Mt 17:15 - Chuj San Sebastian Bible

¹⁵ —Mamin, comnoc tz'o'ch a c'ojl 'a jun wunnal, to caw tzcot owya 'a sjolom, caw tzyab' syal yu'uj. Til wal 'ejm tz'at 'a yib'n̈ c'ac' yu'uj, yet' a yol a'.

Chuj San Mateo Bible

¹⁵ —Mamin, ¿ma max oc' a c'ool d'a jun vuninal? Scot numnaj d'a sjolom. Te ya yaj yuuj. Tzijtum elxo sb'at d'a yol c'ac' yed' d'a yol a a' yuuj.

Mt 17:15 ပူးပေါင်းရင်းမြစ်များ

Job 2:7

Cojn cha, x'elt win mu'c 'a yojltac Jehová, 'ix ya'n 'och syailal win Job. 'Ix 'elt jun tzo'n̈ yab'il 'a sniwnal winac, 'a yoc masnto 'a sjolom.

Mt 15:22

Ata 'ay jun 'ix man̈ israeloc, 'aj Canaán 'ix. Xjaw 'ix 'a Jesús, 'ix 'awj 'ix 'ixtc 'a 'a: —Mamin, ach yin̈tl David, mamtzac 'o'ch a c'ojl 'ayin. 'Ay jun 'unx wune', 'aych jun demonio 'a 'unix, caw tzyab' 'unx syal yu'uj, xchi 'ix 'a 'a.

Mt 17:16

'Ix cob' wi' cot 'a eb' a cuywum tic, palta ma'ix b'ox yuj eb', xchi 'a Jesús.

Mt 4:24

C'uxn 'ix puccn 'el yab'xil 'a scal smasnil eb' 'aj Siria. Yuj cha, smasnil eb' ya'ay yuj tzann̈j yab'ilal, 'ix 'ijx cot eb' 'a 'a. An̈jtona yet' eb' tz'ixtx yuj ewin demonio yet' eb' tzcot owya 'a sjolom, yet' eb' sicb'nac 'eli, 'ix ya'n can b'oxc sc'ojl eb' smasnil.

Lc 6:18

Ax eb' 'aych demonio 'a 'a, 'ix b'ox pax sc'ojl eb' yu'uj.

Jn 18:2

Ax win Judas, tz'a'n 'och Jesús 'a yol sc'ab' chamel, yojc pax win jun lugar cha, yujto niwn 'ejm syamjnac sb'a Jesús yet' eb' scuywum ta'.