Mt 13:55 - Chuj San Sebastian Bible

⁵⁵ A jun tic, 'in yunnal win josmte', ax snun, atn María. Cojquec pax eb' yu'tac, atn Jacobo, José, Simón, yet' Judas.

Chuj San Mateo Bible

⁵⁵ A jun vin̈ tic, yuninal vin̈ vin̈ n̈icum te'. Axo ix snun vin̈, aton ix María. Cojtac pax eb' yuc'tac vin̈, aton vin̈aj Jacobo, vin̈aj José, vin̈aj Simón yed' vin̈aj Judas.

Mt 13:55 ပူးပေါင်းရင်းမြစ်များ

Salmos 22:6

An xo tic, man̈x in 'anmac tzwab'i. Lajn in 'icha junc no a'ay. Caw tzetztac wilx 'a yol sat eb' 'anma', patcab'iln pax 'el yuj eb' wit 'anma'il.

Is 49:7

A Jehová Dios, scolmal chon̈b' Israel, atn jun Dios To Cojxni, a tzaln 'ixtc 'a jun schecb' to caw patcab'il 'eli, yajb'il yuj jun tzo'n̈ nacion̈, atn jun checb' yajch 'a eb' rey: A wal eb' rey yet' jun tzo'n̈ xo eb' yajal, a yic 'oj ach yilnc 'och eb', caw 'oj q'ue wan eb', ax yem n̈ojn eb' 'a ojltac, yujto an Jehová in, sDiosal in Israel, an si'jnacch 'eli, 'oj wac' 'el'choc in ti wa'jnac o'oj, xchi Dios 'a jun schecb' cha.

Mt 27:56

A 'a scal eb', ata 'ayc' María Magdalena, yet' María snun Jacobo yet' José, yet' pax snun eb' yunnal Zebedeo.

Mr 15:40

'Ay pax jun tzo'n̈ eb' 'ix 'ix 'ayc' 'a najttac, wan yiln 'at eb'. A 'a scal eb' ata 'ayc' María Magdalena, 'ix Salomé, yet' María snun José yet' Jacobo, atn win tza'n 'unin.

Mr 15:47

Ax 'ix María Magdalena, yet' 'ix María snun José, 'ix yil eb' 'aj 'ix 'ajx can 'ochi.

Mr 6:3

Yujto a win tic josmte winac, yune 'ix María. Yu'tac sb'a yet' Jacobo, José, Judas, yet' Simón. 'Ayc' pax eb' yanb' quet'ec 'a tic, xchi eb'. Yuj cha, ton̈j 'ix somchj 'el snab'en eb' yu'uj.

Lc 1:27

'Ix wul yalnc jun 'ab'x 'a jun cob's 'ix María sb'i. Tox xyac' 'ix strato yet' win José. A José cha, yin̈tl can win rey David.

Lc 24:10

A eb' x'at alnc yab'xil jun tzo'n̈ cha, atn María Magdalena, Juana, yet' junx María atn snun Jacobo. 'Ay pax jun tzo'n̈ xo eb' 'ix ajun yet' eb'.

Lc 3:23

'Ayxm junc 30 ab'il xo Jesús, 'ix syamn 'och smunljel 'a yic Dios. A Jesús cha, yunnal José snan eb' 'anma'. 'Ixtc yaj jay macn̈ stzol-l smam yichm José cha. Elí, Matat, Leví, Melqui, Jana, José, Matatías, Amós, Nahum, Esli, Nagai, Mahat, Matatías, Semei, José, Joiada, Johanán, Resa, Zorobabel, Salatiel, Neri, Melqui, Adi, Cosam, Elmodam, Er, Josué, Eliezer, Jorim, Matat, Leví, Simeón, Judá, José, Jonán, Eliaquim, Melea, Mainán, Matata, Natán, David, Isaí, Obed, Booz, Salmón, Naasón, Aminadab, Aram, Esrom, Fares, Judá, Jacob, Isaac, Abraham, Taré, Nahor, Serug, Ragau, Peleg, Heber, Sala, Cainán, Arfaxad, Sem, Noé, Lamec, Matusalén, Enoc, Jared, Mahalaleel, Cainán, Enós, Set, Adán. Ax Adán, atn yunnal Dios.

Lc 4:22

Ax eb' 'ayc' ta', c'uxn xlaj yal eb' wach'il. Caw 'ix sat sc'ojl eb', yujto caw wach' jun tzo'n̈ tas xyal 'a eb' cha. 'Ix laj yal-lanc eb' 'ixtic: —'In yunnal José jun win tic. ¿'Aj xyij sjelnal tic jun? xchi eb'.

Lc 8:20

Yuj cha, 'ay jun 'ix aln 'ixtc 'a 'a: —'Ix jaw a nun yet' eco o'tac 'a sti', tolab' tznib'j eb' tzach sc'umej, xchi 'a 'a.

Jn 19:25

A 'a stz'ey sculsal Jesús, 'aj t'un̈n q'ue cha, ata 'ayc' snun. Ajun pax jun 'ix snul'j yet'oc, yet' 'ix María yistl Cleofas, yet' pax 'ix María Magdalena.

Jn 6:42

—Palta a win tic, Jesús winac, yunnal José winac. Cojquec smam snun winac. Palta wan cob' yalnoc winac to a 'a satchan̈ cotnc winac, xchi eb' 'aj Judea cha.

Jn 9:29

Cojc on̈, to yaljnac can Dios spaxti 'a Moisés cha. Palta ax Jesús cha, man̈ cojcoc on̈ mach 'a'jnac yopiso winac, xchi ewin 'aj Judea cha.

Gl 1:19

Man̈x 'a junc xo eb' schecb' Cristo paxtinnacn yet'oc, cojn Jacobo, atn jun yu'tac Cajlil.

San Judas 1:1

An tic Judas in, ya'mal in servil Jesucristo. Wu'tac in b'a yet' Jacobo. Tic tzin tz'ib'j 'at jun in carta tic 'ayx ax 'awtb'ilx xo 'el yuj qui Mam Dios. Chamc'ojlb'ilx xo yu'uj. Tan̈b'ilx xo yuj Jesucristo.