Mr 6:48 - Chuj San Sebastian Bible

⁴⁸ Ax 'ix yiln coti, to caw tz'el yip eb' sma'n a', yujto caw ow sjaw 'ic' 'a sat eb', ax 'a yic 'ayt sacb'i 'ix b'ey cot Jesús yet' yoc 'a yib'n̈ a', tznib'j tz'ec' 'a eb'.

Chuj San Mateo Bible

⁴⁸ Axo yic ayto sc'ana' ix yilanb'at Jesús to van yel yip eb' smac'an a', yujto te ov sja ic' d'a yichan̈ eb'. Van sb'eyb'at d'a yoc d'a sat a' ix c'och d'a eb'. B'en̈ej ijan ix ec'b'at d'a eb'.

Mr 6:48 ပူးပေါင်းရင်းမြစ်များ

Gn 19:2

'Ix yaln 'a eb' 'ixtic: —Ex wajlil, yuj wal dios 'ayex, coyc wet' 'a watut, 'ay a a 'oj e c'ana' yic tze b'icn eyoc. Wach' 'oj e way 'a jun 'ac'wl tic 'ayin, ax q'uic'an tzex seb' 'atxi, xchi 'a eb'. Palta 'ix ta'w eb' 'ixtc 'a 'a: —Yuj wal dios 'ayach, an̈ tic on̈, 'oj qui cann̈j 'a plas tic. A 'a tic 'oj qui way on̈, xchi eb'.

Gn 32:26

Xyaln 'ixtc 'a Jacob: —'Actj in 'eli, yujto wan sacb'i, xchi. Xyaln win Jacob 'a 'a: —Matz ach wactj 'eli, toto matz alcn junc wach' paxti 'a wib'an̈, xchi.

Job 9:8

Toc 'ay mach xcolwj yet'oc yic sb'on satcha'an̈, a tztenn 'och wan a mar, yic tzq'ue wan chel-loc a'.

Salmos 104:3

Ach xa b'o chan̈ et'l 'a yib'n̈ a a', 'icha to a 'asn 'aych a caruajeoc, ax 'a scal 'ic' tzach 'eq'ui.

Salmos 93:4

Ach xo tic Mamin, 'aj satchan̈ ach, 'ec'b'al a poder 'a yib'n̈ eb' a mar cha yic tzcot yowl eb' a'.

Ex 14:24

A Jehová 'aych 'a scal jun c'ac' yet' 'a scal 'asun, ax yic wan sacb'i, 'ix yil 'emt Jehová eb' 'aj Egipto cha, xya'n somchjoc eb'.

Is 54:11

Xyaln pax Dios 'ixtic: 'Oltacch wal ach chon̈b' Jerusalén, 'ix ab' wal syal tas 'ix 'ec' 'a eb'an̈, may xon mach 'ix 'a'n jac sniwnal a c'ojol. Ax pax ticnec jun, an 'oj wac' b'oxc 'a chon̈b' jun 'ejm xo yet' q'uen q'uen wach' yilxi, ax wa'n 'ejm yipnub'al yich 'a yib'n̈ q'uen safiro.

Mt 14:24

Ax eb' scuywum wan ye'ch eb' yet' te barco 'a spacl snan̈l a'. Palta caw 'ijn tzpilch'j te yuj a', yujto caw ow sjaw 'ic' 'a sat eb'.

Mt 24:43

Q'uinloc 'ay junc win 'ajn̈a ticnec, toto yojtac janc' tzjaw junc 'elc'm 'a 'ac'wal, caw lista 'oj yutc sb'a, sec ma'oj stac' yoch jun 'elc'm cha.

Mr 13:35

Ax eb' smoso win cha, man̈ yojcoc eb' b'a'n̈ 'oj jawc pax win 'ajn̈a chi 'a yatut, tom sq'uic'b'alil mto chim'ac'wal, mto sutmj'ac'wal, mto yic wan sacb'i. 'Icha win 'ajn̈a cha, 'ixta 'in, man̈ eyojcoc, b'a'n̈ 'oj in japx 'a scha'ejmal. Yuj cha, caw lista tzeyutj e b'a,

Mr 6:47

Ax yic 'ix q'uic'b'i, wan ye'ch eb' scuywum chi yet' te barco 'a spacl snan̈l a a cha, ax Jesús 'ayt can sch'ocj 'a jun lugar cha.

Mr 6:49

Palta a yic xyiln 'at eb', to wan sb'ey 'a yib'n̈ a', snan eb' to lab' jun chi wan sjaw 'a eb', yuj cha, caw x'el yaw eb',

Lc 12:38

Toxn̈ej chim'ac'wal, mto jab'xoj sacb'i ax sjaw winac, toto pitzn eb' smoso cha, ax sjaw winac, caw wach' yic eb'.

Lc 24:28

Ax yic xc'och eb' 'a jun chon̈b' 'aj tzc'och cha, a Jesús 'ijn wal c'ax 'e'l x'eq'ui.

Jn 1:13

A yic tz'och eb' yunnalc Dios, 'icha to tzat 'alj eb'. Palta man̈ lajnoc 'icha tz'aj yalj junc 'anma'. Man̈ yujoc tas tznib'j junc 'anma', tz'alj eb'. Man̈ yujoc tas tznib'j junc winac, palta a Dios tz'i'n 'och eb' yunnaloc.

A Ch'an̈ B'ab'el Libro Samuel 11:11

Ax 'a junx c'u 'a yic 'ayt sacb'i, yic q'ui'to, 'ix syamn 'och Saúl spojn 'el eb' soldado, 'ox c'aj xyutj 'el eb'. 'Ayt wal sacb'i, xc'och eb' 'at smil cham eb' amonita cha, masnto 'a yic x'och chimc'ual. Ax eb' ma'ix chami, sactzicnac s'at eb' 'eloc, may 'ajtil yamn 'ix 'ajcn chawn̈oc eb'.