Mr 9:1 - Chuj San Sebastian Bible

¹ 'Ix yaln pax Jesús 'ixtic: —Wal yel tzwal 'ayex, 'ay jun tzo'n̈ ex 'a tic mantzac ex chami, ax eyiln sch'oxn 'el sb'a Dios to wan ya'n yajlil yet' spoder, xchi 'a eb'.

Chuj San Mateo Bible

¹ Val yel sval d'ayex, ay ex manto ex chamlaj ol eyil svach' och Dios Yajalil yed' spoder, xchi d'a eb'.

Mr 9:1 ပူးပေါင်းရင်းမြစ်များ

Mt 16:28

Wal yel tzwal 'ayex, 'ay jun tzo'n̈ ex 'a tic, mantzac ex chami, ax in jaw an 'Ochnc in 'Anmal tic, ax wa'n yajlil, xchi 'a eb'.

Mt 24:30

'Ixta to b'i'an, ax scheclj jun senya 'a satcha'an̈, chajtlto an 'Ochnc in 'Anmal tic, an tzin jawi. Ax eb' 'anma 'a junjn chon̈b' 'a yolyib'n̈q'uinl tic, 'oj 'oc' eb', yujto 'oj yil eb' in jaw 'a scal 'asun. Man̈ jantcoc in poder yet' in tzictznial, ax in jawi.

Mt 25:31

An 'Ochnc in 'Anmal tic, 'oj in jaw yet' eb' wángel smasnil, caw niwn in poder, ax wem wocn 'a in despacho. Atta 'oj checljoc 'eli, to caw niwn wel'chi.

Mr 13:26

'Oj lajwc cha, ax yiln q'ue eb' 'anma', to an 'Ochnc in 'Anmal tic 'oj weml 'a scal 'asun. Man̈ jantcoc in poder yet' in tzictznial, ax in jawi.

Mr 13:30

Wal yel tzwal 'ayex, ma'oj satl jun tzo'n̈ 'anma tic, masnto 'oj 'e'cn jun tzo'n̈ xwal tic smasnil.

Lc 2:26

A 'a'jnac nachjc 'el yu'uj, to ma'oj chamoc, masnto 'oj yil Cristo, jun 'oj schec cot Cajlil.

Lc 22:18

Yujto tzwal 'ayex, man̈x b'a'n̈ 'oj wuc' yal uva tic, masnto 'a yic wan ya'n Dios Yajlil, xchi 'a eb'.

Lc 22:30

'Oj stac' e wa wet' 'a jun in mexa 'aj 'ayn 'och yajlil cha. An̈jtona', 'oj eyem wocn 'a junjn e despacho, ax eya'n yajlil 'a lajchw macn̈ eb' quit israelal, xchi Jesús 'a eb' scuywum cha.

Lc 9:27

Wal yel tzwal 'ayex, 'ay jun tzo'n̈ ex 'a tic mantzac ex chami, ax eyiln ya'n Dios Yajlil, xchi Jesús 'a eb'.

Jn 21:23

Yuj cha, 'ix 'el speclal 'a scal eb' creyente, chajtlto ma'oj cham jun scuywum Jesús cha. Palta may tas 'ix yal Jesús, toto ma'oj chamoc. Cojn 'ix yal 'ixtic: Toxn̈ej tzyal in c'ojol, pitznto ax in japxi, may aln ec 'a 'a, xchi.

A Ch'an̈ Carta D'a Eb' Hebreo 2:9

Palta tzquilc nab'n tas 'ajnc Jesús. Yuj qui Mam Dios, 'ay jun tiempoal, ma'ix tza'wni 'a eb' ángel yic wul ya'nc 'och sb'a 'anma'il. Yuj wal swach'c'ojlal Dios, x'el 'a sc'ojol, xcham Jesús cujec qui masnil. Al ticnec, caw niwn swach'il, niwn yel'chi, yujto xyab' syal schami.