Mr 9:29 - Chuj San Sebastian Bible

²⁹ Yuj cha, xyaln 'ixtc 'a eb': —A jun c'aj demonio tic, man̈ comnoc tz'eli, cojn toto tzex leslwi, [tzex 'och 'a c'ajb'c'ojlal,] 'oj stac' eyi'n 'eli, xchi Jesús.

Chuj San Mateo Bible

²⁹ Yuj chi' ix yalan d'a eb': —A jun macan̈ enemigo tic, man̈ comonoc tz'eli. An̈ej tato tzex lesalvi, ol yal eyic'aneli, xchi Jesús d'a eb'.

Mr 9:29 ပူးပေါင်းရင်းမြစ်များ

Dn 9:3

Yuj cha, in leslwi, in tew 'a Jehová Dios. In 'och 'a c'ajb'c'ojlal, xwa'n 'och te pichl n̈achtac sat. In 'em wocn pax 'a scal q'uen stan̈il c'ac'.

Mt 12:45

Yuj cha, tz'at yi'nc cot ucwn̈ocx yit demonioal 'ec'b'al xo stul 'a yib'an̈. Tzwach' 'och cajn eb' 'a jun 'anma cha. Yuj cha, yel xo wal caw maysch'olnil tz'aj jun 'anma chi 'icha 'a b'ab'el. 'Icha jun 'anma cha, 'ixta 'oj 'aj swach' juw 'el e nab'en, xchi Jesús.

Mt 17:20

—Ma'ix 'eli, yujto ma'ix eya'ch Dios 'a e c'ojol. Wal yel tzwal 'ayex, toto tzeya'ch e c'ojl 'a 'a, wach'xam caw jab' 'icha jun pilc sat te rechiwo, 'oj stac' eyaln 'ixtc 'a jun witz tic: Eln̈ 'a et'l tic, 'ixc 'a junc xo lugar, 'oj e chioc. To 'ixta', 'oj 'el eyu'uj. Smasnil tas 'oj stac' eyu'uj, toto yel tzeya'ch Dios 'a e c'ojol.

Mt 17:21

[Palta a jun c'aj demonio tic, man̈ comnoc tz'eli. Cojn toto tzex leslwi, tzex 'och 'a c'ajb'c'ojlal, 'oj stac' eyi'n 'eli,] xchi 'a eb'.

Mr 9:28

Xlajwn̈ej cha, x'och Jesús sch'ocj yet' eb' scuywum 'a yol n̈a, ata 'ix sc'anb'j eb' 'ixtc 'a 'a: —¿Tas yuj ma'ix stac' qui'n 'el jun demonio chi 'on̈? xchi eb' 'a 'a.

Mr 9:30

Yic x'atx eb' ta', 'ix 'ec' eb' 'a yol yic Galilea. 'Ix snib'j Jesús to may mach tz'ab'n s'ati,

Lc 11:26

Yuj cha, tz'at yi'nc cot win ucwn̈ocx yit demonioal 'ec'b'al xo stul 'a yib'an̈. Tzwach' 'och cajn ewin smasnil 'a jun 'anma cha. Yuj cha, yel xo wal caw maysch'olnil tz'aj jun 'anma chi 'icha 'a b'ab'el, xchi Jesús.

A Tas Sc'ulejnac Eb' Schecab' Jesús Hechos 14:23

A yic x'ec' Pablo yet' Bernabé 'a junjn iglesia, 'ix ya'n can 'och yopiso eb' tz'och ancianoal. 'Ix leslwi eb' 'a Dios, 'ix 'och pax eb' 'a c'ajb'c'ojlal. Xlajw cha, x'ajx can 'ab'enal eb' creyente 'a yol sc'ab' Cajlil yuj eb', atn 'a 'ajtil 'aych sc'ojl eb'.

1 Co 9:27

Caw tzin tench wan in niwnal tic. Tzwac' cuenta in b'a si'mb'il. Yujto wach'xam til wal eb' xwawtj cot wet' 'a jun 'icha tajnel tic, palta toto matz wac' cuenta in niwnal tic, 'ay smay matz in chax 'och yet' eb'.

2 Co 11:27

'Ay 'aj caw 'elnc wip in munlji, caw wab'jnac syail. Niwn 'ejm ma'in way xon jab'oc. 'Ay 'aj caw 'ochnc in wejel, yet' in tacn̈ti'al. Til wal 'ejm 'ochnc in pax 'a c'ajb'c'ojlal. 'Ay 'aj caw wab'jnac syal yuj si'ic, 'ay 'aj caw man̈x 'a in pichul.

2 Co 12:8

'Ox'ejm in c'anjnac 'a Cajlilec, sec toq'ue tzyij 'el 'ayin.

2 Co 6:5

'Ay 'aj on̈ ma'x on̈, on̈ 'och 'a preso on̈. 'Ay 'aj x'och somnjoc eb' 'anma 'ayn̈ on̈. 'Ay 'aj x'el quip qui munlj on̈. Man̈xtzac on̈ way on̈. 'Ay 'aj caw tz'och qui wejl on̈.

Ef 6:18

An̈jtona', smasnil tiempo caw tzex leslwi 'a Dios yet' spoder Yespíritu, tze c'ann tas 'a 'a. Caw tzeya'ch e nab'en e leslwi. Man̈ ex tzactzjoc. Leslwan̈c yuj jantcn̈ej eb' yic xo Dios quet'ec.

Santiago 5:15

Toto tzeya'ch Dios 'a e c'ojol, tzex leslwi yuj eb' ya'ay cha, 'oj colchjoc 'el eb' 'a syailal. A Cajlilec, a 'oj 'a'nc b'oxc sc'ojl eb'. Toto 'ay smul eb' xlaj 'ochi, 'oj 'ajxoc lajwc can yuj Dios.