Mt 16:17 - Chuj San Sebastian Bible

¹⁷ Yuj cha, xyaln Jesús 'a Pedro 'ixtic: —Simón, ach yunnal Juan, caw wach' eco', yujto a jun 'ix al tic, may junc 'anma 'ix aln 'ayach. A qui Mam 'ayc' 'a satcha'an̈, a 'ix aln 'ayach.

Chuj San Mateo Bible

¹⁷ Yuj chi' ix yalanxi Jesús d'a vin̈: —Simón, yuninal ach vin̈aj Jonás, te vach' ico', yujto a jun ix al tic, man̈oclaj junoc anima ix ac'an nachajel uuj, palta aton in Mam ayec' d'a satchaan̈, a ix ac'an nachajel uuj.

Mt 16:17 ပူးပေါင်းရင်းမြစ်များ

Is 54:13

'Oj in cuy eb' 'a swach'il, caw wach' oj 'aj 'el'ch eb'.

Lc 22:32

Palta caw in tew 'a Dios o'oj, sec matz ej 'el a c'ojl 'a 'a. Ach tic, a yic 'oj meltzj paxt a nab'en 'ayn jun 'ejm xo, tzac' ste'nal eb' o'tac, xchi 'a 'a.

Jn 1:42

Yajn̈j cha, 'ix yi'n 'at jun yu'tac chi 'a Jesús. 'Ix 'och q'ueln Jesús 'a Simón cha, 'ix yaln 'ixtc 'a 'a: —Ach tic Simón ach, yunnal ach Juan. Palta Cefas 'oj a b'ioc, xchi Jesús. (A Cefas, tzyal 'el'chi, Pedro, mto q'ue'en.)

Jn 6:45

Tz'ib'b'il can yuj jun tzo'n̈ eb' schecb' Dios 'ixtic: 'Oj 'ajxoc cuywc smasnil 'anma yuj Dios, xchi eb'. Yuj cha, jantcn̈ej eb' tzya'ch schicn 'a tas tzyal qui Mam Dios, toto tznachj 'el yuj eb' tas tzyala, 'oj jawc eb' 'ayin.

1 Co 15:50

Ex wu'tac, ex wanab', tzin nib'j tzwal't junx tic 'ayx ta'. A jun qui niwnalec tic, nab'a chic', nab'a chib'ej. Yuj cha, ma'oj stac' sc'och 'a yol sc'ab' Dios. A qui niwnalec tic, yic chaml yaji. Yuj cha, ma'oj stac' schan sq'uinl 'a jun 'ejmn̈ej.

Gl 1:16

'ix ya'n wojcoc 'el Yunnal, sec wach' tz'ec' wal-l yab'xil colnb'il 'a e cal ax man̈ ex israeloc. A 'a yic xlajw in chan Cristo, may junc 'anma cuyjnac in.

Ef 2:8

Yuj wal swach'c'ojlal Dios on̈ colchjec, yujto xca'c 'och qui c'ojl 'a 'a. A jun tic, man̈oc on̈c xqui b'o'ec, yujto an̈j Dios tz'a'n 'ayn̈ec.

Ef 3:5

A 'a yic pecti', mant 'ic 'ajx 'ojcaxc 'el wal jun tzo'n̈ tic. Al ticnec, yuj Yespíritu xwach' 'ajx cojcoc 'el an̈ sic'b'iln̈ 'el schecb'oc tic on̈, yet' jun tzo'n̈ xo eb' schecab'.

Ef 6:12

Yujto man̈oc yet' junc comn 'anma wan ca'nec owal. Palta a jun tzo'n̈ espíritu 'ay spoder sb'on maysch'olnil 'a scal 'ic', a yet' eb' wan ca'nec owal. Atn eb' chi 'ay yopiso ya'n mandar, 'aych eb' syajlilc maysch'olnil 'a yolyib'n̈q'uinl tic.

A Ch'an̈ Carta D'a Eb' Hebreo 2:14

A eb' tz'och yunnalc Dios yet'oc, chamlb'a yaj sniwnal eb'. Yuj cha, ax Jesús, yowlal 'ix 'och pax sniwnal chamlb'ail, 'icha sniwnal eb' cha. Yuj cha, a yic xchami, 'ix ya'n lajwc yopiso jun win 'aych syajlilc chamel, atn win diablo.

A Sb'ab'el Carta San Pedro 5:1

A ticnec, tic tzwalb't jun tzo'n̈ checnb'il tic 'ayx ex anciano 'a junjn chon̈ab', yujto an tic, anciano in pax eyet'oc. Caw wiljnac Cristo, chajtl 'ajnc yab'n syail. 'Ay waln wic in chan swach'l eyet'oc, atn jun tot 'oj checljoc 'eli.

1 Jn 4:15

A mach tzaln 'ixtic: A Jesús Yunnal Dios, toto xchi, junn̈j yaj yet' Dios, ax Dios junn̈j yaj pax yet'oc.

1 Jn 5:20

An̈jtona', cojquec paxi, wulnc 'ec' Yunnal Dios 'a yolyib'n̈q'uinl tic. A xjacn qui nab'enec, sec wach' tzcojquejec 'el Dios caw yel. Yuj cha, junn̈j cajc yet' jun caw yel cha, atn Jesucristo Yunnal. A jun cha, caw yel Dios. A tz'a'n qui q'uinlec 'a jun 'ejmn̈ej.