Mt 14:8 - Chuj San Sebastian Bible

⁸ Ax snun 'ix chi 'ix aln 'a 'a, to tzc'an 'ix sjolm Juan Bautista 'a yol junc plato.

Chuj San Mateo Bible

⁸ Axo ix snun ix, ix ac'an sc'uloc, yuj chi' ix yal ix d'a vin̈aj Herodes chi': —Ac' sjolom vin̈aj Juan, vin̈ tz'ac'an bautizar d'ayin d'a yol junoc pultu, xchi ix.

Mt 14:8 ပူးပေါင်းရင်းမြစ်များ

A Ch'an̈ B'ab'el Libro Yic Yab'ixal Eb' Rey 18:13

¿Tom may mach 'ix aln ab'i', tas xin b'o an tic yic 'ix smiln cham 'ix Jezabel eb' schecb' Jehová? An 'ix in c'ub'j 'el jun ciente eb' schecb' Jehová, nan̈l ciente xwutj in c'ub'n 'el eb' 'a yojl chab' q'uen n̈aq'ue'en, 'ix wa'n wa eb', xwa'n yuc' eb' a'.

A Ch'an̈ B'ab'el Libro Yic Yab'ixal Eb' Rey 19:2

Yuj cha, 'ix schecn 'at 'ix Jezabel jun schecb' 'a Elías yic tz'at ya'nc 'ix alxc 'a 'ixtic: A cab' eb' in diosal tz'a'n cot yailal 'a wib'an̈, toto mantzac ach cham wuj yab'n 'icha hora tic q'uic'an, 'icha 'ix otj a miln ewin schecb' in diosal cha, xchi 'ix.

A Ch'an̈ Schab'il Libro Yic Yab'ixal Eb' Rey 11:1

A 'ix Atalía snun Ocozías, 'ix yab'i chajtlto tox 'ix cham win yune 'ix cha, yuj cha, smiln cham 'ix smasnil eb' yin̈tl win rey cha.

Esdras 1:9

Atn sb'isl jun tzo'n̈ tic: 30 niwc vaso nab'a oro, jun mil niwc vaso nab'a plata, 29 cuchlub',

Pr 1:16

yujto yelc'ojlal tzyac' eb' yip sb'on maysch'olnil; tzyac' eb' yip smilw cham 'anma'.

Pr 29:10

A eb' milm 'anma', tzpatquilx can 'el eb' wach' snab'en yuj eb', tznib'j eb' smil cham eb' wach' cha.

Mt 14:11

Tzlajw cha, tz'ijx cot 'a yol junc plato. 'Ixta xyutj eb', xya'n eb' sjolm Juan chi 'a 'ix, ax 'ix x'a'n 'a snun cha.

Mt 14:7

Yuj cha, xya'n win sti', slocn win sb'i Dios, xyaln win 'ixtic: —Tzann̈j junc tas 'oj a c'an 'ayin, 'oj wa'n̈j 'ayach, xchi win 'a 'ix.

Mt 14:9

A yic xyab'n win rey chi jun cha, caw xcus winac. Palta tox 'ix sloc win sb'i Dios, 'ix yab' pax ewin 'ayc' yet' win cha. Yuj cha, xyaln winac to tz'ajx 'a 'ix.

Mr 6:24

Ax yic x'el paxt 'ix, 'ix sc'anb'n 'ix 'ixtc 'a snun: —¿Tas tza nib'j 'oj in c'ana'? xchi 'ix. Yuj cha, xta'w snun 'ix chi 'ixtic: —A sjolm Juan Bautista tza c'ana, xchi 'ix.

Mr 6:25

Xlajwn̈ej cha, xc'ochx 'ix 'a win rey cha, 'ix yaln 'ix 'a win 'ixtic: —Tzin nib'ej tzac' sjolm Juan Bautista 'ayn wal ticnec, a 'a yol junc plato tzin nib'j tzac' 'ayin, xchi 'ix.

Mr 6:28

'Ix 'at jun soldado chi 'a te preso 'at stzu'l sjolm Juan. Xlajw cha, xyi'n cot 'a yol jun plato. 'Ix ya'n win 'a 'ix, ax 'ix x'a'n 'a snun cha.