n win 'a win xb'ab'l c'ochi: ¿Jantc a jelb' 'a win in patron̈? xchi winac.

Lc 16:7

Xlajwn̈ej cha, 'ix sc'anb'n win 'a junx winac: Al ach, ¿jantc ec pax 'a win jun xo? xchi winac. An tic, jun ciente 'almu in b'oc trigo 'a winac, xchi junx win cha. Toto 'ixta', yaj svaleal jun a cuenta tic; cojxn̈ej ochenta tza tz'ib'j can 'ejmi, xchi winac.