Mt 14:33 - Chuj San Sebastian Bible

³³ A eb' 'ayc' 'a yojl te', 'ix 'em cumn eb' 'a yojltac Jesús, 'ix yaln eb' 'ixtc 'a 'a: —Wal yel, ach tic Yunnal ach Dios, xchi eb' 'a 'a.

Chuj San Mateo Bible

³³ Axo eb' ayec' d'a yol te', ix em cuman eb' d'a yichan̈ Jesús. Ix yalan eb': —Val yel a ach tic, Yuninal ach Dios, xchi eb' d'ay.

Mt 14:33 ပူးပေါင်းရင်းမြစ်များ

Salmos 2:7

Ax Yunnal Dios a tzaln 'ixtic: 'Oj walcn 'el tas sna Jehová, yujto xyalcn 'ixtc 'ayin: A 'a jun c'u tic, 'ix wac' checljoc 'eli to Wunnal ach.

Dn 3:25

'Ix yaln win rey cha: A tzwil an tic, coynto chan̈wn̈ ewin tzb'eyc' 'a scal c'ac' cha, jiyb'il 'el ewinac, may tz'i'n ewin xon jab'oc. A jun schan̈l cha, lajn wal yilx 'icha junc ángel, xchi winac.

Mt 14:32

Ax yic x'och eb' 'a yojl te barco cha, x'och wan jun 'ic' cha.

Mt 15:25

Palta x'ec' jun 'ix chi 'a eb', 'ix 'em cumn 'ix 'a yojltac Jesús, xyaln 'ix 'ixtic: —Mamin, caw colwjan̈ 'ayn 'an, xchi 'ix 'a 'a.

Mt 16:16

Yuj cha, 'ix ta'w Pedro 'ixtc 'a 'a: —Ach tic Cristo ach, Yunnal ach Dios pitzan, xchi 'a 'a.

Mt 17:5

Wanto spaxtin Pedro cha, 'ix 'eml jun 'asn caw tzictzni yilx 'a yib'n̈ eb'. Xlajw cha, 'ix alx 'emt jun paxti 'a scal 'asn cha, 'ix yaln 'ixtic: —Atn jun Wunnal tic chamc'ojlb'il wu'uj, caw tzin tzalj yet'oc. 'A'c 'och e chicn 'a tas tzyala, xchi.

Mt 2:11

Yajn̈j wal cha, 'ix 'och eb' 'a yol jun n̈a cha, 'ix yiln eb' jun 'unn chi yet' snun, atn María. 'Ix 'em cumn eb' 'a jun 'unn cha, 'ix ya'n 'ejm sb'a eb' 'a 'a. Xlajw cha, 'ix sjacn eb' jun tzo'n̈ scaxa 'aj 'ay 'em jun tzo'n̈ siylab'. 'Ix siyn eb' oro 'a jun 'unn cha, 'ix siyn pax eb' jun tzo'n̈ te su'q'ui sjab' tzn̈usxi, atn incienso yet' te mirra.

Mt 26:63

Palta caw sictacn̈ej yaji. Yuj cha, xyaln pax win 'ixtc 'a 'a: —Al 'ayn̈ on̈ toto Cristo ach, toto yel yunnalch Dios, yowlal tzal 'a sat Dios pitzan, xchi win 'a 'a.

Mt 27:43

'Ix cob' ya'ch Dios yipc sc'ojol, yuj cha, colwj cab' Dios chi yet' quila', toto yel 'ay schamc'ojlal Dios 'a 'a. 'In xyala, to yunnal Dios, xchi ewinac.

Mt 27:54

Ax ewin soldado tztan̈wni cha, yet' win syajlil ewinac, 'ix yab' ewin yec' jun quixcab' cha. 'Ix yiln pax ewin jun tzo'n̈ xo tas 'ix uji, yuj cha, caw xiw ewinac, 'ix yaln ewin 'ixtic: A jun win xcham tic, caw yel yunnal Dios, xchi ewinac.

Mt 28:17

Ata xyil eb' Jesús, 'ix ya'n 'ejm sb'a eb' 'a 'a, palta 'ay jaywn̈ xo eb' mant 'ix ya'ch wal 'a sc'ojol.

Mt 28:9

Ax yic wanto sb'ey eb', 'ix ch'oxn sb'a Jesús 'a eb', 'ix sc'anb'n sc'ojl eb'. Yuj cha, xwach' c'och eb' 'a stz'ey, 'ix ya'n 'ejm sb'a eb' 'a 'a, 'ix syamn eb' yoc.

Mt 4:3

'Ix c'och win 'a'm prowal chi 'a 'a, 'ix yaln win 'ixtc 'a 'a: —'In yunnal ach Dios, yuj cha, al 'a jun tzo'n̈ q'uen tic, 'och cab' panil, xchi win 'a 'a.

Mr 1:1

'Ixtc x'aj yelcn yich wach' 'ab'x yic Jesucristo, atn Yunnal Dios.

Mr 14:61

Palta caw sictac x'aji. Toxn ma'ix ta'wi. Yuj cha, xyaln pax win 'ixtic: —¿Tom ach tic Cristo ach? ¿Tom Yunnal ach Dios, 'aj tzalx wach' paxti'? xchi winac.

Mr 15:39

Ax win syajlil ewin soldado 'ayc' 'a yojltac Jesús, 'ix yab'n win yel yaw. 'Ix yiln win chajtl x'aj schami. Yuj cha, xyaln win 'ixtic: —A jun tic, wal yel Yunnal Dios, xchi winac.

Lc 24:52

Xlajw ya'n 'ejm sb'a eb' 'a 'a. Caw tzaljc'ojlal xmeltzj eb' 'a Jerusalén.

Lc 4:41

Til wal eb' 'aj 'ix yij 'el ewin demonio, xlaj yalnc chan̈ ewin demonio chi 'ixtic: —Ach tic, Yunnal ach Dios, xchi ewin 'a 'a. Palta 'ix stenn 'och wan Jesús ewinac, ma'ix schaj paxtinc ewinac, yujto yojc xon ewinac to a Cristo.

Lc 8:28

Yic xyiln win Jesús, 'ix 'em cumn win 'a yojltac. Ax Jesús xaln 'a win demonio cha to tz'el 'a winac. Yuj cha, caw xq'ue yaw win yaln 'ixtc 'a 'a: —¡Ach Jesús, Yunnal ach Dios yel xo niwn yel'chi! ¿tas aln ec 'ayin? ¡Tzin tew 'ayach, man̈ in extoc! xchi win 'a 'a. Til wal 'ejm tzyamchj win 'anma chi yuj win demonio cha, yuj cha, tzcob' jalx can 'ejm win yet' q'uen cadena yuj eb' 'anma', tz'och 'a yoc yet' 'a sc'ab'. 'Ixta tzyutj eb' sec matz mil sb'a winac. Palta ton̈j n̈i'chj 'at jun tzo'n̈ cadena chi yuj winac, yuj win demonio cha tzoyb'x 'at win 'a cusltac lu'um.

Jn 1:49

—Ach in Cuymal, yel Yunnal ach Dios. Sreyl ach eb' quit israelal, xchi.

Jn 11:27

—N', Mamin caw tzwa'ch 'a in c'ojol, chajtlto Cristo ach, Yunnal ach Dios. Ach tic, tan̈b'il xon a jaw 'a yolyib'n̈q'uinl tic, xchi 'ix 'a 'a.

Jn 17:1

Xlajw yaln Jesús jun tzo'n̈ cha, 'ix q'ue q'ueln 'a satcha'an̈. 'Ix yaln 'ixtic: —Mamin, tox xjaw stiempoal yic tza ch'oxn 'eli to niwn wel'ch an Onnaln tic. Ax in ch'oxn paxi, to caw niwn pax el'chi.

Jn 19:7

—Palta an̈ tic on̈, 'ay jun ley 'aycn 'ayn̈ on̈. Yuj jun ley cha, yowlal 'oj milxc cham jun winc tic, yujto 'ix yalch sb'a Yunnaloc Dios, schi eb' 'a winac.

Jn 6:69

An̈ tic on̈, tox ach ca'ch 'a qui c'ojl on̈. Cojc on̈, [to ach tic, Cristo ach.] Yunnal ach Dios [pitzan], xchi Pedro 'a 'a.

A Tas Sc'ulejnac Eb' Schecab' Jesús Hechos 8:36

Yic wan s'at eb' 'a yol b'e, 'ix c'och eb' 'a jun a a'. 'Ix yaln win 'aj Etiopía chi 'a Felipe 'ixtic: —Yaj jun a 'a tic. ¿Mamtzac stac' tzin a'cn bautisar ticnec? xchi winac.

Ro 1:4

Ax Yespíritu Dios, a ch'oxni to yel Yunnal Dios, to caw 'ay spoder, yujto 'ix 'ajx pitzwc 'a scal eb' chamnac.