Mt 17:20 - Chuj San Sebastian Bible

²⁰ —Ma'ix 'eli, yujto ma'ix eya'ch Dios 'a e c'ojol. Wal yel tzwal 'ayex, toto tzeya'ch e c'ojl 'a 'a, wach'xam caw jab' 'icha jun pilc sat te rechiwo, 'oj stac' eyaln 'ixtc 'a jun witz tic: Eln̈ 'a et'l tic, 'ixc 'a junc xo lugar, 'oj e chioc. To 'ixta', 'oj 'el eyu'uj. Smasnil tas 'oj stac' eyu'uj, toto yel tzeya'ch Dios 'a e c'ojol.

Chuj San Mateo Bible

^20-21 —Maj el-laj yujto max eyac' val och Dios d'a e c'ool. Val yel sval d'ayex, tato tzeyac'och Dios chi' d'a e c'ool, vach'chom jab'n̈ej, icha junoc pitan̈ sat an̈ mostaza, ol yal eyalan icha tic d'a jun vitz tic: Elan̈ d'a ed'tal tic, ixic d'a junocxo lugar, xe chi. Tato icha chi', ol el eyuuj. Masanil tas ol yal eyuuj tato yel tzeyac'och Dios d'a e c'ool, xchi d'a eb'.

Mt 17:20 ပူးပေါင်းရင်းမြစ်များ

Mt 13:31

Xlajw cha, xyaln pax Jesús junx 'ab'x tic: —'Oj wal 'ayex chajtl tz'aj sq'uib' sb'isl eb' 'anma tz'och 'a yol sc'ab' Dios 'aj satcha'an̈. Lajn tz'aj sq'uib' 'icha sq'uib' junc 'in̈t rechiwo tzyawj junc winc 'a slu'um.

Mt 14:29

—Cotan̈, xchi 'a Pedro cha. Yuj cha, x'elt 'a yojl te barco cha. 'Ix b'eyb't 'a yib'n̈ a', yic tzc'och 'a Jesús cha.

Mt 17:17

Yuj cha, 'ix yaln Jesús 'ixtic: —Ax tic, caw matz eya'ch e c'ojl 'a Dios, caw pit ex. 'In 'ayx tiempo 'ayn 'ec' eyet'oc. ¿B'a'n̈to wal 'oj nachjc 'el eyu'uj? Caw tzwab' syal eyu'uj. 'At 'ijec cot win 'unn chi 'ayin, xchi.

Mt 17:19

Ax yic xcan Jesús sch'ocj yet' eb' scuywum, 'ix sc'anb'n eb' 'ixtc 'a 'a: —¿Tasm yuj ma'ix 'el jun demonio chi cuj on̈? xchi eb' 'a 'a.

Mt 17:9

Yic wan yempaxt eb' 'a jun tzaln cha, 'ix yaln Jesús 'ixtc 'a eb': —'Ayt 'aj xeyal jun xeyil tic. At yic 'oj in pitzw pax An 'Ochnc in 'Anmal tic 'a scal eb' chamnac, atta 'oj eyal-li, xchi 'a eb'.

Mt 21:21

—Wal yel tzwal 'ayex, toto tzeya'ch Dios 'a e c'ojol, toto may e chab'c'ojlal, tzann̈j tas 'oj stac' eyu'uj. Man̈ cojnoc tas xin b'o 'a te higo tic 'oj stac' eyu'uj. Palta tztac' eyaln 'a jun witz tic: 'Eln̈ 'a et'l tic, julb't a b'a 'a yojl a mar, toto 'oj e chioc, 'oj stac' eyu'uj.

Mt 8:26

'Ix ta'w 'a eb' 'ixtic: —¿Tas yuj caw tzex xiwi? Caw jab' wal tzeya'ch e c'ojl 'a Dios, xchi 'a eb'. Xlajwn̈ej cha, xq'ue wa'an, 'ix stenn 'och wan jun 'ic' chi yet' a mar cha. Yuj cha, caw sictac x'aj smasnil.

Mr 11:22

Yuj cha, 'ix yaln 'ixtic: —'A'c 'och Dios 'a e c'ojol.

Mr 11:23

Q'uinloc 'ayx tzeyal 'a jun witz tic: 'Eln̈ 'a et'l tic, julb't a b'a 'a yojl a mar, q'uinloc xe chi, toto may e chab'c'ojlal, toto tzeya'ch 'a e c'ojol to 'oj 'el'choc 'icha tzeyala, wal yel 'oj b'o eyuj 'icha tzeyal cha.

Mr 4:31

A eb' cha, lajn eb' 'icha junc 'in̈t rechivo tz'awx 'a junc lu'um. A jun 'in̈t cha, yel xo wal yune 'a yib'n̈ smasnil jun tzo'n̈ xo 'in̈t 'a yolyib'n̈q'uinl tic,

Mr 9:23

—¿Tas yuj tzala toto tztac' wu'uj? A mach tzya'ch sc'ojl 'a Dios, smasnil tas tztac' yu'uj, xchi Jesús.

Lc 1:37

Yujto smasniln̈ej tas tztac' yuj Dios, xchi jun ángel chi 'a 'ix.

Lc 17:6

Yuj cha, xyaln Cajlilec 'a eb' 'ixtic: —Toto yel tzeya'ch Dios 'a e c'ojol, wach'xam caw jab' 'icha jun pilc sat te rechiwo, 'oj stac eyaln 'ixtc 'a jun niwquil te tic: Q'uen̈ ta yet' smasnil a ch'an̈l yib' tic, 'ixc 'a a mar, 'at 'awj pax a b'a ta', toto 'oj e chioc, 'oj sb'o te 'icha 'oj eyal cha.

Lc 18:27

—A jun tzo'n̈ tas matz tac' yuj 'anma', ax Dios tzta'n̈j yu'uj, xchi Jesús 'a eb'.

Jn 11:40

—Tox xwal 'ayach, toto tzin a'ch wal 'a a c'ojol, 'oj el nab'n spoder Dios, xchi 'a 'ix.

1 Co 12:9

Yuj Yespíritu tic, 'ay pax eb' tzwach' 'a'j 'och sc'ojl 'a Dios. Yu'uj, 'ay pax eb' tz'ajx spoder ya'n b'oxc sc'ojl eb' ya'ay,

1 Co 13:2

Wach'xam caw 'ac'b'il copiso calnec 'el spaxti Dios, mto tznachj 'el tas cujec, smasnil tas mant 'a mach 'ojtnac, toxn̈ej cojquec cab' smasnil tas 'a yolyib'n̈q'uinl tic, wach'xam caw tzca'c 'och qui c'ojl 'a Dios si'mb'il, sec tztac' qui'nec 'el junc witz 'a yet'ul, palta toto may qui chamc'ojlalec, to 'ixta', caw may jac copisoec.

A Ch'an̈ Carta D'a Eb' Hebreo 3:19

Yuj cha, tznachj 'el cujec, chajtlto ma'ix 'och eb' 'iljoc yu'uj, yujto ma'ix ya'ch eb' sc'ojl 'a 'a.