Mr 9:19 - Chuj San Sebastian Bible

¹⁹ Yuj cha, 'ix yaln Jesús 'ixtic: 'A... ax tic, caw matz eya'ch e c'ojl 'a Dios, 'in 'ayx tiempo 'ayn 'ec' eyet'oc. ¿B'a'n̈to wal 'oj nachjc 'el eyu'uj? Caw tzwab' syal eyu'uj. 'At 'ijc cot jun 'unn chi 'ayin, xchi.

Chuj San Mateo Bible

¹⁹ Yuj chi' ix yalan Jesús chi': —A... a ex tic, te max eyac'och Dios d'a e c'ool. Ina ayxo tiempo ayinec' eyed'oc. ¿B'aq'uin̈to val ol nachajel eyuuj? Svab' val syail eyuuj. Iq'ueccot jun unin chi' d'ayin, xchi.

Mr 9:19 ပူးပေါင်းရင်းမြစ်များ

Salmos 78:22

Yujto ma'ix ya'ch eb' sc'ojl 'a Dios, ma'ix ya'ch eb' yipc sc'ojl scolwal.

Nm 14:11

'Ix yaln Jehová 'a Moisés 'ixtic: —¿B'a'n̈ to wal 'oj yactc eb' 'anma tic in spatquiln can 'eli? ¿B'a'n̈ to wal 'oj yactc eb' in schab'c'ojlani? 'In til wal milagro tzin ch'ox pax yil eb'.

Nm 14:22

A eb' x'iln in tzictznil tic, yet' milagro in ch'oxjnac yil eb' 'a Egipto, xin ch'oxn pax yil eb' 'a lum cusltac lu'um, palta slajn̈ 'ejmal xo in ya'n prowal eb' tic, matz yiclj eb' xon tas tzwala.

Nm 14:27

—¿Jantcto wal tiempo 'oj techjoc sti jun tzo'n̈ 'anma maysch'olnil tic wu'uj? 'Ix wab'i to caw tu yaln eb' 'ayin.

Mt 17:17

Yuj cha, 'ix yaln Jesús 'ixtic: —Ax tic, caw matz eya'ch e c'ojl 'a Dios, caw pit ex. 'In 'ayx tiempo 'ayn 'ec' eyet'oc. ¿B'a'n̈to wal 'oj nachjc 'el eyu'uj? Caw tzwab' syal eyu'uj. 'At 'ijec cot win 'unn chi 'ayin, xchi.

Mr 16:14

Ax 'a jun 'ejm xo, yic wan swa eb' scuywum Jesús chi yuxlchwan̈il, 'ix sch'oxn sb'a 'a eb'. 'Ix yaln spaltail eb' yujto chab'c'ojlal yaj eb'. Pit xyutj sb'a eb', yujto ma'ix schaj eb' yab' 'a eb' x'ilni yic tox 'ix pitzw paxi.

Mr 9:18

Tzann̈j 'aj tzcot 'a 'a, caw tzicx telwc yu'uj, tzjaw swom sti', tzjuch'ch'i ye, caw wan sb'acb' 'el yu'uj, 'ix cob' wal 'a eb' a cuywum to tzyij 'el eb', palta ma'ix stac' yuj eb', xchi win 'a Jesús.

Mr 9:20

Yuj cha, x'at yi'nc cot eb' 'a 'a. Yic 'ix yiln 'och jun demonio cha, to a Jesús, caw 'ix wach' cot 'a sjolm jun 'unn cha, 'ix telw 'a lu'um, caw 'ix pichtpichtn 'eq'ui, 'ix jaw swom sti'.

Lc 24:25

Yuj cha, xyaln pax 'a eb' 'ixtic: —Ax tic, caw may e nab'en, caw teb'il tzeya'ch e c'ojl 'a jantcn̈ej tas yaljnac can eb' schecb' Dios pecti'.

Lc 9:41

Yuj cha, 'ix yaln Jesús 'ixtic: —¡Ax tic, caw matz eya'ch e c'ojl 'a Dios, caw pit ex! 'In 'ayx tiempo 'ayn 'ec' eyet'oc. ¿B'a'n̈to wal 'oj nachjc 'el eyu'uj? Caw tzwab' syal eyu'uj, xchi. Xlajw cha, 'ix yaln 'a jun winc cha: 'At 'ij cot win onnal chi 'ayin, xchi.

Jn 12:27

A ticnec, caw tz'och pitz'n cusc'ojlal 'a in pixan. ¿Palta tas 'oj wutc walni? ¿Tom 'oj wal 'ixtc 'a Dios: Mamin, coln 'elt 'a yol sc'ab' jun yailal 'oj jawc 'a wib'n̈ tic, tom 'oj in chioc? Palta yuj wal jun tic 'ayn cot yu'uj.

Jn 20:27

Xlajwn̈ej cha, xyaln 'ixtc 'a Tomás: —'Ilt in c'ab' tic, 'a'ch yune a c'ab' 'a yolnil tic. Tza'n pax 'och a c'ab' 'a yolnil in costl tic. 'A'ch a c'ojl 'ayin, man̈x a chab'c'ojloc a b'a, xchi Jesús.

Dt 32:20

'Ix yaln Jehová 'ixtic: ¡'Oj wel ch'umn 'a eb' 'anma cha! ¡'Oj wila' tas 'oj yutc sb'a eb'! ¡Wal yel a jun tzo'n̈ 'anma tic, caw maysch'olnil eb', matz tac' xon wa'n 'och eb' yipc in c'ojol!