Mt 12:45 - Chuj San Sebastian Bible

⁴⁵ Yuj cha, tz'at yi'nc cot ucwn̈ocx yit demonioal 'ec'b'al xo stul 'a yib'an̈. Tzwach' 'och cajn eb' 'a jun 'anma cha. Yuj cha, yel xo wal caw maysch'olnil tz'aj jun 'anma chi 'icha 'a b'ab'el. 'Icha jun 'anma cha, 'ixta 'oj 'aj swach' juw 'el e nab'en, xchi Jesús.

Chuj San Mateo Bible

⁴⁵ Yuj chi' smeltzajxib'at d'a spatic, sb'at yic'ancot ucvan̈ocxo eb' enemigo ec'to schucal d'a yichan̈. Svach' och cajan eb' smasanil d'a jun anima chi'. Yuj chi', ste juviel jun anima chi' icha d'a sb'ab'elal. Icha jun anima chi', icha chi' ol aj svach' juviel e pensar a ex tic, xchi Jesús d'a eb'.

Mt 12:45 ပူးပေါင်းရင်းမြစ်များ

Lv 13:20

Ax win tz'ilni toto man̈ cojnoc 'a stz'umal 'aychi. Toto sacx yilx xil yu'uj, ax win tzalni to lepra jun yab'il cha, man̈xtzac stac' jun tz'aj yet' yit 'anma'il.

Mt 12:24

Palta a yic xyab'n ewin fariseo jun tzo'n̈ cha, 'ix yaln ewin 'ixtic: —A jun winc tic, tztac' ton yi'n 'el ewin demonio, yujto a win Beelzebú win syajlil ewin demonio cha, a 'aych yet'oc, xchi ewinac.

Mt 12:44

'Oj in paxx 'a jun wet'l 'aj 'elnc in ta, xchi. Ax yic tzc'ochxi, tzyiln pax tas yaj jun 'anma cha, lajn 'icha junc n̈a may yajal, palta caw mesb'il, caw wach' pax yilxi.

Mt 17:21

[Palta a jun c'aj demonio tic, man̈ comnoc tz'eli. Cojn toto tzex leslwi, tzex 'och 'a c'ajb'c'ojlal, 'oj stac' eyi'n 'eli,] xchi 'a eb'.

Mt 23:15

Ax cuywjum ex 'a ley yic Moisés yet' ex fariseo, caw 'oltac ex, caw chab'sat ex. C'uxn tzex 'ec' 'a sat lum tic yet' 'a a mar, sec 'ay eb' tze montj 'och eyet'oc. Ax eb' tz'och eyet' cha, ton̈j tzwach' juw 'el snab'en eb' eyu'uj. Yuj cha, smoj wal ec'b'al yailal 'oj 'ajxoc 'och 'a yib'n̈ eb' 'icha eyic 'oj 'ajxoc 'och 'a eyib'an̈.

Mt 23:24

Ax tic, lajn ex 'icha junc mach matz uj yilni, tzcob' squetznc 'at junc xo mach matz uj yilni. Lajn pax ex 'icha junc mach tzyij 'el junc 'us 'a scal tas tzc'uxu, tzlajw cha, ax junc cameyo tzpitzn b'u'j 'ati. 'Ixta 'ex, yujto caw tzex xiw 'a jun tzo'n̈ checnb'il mayn̈ej wal yopiso. Ax jun tzo'n̈ checnb'il caw niwn yel'chi, matz ex xiw jab'oc 'a 'a.

Mr 16:9

[A 'a Domingo 'a yic 'ayt sacb'i, ata xpitzw pax Jesús. Xlajw cha, a 'a 'ix María Magdalena 'aj 'ix sb'ab'l ch'oxj sb'a. A 'a jun 'ix cha, ata 'elnc ucwn̈ ewin demonio yuj Jesús.

Mr 5:9

Xlajw cha, 'ix sc'anb'n pax Jesús 'ixtc 'a winac: —¿Tas a b'i? xchi. —Legión in b'i, yujto niwn qui b'ey on̈, xchi winac.

Lc 11:26

Yuj cha, tz'at yi'nc cot win ucwn̈ocx yit demonioal 'ec'b'al xo stul 'a yib'an̈. Tzwach' 'och cajn ewin smasnil 'a jun 'anma cha. Yuj cha, yel xo wal caw maysch'olnil tz'aj jun 'anma chi 'icha 'a b'ab'el, xchi Jesús.

Ef 6:12

Yujto man̈oc yet' junc comn 'anma wan ca'nec owal. Palta a jun tzo'n̈ espíritu 'ay spoder sb'on maysch'olnil 'a scal 'ic', a yet' eb' wan ca'nec owal. Atn eb' chi 'ay yopiso ya'n mandar, 'aych eb' syajlilc maysch'olnil 'a yolyib'n̈q'uinl tic.

A Ch'an̈ Carta D'a Eb' Hebreo 10:39

Palta an̈ec tic, man̈oc on̈ec tzon̈ meltzj pax 'a qui patic, 'icha jun tzo'n̈ xo eb' tzmeltzji, ax satcn 'el eb' 'a jun 'ejmn̈ej. Yujto an̈ec tic, tzca'c 'och 'a qui c'ojol. Yuj cha, caw colchjnacn̈ec xo.