Mr 8:34 - Chuj San Sebastian Bible

³⁴ Xlajw cha, 'ix yawtn cot eb' scuywum chi 'a 'a, yet' eb' 'anma', 'ix yaln 'ixtc 'a eb': —Toto 'ay eb' tznib'j tz'och in cuywumoc, yowlal man̈x yico'oc sb'a eb' sch'ocoj, yab' cab' eb' syal wu'uj, toxn̈ej tz'ajx 'och eb' 'a spenc culus, toto 'ixta', 'och cab' eb' in cuywumoc.

Chuj San Mateo Bible

³⁴ Ix lajvi chi', ix yavtancot eb' sc'ayb'um yed' eb' anima, ix yalan d'a eb': —Tato ay eb' sgana tz'och in c'ayb'umoc, yovalil man̈xo yicoc sb'a eb' sch'ocoj. Yab'ocab' syail eb' vuuj, vach'chom d'a te' culus. Tato icha chi', ochocab' eb' in c'ayb'umoc.

Mr 8:34 ပူးပေါင်းရင်းမြစ်များ

A Ch'an̈ B'ab'el Libro Yic Yab'ixal Eb' Rey 14:8

An 'ix wij 'ec' jun 'opiso tic 'a yin̈tl David, 'ix wa'n can 'ayach. Palta ach xo tic, man̈ lajnoc xotj a b'a 'icha in checb' David cha, syiclj in checnb'il yet' smasnil sc'ojol, cojn tas tojol a 'ix sb'o 'a in sat.

Nm 14:24

Cojn wal win in checb' Caleb, cojn wal yiclum xyutj sb'a 'ayin. Yuj cha, 'oj c'och win 'a sat lum lum xit' yil cha, ax eb' yin̈til, a eb' 'oj cajnoc lu'um.

Mt 10:38

A mach matz yal sc'ojl tzyab' syal wuj 'icha 'oj waj 'a spenc culus, man̈ smojc yoch wico'oc.

Mt 16:24

Xlajw cha, xyaln pax 'ixtc 'a eb' scuywum: —Toto 'ay mach tznib'j tz'och in cuywumoc, yowlal man̈x yico'oc sb'a sch'ocoj. Yab' cab' syail, toxn̈ej tz'ajx 'och 'a spenc culus. Toto 'ixta', 'och cab' in cuywumoc.

Mt 27:32

Yic wan s'at ewin yet' Jesús, 'ix 'ilchj jun winc 'aj Cirene yuj ewinac, Simón sb'i. 'Ix 'ajx pural win yuj ewinac, yic tzcuchn 'at sculsal Jesús cha.

Mr 10:21

'Ix 'och q'ueln, x'o'ch sc'ojl 'a winac, yuj cha, 'ix yaln 'ixtc 'a 'a: —'Ayt junx tzyac' palta 'ayach, 'ixic, 'at chon̈cn 'el jantcn̈ej tas 'ay 'ayach, tza'n stojl 'a eb' meb'a', sec 'oj a cha a ricoal 'a satcha'an̈. Tzlajw cha tzach japx 'ayin, ax och in cuywumoc, xchi 'a winac.

Mr 7:14

Xlajw cha, 'ix yawtn cot Jesús eb' 'anma chi jun 'ejm xo, 'ix yaln 'a eb' 'ixtic: —'Ab'xnan̈c 'ayn e masnil, nachj cab' 'el eyu'uj tas 'oj wala'.

Lc 13:24

—'A'c eyip eyoch 'a jun 'icha puerta lot'an. Yujto tzwal 'ayex, caw niwn eb' 'oj cob' snib'c 'och sb'a, palta ma'oj stac' yoch eb'.

Lc 14:33

An̈jtona', tzann̈j ex matz yal e c'ojl tzeyactj can jantcn̈ej tas 'ay 'ayex, matz tac' eyoch in cuywumoc.

Lc 18:22

—Palta 'ayt wal junx a palta. 'Ixic, 'at chon̈cn 'el jantcn̈ej tas 'ay 'ayach. Tza'n stojl 'a eb' meb'a', sec 'oj a cha a ricoal 'a satcha'an̈. Tzlajw cha, ax a japx 'ayin, ax och in cuywumoc, xchi 'a winac.

Lc 20:45

A yic wanto yab'xni eb' 'anma smasnil, 'ix yaln 'ixtc 'a eb' scuywum cha:

Lc 9:23

Xlajw cha, xyaln 'ixtc 'a eb' smasnil: —Toto 'ay mach tznib'j tz'och in cuywumoc, yowlal man̈x yico'oc sb'a sch'ocoj. Yab' cab' syal wuj 'a junjn c'u, toxn̈ej tz'ajx 'och eb' 'a spenc culus. Toto 'ixta', 'och cab' in cuywumoc.

Jn 10:27

A eb' wico', tzya'ch eb' schicn 'ayin. An xo tic, wojc eb'. 'Icha e no calnelu tz'och tza'n yuj yilmal, 'ixta tz'ajch tza'n eb' wu'uj.

Jn 19:17

Ax Jesús, toxn 'ix scuch sculsal. 'Ix 'at 'a jun lugar tzcuch Gólgota 'a hebreo. Tzyal 'el'chi: Yet'l Sb'acl Jolom.

A Tas Sc'ulejnac Eb' Schecab' Jesús Hechos 14:22

X'ec' eb' sjucb'tzoc eb' creyente 'a 'oxe chon̈b' cha. X'ec' yac' eb' snab'enoc eb'. 'Ix yaln eb' 'ixtc 'a eb': —Caw te'n tzeyutj e b'a eya'n 'och e c'ojl 'a Cajlil, yujto a yic mantzac on̈ c'ochc 'a yol sc'ab' Dios, yowlal niwn syal 'oj jawc 'a quib'n̈ec, xchi eb'.

Ro 6:6

Cojquec, a jun qui nab'enec 'a yic yalan̈, a 'a sat Dios, t'un̈xnac q'ue yet' Cristo 'a spenc culus, sec wach' tzsatl qui tu nab'enalec, 'icha to caw tzchami. 'Ixta on̈ 'ajec, sec wach' man̈xtzac ca'c servil maysch'olnil ticnec.

Ro 8:17

Yujto yunnaln̈ec xo Dios, yuj cha, 'oj qui chac jun qui macl 'oj yac' 'ayn̈ec, atn swach'l 'oj spojc' 'ayn̈ec. A jun chi 'oj qui chac yet' Cristo. Toto junn̈j tzcutjec cab'n syal yet'oc, to 'ixta', junn̈j 'oj cajc yet' 'a 'aj 'ay swach'il.

1 Co 15:31

An tic ex wu'tac, ex wanab', junjn c'u 'ijn tzin milx chamoc. Caw yel tzwal 'ayex, yujto 'ay in tzaljc'ojlal eyu'uj, yujto 'aych e c'ojl 'a Cajlil Jesucristo wet'oc.

1 Co 8:13

Yuj cha, q'uinloc 'ay junc mach 'oj juwc snab'en yuj tas tzin c'uxu. To 'ixta', yel xo am wach' man̈x 'a chib'j 'oj in chi', sec wach' may junc eb' 'oj juwc 'el snab'en wu'uj.

1 Co 9:19

Wach'xam may mach 'ay yaln yic 'ayin, palta tzwa'ch in b'a ya'malc servil smasnil 'anma', sec wach' caw niwn eb' tzmontchj 'och yico'oc Cristo wu'uj.

Gl 2:20

A ticnec, 'icha to 'ac'b'iln̈ec q'ue 'a spenc culs yet' Cristo 'a sat Dios. Yuj cha, man̈xtoc pitzn on̈c ticnec. Atn Cristo pitzn yaj 'ayn̈ec. Axn̈ej sb'eyb'al tzqui b'eylb'ejc ticnec, yujto tzca'c 'och qui c'ojl 'a Yunnal Dios. Caw sch'oxjnac schamc'ojlal 'ayn̈ec, yujto ya'jnac cham sb'a cujec.

Gl 5:24

An̈ yic on̈c xo Cristo, man̈x 'a yel'ch qui tu nab'enal 'ayn̈ec, yet' jun tzo'n̈ maysch'olnil tzqui nib'jec 'ochi. 'Icha to 'ac'b'ilx 'och 'a spenc culs cujec.

Gl 6:14

Palta an xo tic, may junc tas 'aj tzin b'an̈ in b'a 'a spatic. Cojxn schamlil Cajlil Jesucristo 'a spenc culus a tzin b'an̈a. Yuj schamlil cha, man̈x 'a yaln yolyib'n̈q'uinl tic yic 'ayin, 'icha to chamnc xo 'a in sat. An xo tic, 'icha to chamnc in pax 'a yolyib'n̈q'uinl tic jun xo, yujto man̈x 'a waln wic 'a 'a.

A Scarta San Pablo D'a Eb' Aj Filipos 3:10

Tzin nib'ej, tzin wach' 'ojquej 'el Cristo, sec a spoder yic xpitzw paxi, a tzyac' 'ayin. Tzin nib'j lajnn̈ej tzwutj wab'n syal yet'oc. Tzin nib'j 'icha x'aj schami, 'ixta tzin 'aj in cham jun xo.

A Scarta San Pablo D'a Eb' Aj Filipos 3:7

Smasniln̈ej jun tzo'n̈ xwal tic, caw wach'n̈j in nani. Palta a ticnec, tzin na'a, may jac yel'ch jun tzo'n̈ cha, yujto an̈j 'a Cristo tzwa'ch in nab'en.

A Scarta San Pablo D'a Eb' Aj Colosas 1:24

A ticnec, 'ayn 'och 'a yailal e mul eyujoc. Palta tzin tzaljn̈ej paxi. Yujto a yic tzwab'n syal yet' in niwnal tic, 'icha to tzin tz'acb'tzej syailal Cristo jac xo. A 'ix 'ab'n syal cuj an̈ yiglesia on̈c tic, yujto 'icha to sniwnal cajec.

A Scarta San Pablo D'a Eb' Aj Colosas 3:5

Yuj cha, jantcn̈ej e b'eyb'al yic yolyib'n̈q'uinl tic, 'actjec can smasnil, satc can 'el 'a jun 'ejmn̈ej. Caw man̈x e b'o 'ajmulal, mto junc xo tzann̈j maysch'olnil yet' e niwnal. Man̈xtzac stac' eya'n 'och e nab'en 'a 'ajmulal, mto 'a junc xo tu'al. An̈jtona', matz tac' e nib'n 'och ricoal. Yujto a yic tzqui nib'nec 'och ricoal, a 'a sat Dios, wan caln 'och jun chi qui diosaloc.

2 Ts 3:11

Tzcalb't jun tzo'n̈ tic 'ayex, yujto xcab' on̈, to 'ayx ab' caw matz yal e c'ojl tzex munlj ta'. Ton̈j tze comn 'a'j 'och e b'a 'a scal jun tzo'n̈ tas 'aj may eyaln eyico'.

Tito 2:12

Yuj swach'c'ojlal tic, tznachj 'el cu'uj, to yowlal tzcactj can jantcn̈ej tas man̈ wach'c 'a sat Dios, yet' jantcn̈ej tas maysch'olnil tzqui nib'j 'och 'a yolyib'n̈q'uinl tic. Yowlal caw tzcac' cuenta qui b'a, caw wach' tzcutj qui b'eyb'al. Cojxn 'a Dios tzca'ch qui nab'en.

A Ch'an̈ Carta D'a Eb' Hebreo 13:13

Yuj cha, 'elcoyc 'a 'aj 'ijxnac 'el Jesús 'a sti 'el chon̈b' cha, tzyal 'el'chi, to tzchaj qui c'ojl qui patquilx can 'el 'icha 'ajnc spatquilx can 'el Jesús.

A Sb'ab'el Carta San Pedro 4:1

Caw xyab' Cristo syal yet' sniwnal yic xchami. Yuj cha, qui na'ec, to chamnc on̈c xo pax jun xo. Yujto a eb' chamnac, man̈xtzac sb'o eb' maysch'olnil.

A Sb'ab'el Carta San Pedro 4:13

Palta caw tzalj coyec, yujto junxn̈ej tzon̈ 'ajc cab'n syal yet' Cristo. Toto 'ixta tzcutjec qui b'a, a yic 'oj quilnec sjaw Cristo 'a scal stzictznial, caw 'oj wach' 'ajxc qui tzaljc'ojlalec.

A Schab'il Carta San Pedro 1:14

Yujto a Cajlil Jesucristo x'a'n nachjc 'el wu'uj, chajtlto man̈x najtloc wal 'ayn 'eq'ui.

1 Jn 3:16

Cojquec paxi tas yaj schamc'ojlal Dios 'ayn̈ec, yujto ya'jnac cham sb'a Jesucristo cujec. Yuj cha, yowlal 'ixta tzcutjec qui chamc'ojlan eb' quit creyenteal, tzca'nec cab' cham qui b'a yuj eb'.

Apoc 2:10

Man̈ ex xiw yuj jun tzo'n̈ yailal 'oj jawc 'a eyib'an̈. 'Ayx 'oj eyajx 'och 'a preso yuj win diablo. 'Ixta 'oj ex yutc win ex ya'n prowal. Lajn̈e c'u 'oj eyab' syail. Palta yiclumn̈ej tzeyutj e b'a, masnto 'oj e chami. Toto 'ixta 'oj eyutc e b'a, 'oj wac' spac 'ayex, atn e q'uinl 'a jun 'ejmn̈ej.