Mr 6:15 - Chuj San Sebastian Bible

¹⁵ 'Ay jun tzo'n̈ xo eb' 'anma 'ix aln 'ixtic: —A jun cha, atn Elías, xchi eb'. Ax jun tzo'n̈ xo eb'. —Atn junc schecb' Dios, 'icha eb' schecb' Dios pecti', xchi eb'.

Chuj San Mateo Bible

¹⁵ Axo juntzan̈xo eb' anima ix alani: —A jun vin̈ chi', aton vin̈aj Elías, xchi eb'. Axo juntzan̈xo eb' ix alani: Aton jun schecab' Dios, icha eb' ay d'a peca', xchi eb'.

Mr 6:15 ပူးပေါင်းရင်းမြစ်များ

Malaquías 4:5

'Ab'tec, 'oj in b'ab'l checc cot in checb' Elías, yic mantzac jaw jun c'u yic 'oj checljoc chan̈ yowl in c'ojol. A jun c'u cha, caw niwn yel'chi, 'ay xo smay tas 'oj ujoc.

Mt 16:14

—'Ay eb' tzalni tolab' Juan Bautista ach. 'Ay pax eb' tzalni tolab' Elías ach. 'Ay pax eb' tzalni tolab' Jeremías ach, mto junc xo schecb' Dios 'e'nc 'a pecti', xchi eb' 'a 'a.

Mt 21:11

'Ay eb' xalni: —Atn Jesús 'aj Nazaret 'a yol yic Galilea, atn jun schecb' Dios tic, xchi eb'.

Mr 6:16

Palta ax win rey Herodes cha, yic xyab'n jun tzo'n̈ cha, 'ix yaln 'ixtic: —A jun chi tzyal eb' cha, atn win Juan, win xwac' tzu'xoc 'el sjolom, a win xpitzw pax 'a scal eb' chamnac, xchi winac.

Mr 8:28

'Ix ta'w eb' 'ixtc 'a 'a: —'Ay eb' tzalni tolab' Juan Bautista ach, 'ay pax eb' tzalni tolab' Elías ach, 'ay pax eb' tzalni tolab' schecb' ach Dios, 'e'nc ach 'a pecti', xchi eb'.

Lc 1:17

A Juan cha, 'oj b'ab'l 'ec' yuj Cajlil. 'Icha snab'en win Elías, 'ixta 'oj 'aj snab'en jun xo. Lajn 'oj 'aj pax spoder yet' winac. Yuj cha, a 'oj tennc 'och wan eb' mamb'il yet' eb' 'unnab'il, sec tztup owl 'a scal eb'. Ax eb' tenmtac tzyutj sb'a 'a Dios, a 'oj 'a'nc sjel eb' snab'en, sec 'oj syiclc eb'. 'Ixta 'oj yutc ya'n b'o snab'en eb' 'anma', sec 'ay eb' lista xo yaji ax sjaw Cajlil, xchi jun ángel cha.

Lc 7:16

Yic 'ix yiln eb' 'anma chi jun cha, caw 'ix xiw chan̈ eb' smasnil. 'Ix laj yalnc eb' wach' paxti 'ixtc 'a Dios. —'Ay jun schecb' Dios 'ix checlj 'el 'a qui calc tic, caw niwn yel'chi, xchi eb'. 'Ix laj yalnc pax eb' 'ixtic: —Caw 'ix jaw Dios colwjoc 'ayn̈ an̈ schon̈b' on̈ec tic, xchi eb'.

Lc 7:39

Ax yic xyiln win fariseo chi jun cha, snan win 'ixtic: Toto yel schecb' Dios jun winc tic, to 'ixta', xnachj 'el yuj winac, mach jun 'ix tic tzyamn yoc. Xnachj pax 'el am yuj winac, tas yaj 'ix, yujto caw tu sb'eyb'al 'ix, xchi win yet' snab'en.

Lc 9:19

—'Ay eb' tzalni tolab' Juan Bautista ach, 'ay pax eb' tzalni tolab' Elías ach. An̈jtona', 'ay pax eb' tzalni tolab' a junc schecb' Dios 'e'nc pecti', a pitzwnac pax 'a scal eb' chamnac, xchi eb' scuywum cha.

Lc 9:8

'Ay pax eb' tzalni to a win Elías tzwul sch'ox sb'a. 'Ay pax eb' tzalni to a junc eb' schecb' Dios 'e'nc 'a pecti', a 'ix pitzw pax 'a scal eb' chamnac, xchi eb'.

Jn 1:21

'Ix sc'anb'n pax eb' 'ixtc 'a 'a: —¿Machch jun? ¿Mto ach Elías ach? xchi eb'. —Man̈ ino'oc, xchi. —¿Mto ach schecb' ach Dios tan̈b'ilch cuj on̈? xchi eb'. —Ma'ay, xchi 'a eb'.

Jn 1:25

'Ix sc'anb'n pax eb' 'ixtc 'a 'a: —¿Tas yuj tzac' bautisar eb' 'anma', toto man̈toc Cristo ach, man̈ ach Eliasoc, man̈ ach schecb'oc pax Dios? xchi eb' 'a 'a.

Jn 6:14

Ax eb' 'anma cha, c'uxn 'ix yil eb' jun milagro chi 'ix sch'ox Jesús. Yuj cha, xyaln eb' 'ixtic: —Atn jun schecb' Dios tic tan̈b'il xon sjaw 'a yolyib'n̈q'uinl tic, xchi eb'.

Jn 7:40

Xlajw yab'n eb' 'anma chi tas 'ix yal Jesús, 'ay eb' xlaj aln 'ixtic: —Wal yel, atn jun schecb' Dios tic tan̈b'il xon sjaw cujec, xchi eb'.

Jn 9:17

'Ix scha c'anb'n pax eb' 'ixtc 'a win xjacw sat cha: —Ach xo tic, ¿tas tza na yuj win xjacn a sat tic? xchi eb' 'a winac. —An tic, tzin na'a schecb' Dios yaji, xchi winac.