Mr 5:35 - Chuj San Sebastian Bible

³⁵ Yic wanto yaln Jesús jun tzo'n̈ cha, 'ay jun tzo'n̈ eb' xcot 'a yatut win Jairo cha, 'ix yaln eb' 'a win 'ixtic: —A jun esl cha, tox 'ix chami, nab'a xoj tz'at yixtc sb'a qui Cuymal 'at yilnoc, xchi eb' 'a winac.

Chuj San Mateo Bible

³⁵ Ayic van yalan Jesús, ay juntzan̈ eb' vin̈ ix cot d'a spat vin̈ yajal yaj d'a spatil culto chi'. Ix yalan eb' vin̈ d'a vin̈aj Jairo chi': —A jun ix isil chi', toxo ix cham ix. Nab'axon̈ej tza tzuntzej co C'ayb'umal tic yic b'at yilani, xchi eb' vin̈ d'a vin̈.

Mr 5:35 ပူးပေါင်းရင်းမြစ်များ

Mt 26:10

Ax yic xyab'n Jesús jun tzo'n̈ cha, 'ix yaln 'ixtc 'a eb': —¿Tas yuj tu tzeyal 'a 'ix? A jun tzb'o 'ix 'ayn tic, caw wach'.

Mt 26:18

—'Ixquec 'a chon̈ab', ata tzex c'och 'a yatut jun winac, tzeyal 'ixtc 'a 'a: Xchi qui cuymal on̈, to jab'xoj wal tiempo 'ayq'ui, yuj cha, xyalni to a 'a jun atut tic 'oj wa quet' an̈ scuywum on̈ tic on̈, yic tzqui nan cot yel eb' qui mam quichmec 'a libre, xe chi 'a winac, xchi Jesús 'a eb'.

Mt 9:18

Yic wan yaln Jesús jun tzo'n̈ cha, 'ix jaw jun syajlil yatutal 'aj tzyam sb'a eb' israel, 'ix 'em cumn 'a yojltac, 'ix yaln 'ixtic: —'Ay jun wisil, 'at wal scham tic, palta con̈ wet'oc. Tzin nib'j tz'at a tzaych a c'ab' 'a 'unix, sec 'oj pitzwc paxi, xchi.

Mr 10:17

Ax yic wan s'atx Jesús 'a yol b'e, 'ay jun winc 'ix sc'ol yip scot 'a 'a, 'ix 'em cumn win 'a yojltac sjawi, 'ix yal win 'ixtic 'a 'a: —Ach in wach' Cuymal, tzin c'anb'j 'ayach, ¿tas 'oj in b'o' sec 'oj in cha in q'uinl 'a jun 'ejmn̈ej? xchi win 'a 'a.

Mr 5:22

'Ix jaw jun winc Jairo sb'i, yajl yaj 'a jun capiya. Yic 'ix yiln win Jesús, 'ix 'em cumn win 'a yojltac,

Lc 8:49

Yic wanto yaln Jesús, 'ay jun win xcot 'a yatut win Jairo cha, 'ix wul yalnc 'ixtc 'a winac: —A jun esl cha, tox 'ix chami. Nab'a xoj tz'at yixtc sb'a qui Cuymalec tic 'at yila', xchi win 'a winac.

Jn 11:21

'Ix yaln Marta 'ixtc 'a Jesús: —Mamin, octom 'aych 'ec' 'a tic, 'ix cham win in nul'j tic. Toto 'ixta', ma'ix chami.

Jn 11:25

—An tic, 'a'm in pitzwc pax chamnac, 'aj q'uinl in paxi. Tzann̈j eb' tzin 'a'n 'och 'a sc'ojol, wach'xam 'oj cham eb', palta 'oj pitzwc pax eb'.

Jn 11:28

Xlajw yaln 'ix Marta jun tic, 'ix paxi. 'Ix 'at yawtnoc cot 'ix 'ix snul'ej. C'ultac xyal 'a 'ix 'ixtic: —'Ix jaw qui Cuymal, to tzach yawtj 'ati, xchi 'ix.

Jn 11:32

Xlajw sc'och 'ix 'a 'aj 'aycn Jesús cha, 'ix 'em cumn 'ix 'a yojltac. Xyaln 'ix 'ixtc 'a 'a: —Mamin, octom 'aych 'ec' 'a tic yic 'ix cham win in nul'j tic. Toto 'ixta', ma'ix chami, xchi 'ix.

Jn 11:39

—'Ijec 'el smac q'uen tic, xchi Jesús. Ax 'ix Marta, 'ix yanb' winac, 'ix yaln 'ix 'ixtc 'a Jesús: —Palta Mamin, yoxjil xo scham winac, tecn 'ayx sjab' win ticnec, xchi 'ix.

Jn 5:25

Wal yel tzwal 'ayex, a ticnec, tox 'ix jaw stiempoal yab'n eb' chamnc in jaj an Yunnaln Dios tic. A eb' tzyiclni, atn eb' 'oj scha sq'uinal.