Mt 12:46 - Chuj San Sebastian Bible

⁴⁶ Wanto yaln Jesús 'a eb' 'anma', 'ix c'och snun yet' eb' yu'tac. An̈j 'a sti n̈a xc'och eb', palta tznib'j eb' tzc'umej.

Chuj San Mateo Bible

⁴⁶ Vanto yalan Jesús d'a eb' anima chi', ix c'och ix snun yed' eb' yuc'tac. A d'a ti' pat ix c'och eb'. Sgana eb' sc'umej Jesús chi'.

Mt 12:46 ပူးပေါင်းရင်းမြစ်များ

Mt 1:18

'Ixtc 'ajnc Jesucristo yalji. A José tox 'ix yac' strato yet' María, ton̈j nant tzyac' eb' strato, mantzac yij sb'a eb'. Palta ax María, 'ayx tz'i'n yuj jun 'unin, yujto a Yespíritu Dios x'a'n pitzwc 'a 'a.

Mt 12:47

Yuj cha, 'ay jun xaln 'ixtc 'a 'a: —'Ix jaw a nun yet' eco o'tac 'a sti n̈a, tolab' tznib'j eb' tzach sc'umej, xchi.

Mt 13:55

A jun tic, 'in yunnal win josmte', ax snun, atn María. Cojquec pax eb' yu'tac, atn Jacobo, José, Simón, yet' Judas.

Mt 2:11

Yajn̈j wal cha, 'ix 'och eb' 'a yol jun n̈a cha, 'ix yiln eb' jun 'unn chi yet' snun, atn María. 'Ix 'em cumn eb' 'a jun 'unn cha, 'ix ya'n 'ejm sb'a eb' 'a 'a. Xlajw cha, 'ix sjacn eb' jun tzo'n̈ scaxa 'aj 'ay 'em jun tzo'n̈ siylab'. 'Ix siyn eb' oro 'a jun 'unn cha, 'ix siyn pax eb' jun tzo'n̈ te su'q'ui sjab' tzn̈usxi, atn incienso yet' te mirra.

Mt 2:20

Q'uen̈ wa'an, 'ij 'at jun 'unn tic yet' snun. Paxn̈ec 'a chon̈b' Israel jun 'ejm xo, yujto a eb' xnib'n milnc cham jun 'unn tic, chamnc xo eb', xchi jun ángel cha.

Mr 2:21

Q'uinloc 'ay junc 'ichm pichl tzolchji. ¿Tom 'ay junc mach tz'a'n 'och jun 'a't nip sniploc? Yujto a junc 'a't nip cha, caw tzpotzi, tzwach' to'n jat jun 'ichm cha. Caw tzjuw can jun 'ichm pichl chi yu'uj.

Mr 6:3

Yujto a win tic josmte winac, yune 'ix María. Yu'tac sb'a yet' Jacobo, José, Judas, yet' Simón. 'Ayc' pax eb' yanb' quet'ec 'a tic, xchi eb'. Yuj cha, ton̈j 'ix somchj 'el snab'en eb' yu'uj.

Lc 1:43

An tic, ¿tom 'ay jac wopiso? Ach xo tic, snunch Cajlil, palta tzach jaw in a c'umoc.

Lc 2:33

Ax José yet' snun Jesús, caw 'ix sat sc'ojl eb' yab'n tas 'ix yal Simeón chi yu'uj.

Lc 2:34

Xlajw cha, 'ix sc'ann Simeón swach'c'ojlal Dios 'a yib'n̈ eb'. 'Ix yaln 'ixtc 'a María, atn snun Jesús: —'Ab'i, a jun tz'ulc 'unn tic checl xon yaji, to niwn eb' quit israelal 'oj somchjc 'el snab'en yu'uj. Niwn pax eb' 'oj b'o snab'en yu'uj. A 'oj ch'oxnoc tas tz'aj eb' scolchji, palta niwn eb' 'oj patquilnc can 'eli.

Lc 2:48

Yic xyiln eb' smam snun cha, to ata 'ayq'ui, caw 'ix sat sc'ojl eb' yu'uj. Yuj cha, xyaln snun chi 'a 'ixtic: —Ach wune', ¿tas wal yuj 'ixtc tzon̈ otj on̈? A wal a mam tic wet'oc, caw on̈ 'och 'il oj on̈. Til wal ach qui sayc' on̈, xchi 'ix.

Lc 2:51

Xlajw cha, xpax yet' eb' 'a Nazaret. Yiclumn̈ej xyutj sb'a 'a eb', 'icha xon sley. Ax snun cha, smol jun tzo'n̈ chi 'a snab'en, caw tznab'tan̈ej.

Lc 8:10

Yuj cha, xyaln 'a eb' 'ixtic: A 'ayx wan sch'oxn Dios jun tzo'n̈ tas mant 'a mach 'ojtnac, sec tznachj 'el eyu'uj chajtl tzex 'aj eyoch 'a yol sc'ab'. Palta ax 'a jun tzo'n̈ xo eb' 'anma', cojn jun tzo'n̈ 'ab'x ya snachj tzwal 'a eb'. Yuj cha, wach'xam tzyil eb' junc tas, ton̈j tzcan eb' 'ixta', 'icha to may tas tzyil eb'. An̈jtona', wach'xam tzyab' eb', palta matz nachj xon 'el jac yuj eb'.

Jn 19:25

A 'a stz'ey sculsal Jesús, 'aj t'un̈n q'ue cha, ata 'ayc' snun. Ajun pax jun 'ix snul'j yet'oc, yet' 'ix María yistl Cleofas, yet' pax 'ix María Magdalena.

Jn 2:1

Schab'jil xo slajw jun cha, 'ix 'och jun nupnel 'a chon̈b' Caná 'a yol yic Galilea. Ax snun Jesús 'ix c'och ta'.

Jn 2:12

Xlajw xoj cha, x'at Jesús 'a chon̈b' Capernaum. 'Ix 'at pax snun, eb' yu'tac, yet' pax eb' scuywum yet'oc, ata xcan eb' jaye c'u.

Jn 2:5

Palta 'ix yaln snun chi 'ixtc 'a eb' tz'a'w servil cha: —Jantcn̈ej tas 'oj yal Jesús 'ayex, tze b'on̈ej, xchi 'a eb'.

Jn 7:10

Palta ax yic tox 'ix 'at eb' yu'tac chi 'a jun q'uin̈ cha, ax Jesús, c'ojnc'ojnilt 'ix 'ati. C'ultacn̈ej x'ati.

Jn 7:3

Yuj cha, a eb' yu'tac Jesús, 'ix yaln eb' 'a 'ixtic: —Man̈ ach can 'a tic. 'Ixc 'a Judea, sec wach' ax eb' a cuywum 'ayc' ta', 'oj yil pax eb' jun tzo'n̈ milagro tza ch'oxo.

Jn 7:5

'Ixta cob' xyutc eb' yu'tac chi yaln 'a 'a, yujto ma'ix ya'ch pax eb' sc'ojl 'a jun xo.

A Tas Sc'ulejnac Eb' Schecab' Jesús Hechos 1:14

Junjn c'u, tzyamn sb'a eb' smasnil, tzleslwi eb' 'a Dios. 'Ay pax eb' 'ix 'ix tzleslwi yet' eb'. 'Ayc' María, atn snun Jesús. 'Ayc' pax eb' yu'tac.

1 Co 9:5

Q'uinloc 'ay junc canb'ec tz'och wistloc, 'ay waln wic wi'n 'at 'a 'aj tzin 'eq'ui. Yujto 'ixta tzyutj sb'a jun tzo'n̈ xo eb' schecb' Cajlilec, yet' eb' yu'tac Cajlilec cha, yet' pax Pedro.

Gl 1:19

Man̈x 'a junc xo eb' schecb' Cristo paxtinnacn yet'oc, cojn Jacobo, atn jun yu'tac Cajlil.