Mr 7:15 - Chuj San Sebastian Bible

¹⁵ A jun tzo'n̈ tas tz'och 'a qui ti', matz tac' tzon̈ juwc 'el yuj 'a sat Dios, palta a jun tzo'n̈ tas tzcot 'a qui nab'enec, a tzon̈ 'a'n juwc 'eli.

Chuj San Mateo Bible

^15-16 A juntzan̈ tas tz'och d'a co ti', max on̈ juviel-laj yuuj d'a yichan̈ Dios. Palta a juntzan̈ tas scot d'a co pensar, a tzon̈ ac'an juvoquel d'a yichan̈ Dios, xchi d'a eb'.

Mr 7:15 ပူးပေါင်းရင်းမြစ်များ

Pr 4:23

Tza ya'ilj a nab'en 'a yib'n̈ smasnil tas 'ay 'a yolyib'n̈q'uinl tic, yujto a 'a nab'en cha, a tzach 'i'n b'ey 'a swach'il mto 'a stu'al.

Mt 12:34

Ax tic, caw 'ixtm 'anma 'ex, lajn ex 'icha no chan. Yuj cha, ¿tom 'ay jac tas wach' tz'el eyalni? Yujto an̈j tas 'ay 'a e nab'en, an̈j chi tzeyala.

Mt 15:16

Yuj cha, xyaln Jesús 'ixtic: —¿Tom matz nachj pax 'el jun chi eyu'uj?

Mr 7:14

Xlajw cha, 'ix yawtn cot Jesús eb' 'anma chi jun 'ejm xo, 'ix yaln 'a eb' 'ixtic: —'Ab'xnan̈c 'ayn e masnil, nachj cab' 'el eyu'uj tas 'oj wala'.

Mr 7:16

A jun tzo'n̈ tzeyab' tic, nac wal yuj si'mb'il, xchi 'a eb'.

A Tas Sc'ulejnac Eb' Schecab' Jesús Hechos 10:28

Yuj cha, xyaln 'a eb' 'ixtic: —Eyojtac, an̈ israel on̈ tic on̈, may sleyl tzqui c'umj qui b'a yet' junc chuc chon̈b'al on̈. May sleyl tzon̈ 'och 'a yol yatut on̈. Palta a Dios x'a'n nachjc 'el wu'uj, yuj cha, matz tac' walni, to 'ay junc mach may sleyl tzin c'umej.

Ro 14:17

A ticnec, 'ayn̈ecx 'och 'a yol sc'ab' Dios, yuj cha, man̈x smojc tzca'c 'och qui nab'en 'a jun tzo'n̈ tas tzqui c'uxec, mto tas tzcu'jec. Palta smoj tojl tzcutjec qui nab'en, junc'ojlal tzcutjec qui b'a. Tzqui chanec pax jun tzaljc'ojlal tzyac' Yespíritu Dios 'ayn̈ec.

1 Co 10:25

Al ticnec, tzann̈j cab' chib'jal tzchon̈x 'a plas, tzta'n̈j e mann e chi'. Matz e c'anb'ej, 'aj tzcoti, sec wach' ax jun e nab'en tzex 'a'n cuenta, matz juw 'el yu'uj.

Tito 1:15

An̈ tojlb'tzab'ilx qui nab'en, wach' smasnil tas 'ayon̈. Palta ax eb' matz ya'ch sc'ojl 'a Dios, eb' maysch'olnil xon snab'en, may junc tas wach' 'a eb'. Yujto a snab'en eb', toxn maysch'olnil. Man̈ jac tzyac' cuenta sb'a eb' yet' snab'en cha.

A Ch'an̈ Carta D'a Eb' Hebreo 13:9

Man̈ e cha 'ijxoc 'at e b'a yuj jun tzo'n̈ tzann̈j chuc cuynb'ilal tzalxi. Caw wach' toto tz'ajx ste'nal qui nab'enec yuj swach'c'ojlal Dios tzyac' 'ayn̈ec. Al jun tzo'n̈ comn checnb'il tzyal yuj tas tzqui c'uxu, matz tac' tzte'nb'i qui nab'enec yu'uj. Yujto a jun tzo'n̈ checnb'il cha, may jac yopiso sb'on snab'en eb' tzb'eylb'ani.

A Ch'an̈ Carta D'a Eb' Hebreo 9:10

Yujto a jun tzo'n̈ checnb'il cha, ton̈j tzyal yuj tas tzc'ux eb', yet' tas tzyu'j eb'. Tzyaln paxi, chajtl tz'aj sb'icx 'el jun tzo'n̈ tas. A jun tzo'n̈ checnb'il cha, yicn̈ej sniwnal eb'. 'Ayn̈j yopiso jun tzo'n̈ checnb'il chi yuj eb', masnto xjelx yuj Dios.