Mr 7:28 - Chuj San Sebastian Bible

²⁸ Palta xta'w 'ix 'ixtc 'a 'a; —Yel ton Mamin, palta a no cotc tz'i', tzsic' chan̈ no sc'ajl yoch eb' 'unnab'il tz'ejm 'a yaln̈ mexa, xchi 'ix 'a 'a.

Chuj San Mateo Bible

²⁸ Palta axo ix tac'vi ix d'ay: —Yel ton Mamin, palta a noc' yunetac tz'i' chi' sic'anq'uechaan̈ sc'ajil yooch eb' unin d'a yalan̈ mexa, xchi ix d'ay.

Mr 7:28 ပူးပေါင်းရင်းမြစ်များ

Salmos 145:16

'Ela ach 'a smasnil tas to tzwa'i, ach tzac' tas tzc'ux eb' sec pitzn eb'.

Is 45:22

Jantcn̈ej ex cajn ex 'a 'aj tzlajw c'och sti lum lu'um, cotn̈ec 'ayin, 'oj ex in colo', cojn in ton Dios in, may junc xo.

Is 49:6

'Ix yaln 'ixtc 'ayin: In checb' ach, palta man̈ yujocn̈ej a tojlb'tzan pax eb' yin̈tl Jacob 'a 'icha xon yaji, yic tze'n pax meltzjoc jaywn̈ xo eb' cann̈cto can 'a Israel, palta yuj pax ach wa'n 'och sacq'uinlal 'a jun tzo'n̈ xo nacion̈, masnto 'a 'aj tzlajw c'och yolyib'n̈q'uinal, tze'n pax 'at colnb'il ta', xchi 'ayin, xchi jun schecb' Dios cha.

Mt 15:27

—Yel ton Mamin, palta a no cotc tz'i', tzsi' chan̈ no sc'ajl yoch eb' 'unnab'il 'a yaln̈ smexa win 'ajn̈a, xchi 'ix 'a 'a.

Mt 5:45

'Ixta 'oj eyutc e ch'oxni to yel yunnalx qui Mam 'ayc' 'a satcha'an̈. Yujto a tz'a'n 'emt yoc c'u 'a yib'n̈ eb' maysch'olnil yet' 'a yib'n̈ eb' wach'. An̈jtona', tzya'n pax 'emt n̈ab' 'a yib'n̈ eb' man̈ tojloc snab'en yet' 'a yib'n̈ eb' tojl snab'en.

Mr 7:27

Palta xyaln 'a 'ix 'ixtic: —Wa cab' eb' 'unnab'il b'ab'el, yujto man̈ wach'oc toto tzto'x 'ec' yoch eb', tz'ajx 'a no cotc tz'i', xchi. 'Ixta xyutj yalni, chajtlto a 'a eb' israel tzb'ab'l 'ajx swach'c'ojlal Dios.

Mr 7:29

Yuj cha, xyaln pax 'a 'ix 'ixtic: —A jun xal 'ayn tic, caw wach'. Tztac' tzach pax 'a atut, yujto tox 'ix 'el jun demonio chi 'a 'ix one cha, xchi 'a 'ix.

Ro 10:12

Wach'xam israel on̈ec, wach'xam man̈ on̈ israeloc, lajn on̈c qui masnil 'a sat Dios. Yujto a Cajlilec, Yajl yaj 'a quib'n̈ec qui masnil. Tzann̈j on̈ tzcalc qui b'a 'a 'a, til wal swach'c'ojlal tzyac' 'ayn̈ec.

Ro 3:29

A Dios, man̈ sDiosalocn̈ej eb' israel sch'ocoj, sDiosal pax eb' man̈ israeloc. Caw yel qui Diosalec qui masnil,

Ef 3:8

Jantcn̈ej eb' yic xo Dios wet'oc, yel xo 'ec'b'al yel'ch eb' 'a wib'an̈. Toxn may junc eb' yel xo niwn wel'ch 'a 'a. Palta yuj swach'c'ojlal Dios, ya'jnac wopiso tic. Yuj cha, tz'ec' walnc 'el 'a e cal ax man̈ ex israeloc, chajtlto man̈ jantcoc swach'l Cristo.