Mt 14:36 - Chuj San Sebastian Bible

³⁶ 'Ix sc'ann eb' syam jac sti spichul. Tzann̈j eb' xyamni, 'ix b'ox can sc'ojl eb' yu'uj.

Chuj San Mateo Bible

³⁶ Ix sc'anan eb' syam jab'oc sti' spichul. A eb' ix yamani, ix b'oxican sc'ool eb' yuuj.

Mt 14:36 ပူးပေါင်းရင်းမြစ်များ

Mt 14:35

Ax yic xyiln eb' 'anma', chajtlto a Jesús, yuj cha, c'uxn x'ec' yal-l eb' yab'xil 'a jun lugar cha. Yuj cha, 'ix 'ijx cot smasnil eb' ya'ay 'a 'a.

Mt 23:5

Yujn̈ej to tznib'j eb' wach' 'a sat eb' 'anma', tzcob' sb'onc eb' jun tzo'n̈ tas wach' yil eb'. 'Ay jun tzo'n̈ tz'um 'aj tz'ib'b'il 'och jac spaxti Dios, tzya'ch eb' 'a sc'ab' yet' 'a snan̈l sat, caw niwc tzyutj 'och eb' stz'ib'ul sec wach' eb' snan 'a sat eb' 'anma'. Ax sjucn pichl eb' tzya'chi, yel xo wal caw jucn yajch sti yuj eb'.

Mr 3:10

Caw niwn eb' tox 'ix b'ox sc'ojl yu'uj, yuj cha, til to wal eb' ya'ay 'ix syam sb'a, yic tzayn 'och eb' sc'ab' 'a 'a.

Mr 6:56

Tzann̈j 'ajtil x'eq'ui, 'a chon̈ab' yet' 'a 'ajtc 'ay 'anma', 'ix laj 'ijx 'elt eb' ya'ay 'a yoltc caye. 'Ix tew 'och eb' 'a Jesús, sec tzaych eb' jac sc'ab' 'a sti spichul. A jantcn̈ej eb' xlaj stzaych sc'ab' 'a spichl cha, 'ix b'ox can sc'ojl eb' yu'uj.

Mr 8:22

Xlajw cha, xjapx eb' 'a chon̈b' Betsaida. Ax eb' 'anma 'ix quetzn cot jun winc matz uj yiln 'a Jesús, 'ix tew 'och eb' 'a 'a, sec tzaych sc'ab' 'a winac.

Lc 6:19

C'uxn tznib'j eb' 'ec' stzaych sc'ab' 'a Jesús cha, yujto tzlaj b'ox can sc'ojl eb' smasnil yuj spoder.

Jn 6:37

Jantcn̈ej eb' tz'ajx 'ayn yuj qui Mam Dios, 'oj jawc eb' 'ayin. A eb' tzjaw 'ayn cha, ma'oj in pechl eb'.

Jn 7:23

Ax tic, 'in tzeyac' circuncidar eb' 'unn 'a sc'ul 'iljelal, sec matz ex 'ec' 'a yib'n̈ jun ley yic Moisés cha. Toto 'ixta', ¿tas yuj tzex owx 'ayin, yujto xwac' b'oxc sc'ojl jun win ya'ay 'a sc'ul 'iljelal cha?

A Tas Sc'ulejnac Eb' Schecab' Jesús Hechos 3:16

A jun win tzeyil tic, eyojc xon winac. Palta a Jesús x'a'n b'oxc winac, yujto a tzca'ch 'a qui c'ojl on̈. Yujn̈ej to tzca'ch qui c'ojl 'a Jesús on̈, yuj cha, 'ix b'ox win si'mb'il 'a e sat e masnil.