Mr 8:32 - Chuj San Sebastian Bible

³² Tojln̈ej xyutj Jesús yaln jun tzo'n̈ chi 'a eb', palta ax Pedro x'i'n 'elt Jesús chi sch'ocoj, 'ix ya'lni stenn 'och wa'an.

Chuj San Mateo Bible

³² Tojoln̈ej ix yutej Jesús yalan juntzan̈ chi' d'a eb'. Palta axo vin̈aj Pedro, ix ic'anelta Jesús chi' sch'ocoj. Ix yac'lan vin̈ scachanoch vaan yalani.

Mr 8:32 ပူးပေါင်းရင်းမြစ်များ

Mt 16:22

Yuj cha, ax Pedro 'ix yi'n 'el'ch Jesús sch'ocoj, stenn 'och wa'an, 'ix yaln 'a 'ixtic: —Mamin, caw man̈ 'ichcta snab'en Dios. A jun tzo'n̈ 'ix al tic, ma'oj jawc 'a eb'an̈, xchi Pedro chi 'a 'a.

Mr 4:38

Ax Jesús, waync 'a syop 'el'ch te barco cha, 'aych jun sc'an̈ jolom. Yuj cha, 'ix spitzn 'el eb' swayan̈. —Mamin, ¿matz a na am jab'oc? 'Ilto, to wan qui lajwec 'eli, xchi eb' 'a 'a.

Lc 10:40

Palta ax Marta, caw witz'n yaj yuj tas 'ay sc'a'l tzb'o'o. Yuj cha, xjaw 'ix 'a Jesús, xyaln 'ix 'a 'ixtic: —Mamin, ¿tom matz a na jab'oc, to in yactj can 'unx in nul'j tic yet' in munljel in ch'ocoj? Al 'a 'unix to tzcolwj 'unx wet'oc, xchi 'ix 'a 'a.

Jn 10:24

Ax eb' 'aj Judea 'ayc' ta', 'ix 'och oyn eb' 'a 'a, xyaln eb' 'a 'ixtic: —¿B'a'n̈to wal 'oj al 'ayn̈ on̈, mach ach? Toto yel Cristo ach, tojln̈ej tzotj aln 'ayn̈ ticnec on̈, xchi eb' 'a 'a.

Jn 11:14

Yuj cha, tojln̈ej xyutj yaln 'ixtc 'a eb': —Tox 'ix chami.

Jn 16:25

Chuc xwutj waln jun tzo'n̈ cuynb'il tic 'ayex. Palta 'ay jun tiempoal 'oj jawoc, man̈xtoc 'oj wal 'ayx 'ixta', yujto tojl xoj 'oj wutc waln yab'xil qui Mam Dios 'ayex.

Jn 16:29

Ax eb' scuywum cha, 'ix yaln eb' 'ixtc 'a 'a: —A ticnec, caw tojl xoj tzotj aln 'ayn̈ on̈. Man̈xtoc chuc tzotj aln 'icha 'a jun 'el.

Jn 18:20

Ax Jesús, 'ix yaln 'ixtc 'a winac: —A jun tzo'n̈ cuynb'il tic, 'in 'ix wal 'elt 'a scal eb' 'anma smasnil. Smasnil tiempo tzwal 'elt 'a yol jun tzo'n̈ e capiya, yet' 'a yamq'uil yatut Dios, 'a 'ajtil tzyam sb'a eb' quit israelal smasnil. May junc tas 'ix wal 'a c'ultaquil.