Mt 13:8 - Chuj San Sebastian Bible

⁸ Palta 'ay jun tzo'n̈ xo x'emcn 'a 'aj caw 'ay syaxil lu'um. A jun tzo'n̈ cha, xyac' sjolom. 'Ay xyac' sat 'a jun ciente, 'ay xyac' 'a sesenta, 'ay xyac' 'a treinta.

Chuj San Mateo Bible

⁸ Ay pax juntzan̈xo ixim ix emcan b'aj yax sat luum. A juntzan̈ ixim chi', ix satan ixim. Ay ixim ix yac' sat d'a cien. Ay ixim ix yac' sat d'a 60. Ay ixim ix yac' sat d'a 30.

Mt 13:8 ပူးပေါင်းရင်းမြစ်များ

Gn 26:12

A 'a yic jun ab'il cha, x'aww trigo win Isaac 'a jun lugar cha, caw wal wach' 'ix 'aj smunljel, niwn tas 'ix smolo, yujto a Jehová, a x'a'n syaxilal 'a yib'an̈.

Mt 13:23

Palta ax jun tzo'n̈ 'in̈t x'emcn 'a 'aj 'ay syaxil lu'um, tzyal 'el'chi, 'ay jun tzo'n̈ xo eb' tz'ab'n spaxti Dios, tznachj 'el yuj eb'. A eb' cha, lajn eb' 'icha jun tzo'n̈ trigo niwn sat tzyac'a. 'Ay eb' tzyac' sat 'a jun ciente, 'ay pax eb' tzyac' sat 'a sesenta yet' 'a treinta, xchi Jesús.

Mt 13:7

'Ay jun tzo'n̈ xo xc'ochcn 'a scal c'ultac, ax te c'ultc cha, xwach' q'uib' te', ton̈j 'ix satl jun tzo'n̈ 'in̈t chi 'a scal te'.

Mr 4:20

Palta ax jun tzo'n̈ xo 'in̈t 'ix 'emcn 'a 'aj 'ay syaxil lu'um, tzyal 'el'chi, 'ay jun tzo'n̈ xo eb' tz'ab'n spaxti Dios, tzya'ch wal eb' 'a sc'ojol. A eb' cha, lajn eb' 'icha jun tzo'n̈ 'in̈t tzyac' sat 'a treinta, 'a sesenta, yet' 'a jun ciente, xchi Jesús.

Mr 4:8

Palta 'ay jun tzo'n̈ xo x'emcn 'a 'aj caw 'ay syaxil lu'um. A jun tzo'n̈ cha, 'ix paq'ui, 'ix q'uib'i, 'ix ya'n sjolom. 'Ay xyac' sat 'a treinta, 'ay xyac' 'a sesenta, 'ay pax xyac' 'a jun ciente.

Lc 8:15

Palta ax jun tzo'n̈ 'in̈t x'emcn 'a 'aj 'ay syaxil lu'um, tzyal 'el'chi, 'ay eb' 'anma caw wach' tzyutj yab'n spaxti Dios 'a smasnil sc'ojol. Caw tzya'ch eb' 'a sc'ojl si'mb'il. Te'n tzyutj eb' snab'en, yuj cha, lajn eb' 'icha 'ixm trigo may xon tz'aj sjuwi, wach' tz'aj sc'anb' sjolom.

Lc 8:8

Palta 'ay jun tzo'n̈ x'emcn 'a 'aj caw 'ay syaxil lu'um. Ax yic 'ix q'uib' jun tzo'n̈ cha, 'ix satni. 'Ay jun tzo'n̈ xyac' sat 'a jun ciente, xchi Jesús 'a eb'. Xlajw yaln Jesús jun tzo'n̈ cha, caw 'ip 'ix yal junx tic 'a eb' 'ixtic: A jun tzo'n̈ tzeyab' tic, nac wal si'mb'il, xchi.

Jn 15:8

Toto niwn 'oj e satni, 'oj checljoc 'el eyu'uj, to niwn yel'ch in Mam. 'Ixta 'oj eyutc e ch'oxn 'eli, chajtlto yel in cuywum ex.

Ro 7:18

Wojtac, yuj jun in tu nab'enal tic, may jac tas wach', tzcheclj 'el 'ayin. Yujto caw tzin nib'j tzin b'o jun tzo'n̈ tas wach', palta matz tac' in b'oni.

A Scarta San Pablo D'a Eb' Aj Filipos 1:11

'Oj wach' 'och wal Jesucristo eyet'oc, sec wach' tojln̈ej 'oj eyutc e b'eyb'al. Toto 'ixta', eyu'uj 'oj checljoc 'eli, chajtlto caw niwn swach'l Dios, ax yalx wach' paxti 'a 'a.