Mr 9:33 - Chuj San Sebastian Bible

³³ Xlajw cha, xc'och eb' 'a chon̈b' Capernaum, ax yic 'ayc' eb' 'a yol n̈a, 'ix sc'anb'n 'ixtc 'a eb': —¿Tas yuj xe tej e b'a 'a yol b'e? xchi.

Chuj San Mateo Bible

³³ Ix lajvi chi', ix c'och eb' d'a chon̈ab' Capernaum. Axo yic ayxoec' eb' d'a yol jun pat, ix sc'anb'an Jesús d'a eb': —¿Tas yuj ix e telaj e b'a d'a yol b'e? xchi d'a eb'.

Mr 9:33 ပူးပေါင်းရင်းမြစ်များ

Mt 17:24

A yic xc'och eb' 'a Capernaum, a eb' tecm 'el tumn yuj yatut Dios x'at yalnc eb' 'ixtc 'a Pedro: —A jun e cuymal cha, ¿matz yac' am jun tumn tztecx 'el yuj yatut Dios? xchi eb' 'a 'a.

Mr 2:8

Ax Jesús, yojtac tas wan snan ewinac, yuj cha, xyaln 'ixtc 'a eb': —¿Tas yuj wan e nan jun tzo'n̈ tic 'ixtic?

Mr 3:19

'Ayc' pax Judas win 'aj Queriot, atn jun x'a'n 'och Jesús 'a yol sc'ab' chamel.

Jn 2:25

Man̈ yowlalc tzat alx 'a 'a, tas snab'en junc mach. Toxn yojtac tas 'ay 'a qui nab'en junjn on̈.

Jn 21:17

'Ix yaln pax 'ixtc 'a yoxlal: —Simón, ach yunnal Juan, ¿tzam in a chamc'ojlej? xchi 'a 'a. Yuj cha, caw 'ix cus chan̈ Pedro cha, yujto yoxlal sc'anb'n Jesús 'a 'a, toto tzchamc'ojlej. Yuj cha, 'ix yaln pax 'a 'ixtic: —Mamin, ojc xon smasnil to chamc'ojlb'ilchn̈ej wu'uj, xchi 'a 'a. —Toto 'ixta', 'icha junc 'ilm calnelu, 'ixta tzotj a jucb'tzan eb' wic xo.

A Ch'an̈ Carta D'a Eb' Hebreo 4:13

May junc mach tztac' sc'ub'n 'el sb'a 'a sat Dios. Caw checln̈ej smasnil tas 'a sat. 'Oj qui c'ochc 'a yojltac yic tzqui chanec spac tastc tzqui b'o junjn on̈ec.

Apoc 2:23

An̈jtona', 'oj in mil cham pax eb' yune 'ix. 'Ixta 'oj 'aj yojcan 'el eb' 'a junjn iglesia, chajtlto an tic, wojc xon jantcn̈ej tas 'ay 'a e nab'en, yet' tas tz'ec' 'a e c'ojol. An tic, 'oj wac' spac 'ayx junjn ex, a tzyala tas tze b'o'o.