Mr 7:37 - Chuj San Sebastian Bible

³⁷ Caw wal 'ix sat sc'ojl eb', 'ix laj yalnc eb' 'ixtic: Caw wach' tzyutj sb'on smasnil tas, an̈jtona tzlaj jac schicn eb' chacan̈, tzjaccn pax sti eb' matz uj spaxtini, xchi eb'.

Chuj San Mateo Bible

³⁷ Ix te sat sc'ool eb'. Ix laj yalan eb': —Masanil tas sc'ulej, vach'n̈ej. Sjacvi schiquin eb' chacan̈. Slolonpax eb' max uji taxon sloloni, xchi eb'.

Mr 7:37 ပူးပေါင်းရင်းမြစ်များ

Gn 1:31

Xyiln 'och Dios smasnil tas 'ix b'o'i, to caw wach' smasnil. 'Ix 'ec' junx 'ac'wal yet' junx c'u, 'ixta x'aj yec' swacl c'ual.

Salmos 139:14

Caw wal satjub'tac yilx tas b'ob'il o'oj. Yuj cha, tzwaln wach' paxti 'ayach. Caw tzsat in c'ojl wilni, palta 'ix wojquej 'el jun tzo'n̈ tic si'mb'il.

Is 29:18

A 'a jun c'ul cha, a eb' matz uj yab'ni, 'oj yab' eb' yawtx junc un̈ 'a stz'ey, ax eb' matz uj yilni, 'oj stac' yiln eb', 'icha to tz'ijx 'elt eb' 'a scal q'uic'q'uinal.

Mt 9:32

Wanto s'at eb', 'ix 'ijx cot junx winc 'a Jesús. A win cha, matz uj spaxtini, yujto 'aych jun demonio 'a 'a.

Mr 1:27

Ax eb' 'anma cha, caw sat sc'ojl eb' smasnil yilni. Yuj cha, xlaj yal-lanc eb' 'ixtic: —¿Tas laj wal yaj jun tic? ¿Tas cuynb'ilal jun tzat jaw tic? A win tic, 'ay spoder ya'n mandar eb' demonio, 'in to tzyiclj eb' 'a 'a, xchi eb'.

Mr 2:12

Yajn̈j wal cha, 'ix q'ue wan winac, 'ix yi'n chan̈ win swaynub' cha, q'ueln 'och eb' smasnil 'ix pax winac. Yuj cha, caw sat sc'ojl eb' smasnil, 'ix laj yalnc eb' wach' paxti 'a Dios. —Toxn mant xon 'aj tzquil jun tic 'ixtic, xchi eb'.

Mr 4:41

Ax eb' ton̈j 'ix caw sat sc'ojl eb' yuj si'mb'il, 'ix laj yal-lanc eb' 'ixtic: —¿Tas wal sb'o jun tic? 'In tzyiclj 'ic' yet' a mar tas tzyala, xchi eb'.

Mr 5:42

Yajn̈j wal cha, 'ix q'ue wan 'ix, 'ix b'eyq'ui. Slajchwil ab'il sq'uinl 'ix. A eb' 'anma chi 'ayc' ta', caw 'ix sat sc'ojl eb' yiln jun cha.

Mr 6:51

Xlajw cha, x'och 'a yojl te barco chi yet' eb', 'ix 'och wan jun 'ic' chi yu'uj. Yuj cha, caw wal 'ix sat sc'ojl eb' yuj si'mb'il.

Mr 7:36

Xlajw cha, 'ix cham wal yaln pax Jesús 'a eb' 'anma cha, to may 'aj tzyal-l eb' jun cha. Palta ax yic xyaln jun tic 'a eb', yel xo wal swach' alj 'el eb'.

Mr 8:1

A 'a yic jun tiempoal cha, til wal 'anma 'ix syam sb'a 'a Jesús, palta may tas tzc'ux eb', yuj cha, 'ix yawtn cot eb' scuywum 'a 'a, 'ix yaln 'a eb' 'ixtic:

Lc 23:41

An̈ tic, smoj wal tzcab' syal qui chan spac qui mul. Palta a jun tic, may jac tas tu x'el sb'oni, xchi winac.

A Tas Sc'ulejnac Eb' Schecab' Jesús Hechos 14:11

Ax yic 'ix yiln eb' 'anma tas 'ix sb'o Pablo cha, 'ix syamn 'och eb' yaln chan̈ 'a sti eb' 'aj Licaonia 'ixtic: —Yaj wal chawn̈ qui diosalec tic, 'ix ya'ch sb'a eb' 'anma'il, x'eml eb' 'ayn̈ec, xchi eb'.