Mr 5:15 - Chuj San Sebastian Bible

¹⁵ Yic xjaw eb' 'a 'aj 'ayc' Jesús cha, 'ix yiln eb' a win 'aj 'elnc ewin demonio cha, wocn 'ec' win ta'. 'Ayx 'och spichul, caw wach'x sc'ojol, yuj cha, caw 'ix xiw eb'.

Chuj San Mateo Bible

¹⁵ Axo ix c'och eb' b'aj ayec' Jesús, ix yilan eb' to a vin̈ b'aj ix el eb' enemigo chi', c'ojanec' vin̈ ta'. Ayxo och spichul vin̈, te vach'xo sc'ol vin̈. Yuj chi', ix te xiv eb'.

Mr 5:15 ပူးပေါင်းရင်းမြစ်များ

1 Cr 13:12

A yic jun c'ul cha, caw 'ix xiw David 'a Dios, 'ix yaln 'ixtic: ¿Tas 'oj wutc wi'n to 'at te scaxail strato Dios 'a watut? xchi.

1 Cr 15:13

Yujto a 'a b'ab'el, man̈oc ex 'ijnac cot te', yuj cha, 'ix smiln cham Jehová qui Diosalec jun 'a eb' quitb'eymec cha, yujto ma'ix qui c'anb'j cab' 'a 'a, tas wach' xqui b'o'ec, xchi.

Job 13:11

A Dios caw niwn yel'chi, yujn̈ej smay ax eyib'x yuj xiwlal.

Salmos 14:5

Caw 'oj 'ib'xoc eb' yuj xiwlal, yujto a Dios 'ayc' yet' eb' tojl sb'eyb'al.

Mt 12:29

Q'uinloc 'ay junc winc caw 'ay yip. May junc mach tztac' scomm 'och 'a yol yatut, tzyi'n 'el tastc 'ay 'a 'a. Cojn toto tzyac' ganar sjaln can win 'ajn̈a cha, to 'ixta', tztac' yi'n 'elt tastc 'ay 'a yol yatut winac. 'Icha win 'ajn̈a cha, 'ixta pax win diablo.

Mt 26:53

¿Tom man̈ ojcoc, toto tzin nib'j tzin c'an 'a qui Mam Dios, 'ec'b'al 72 mil eb' ángel 'oj yac' cot in wul colnc muc'uc?

Mt 4:24

C'uxn 'ix puccn 'el yab'xil 'a scal smasnil eb' 'aj Siria. Yuj cha, smasnil eb' ya'ay yuj tzann̈j yab'ilal, 'ix 'ijx cot eb' 'a 'a. An̈jtona yet' eb' tz'ixtx yuj ewin demonio yet' eb' tzcot owya 'a sjolom, yet' eb' sicb'nac 'eli, 'ix ya'n can b'oxc sc'ojl eb' smasnil.

Mt 9:33

Ax yic x'el jun demonio chi 'a win yuj Jesús, 'ix syamn 'och win spaxtini. Yuj cha, caw sat sc'ojl eb' 'anma chi 'ayc' ta', 'ix laj yalnc eb' 'ixtic: —A 'a qui calc an̈ israel on̈c tic, mant 'a 'aj xquilc junc tas 'icha jun tic, xchi eb'.

Mr 5:14

Ax eb' yilmal e no cha, caw 'ix xiw eb', 'ix 'at eb' 'eloc. 'Ix 'ec' yalnc 'el eb' yab'xil jun chi 'a scal chon̈ab', yet' 'a najat. Yuj cha, xlaj cot eb' 'anma', xwul yilnc eb' tas jun chi 'ix uj cha.

Mr 5:16

A eb' x'iln jun tzo'n̈ tas 'ix sb'o Jesús cha, a eb' 'ix aln 'a jun tzo'n̈ xo eb' tzat jawi. C'uxn 'ix yal eb' tas 'ix 'aj win 'aj 'elnc ewin demonio cha, yet' tas x'aj e no chitm cha.

Mr 5:18

Yic 'ix 'ochx Jesús 'a yol barco, ax win 'aj 'elnc ewin demonio cha, 'ix tew 'och win 'a Jesús sec toq'ue tz'atcn win yet'oc.

Mr 5:4

Yujto niwn 'ejm tzjalx 'ejm win yet' q'uen cadena cha, tz'och 'a yoc yet' 'a sc'ab', palta caw choc' tz'aj q'uen sn̈i'chj yuj winac. May junc mach tza'wni syamn 'ejm winac.

Mr 5:9

Xlajw cha, 'ix sc'anb'n pax Jesús 'ixtc 'a winac: —¿Tas a b'i? xchi. —Legión in b'i, yujto niwn qui b'ey on̈, xchi winac.

Lc 10:39

'Ay jun 'ix snul'j Marta cha, María sb'i. 'Ix 'em wocn 'ix 'a stz'ey yoc Jesús, yic tz'ab'xni 'ix 'a tas tzyala.

Lc 8:27

Yic 'ix 'el'ch Jesús 'a sti a', 'ix jaw jun win 'aj chon̈b' chi 'a 'a. Caw 'ayx tiempo 'ochnc jun tzo'n̈ demonio 'a winac, yuj cha, may xon jac spichl win tzya'chi. Toxn matz nib'j xon win tz'aj 'a yol junc n̈a, an̈j 'a 'aj mucn eb' chamnac, an̈jta 'ayc' winac.

A Scarta San Pablo D'a Eb' Aj Colosas 1:13

Yujto a on̈ colnec can 'elt 'a yol sc'ab' q'uic'q'uinal, on̈ yi'nec 'och 'a yol sc'ab' Yunnal, atn jun chamc'ojlb'il yu'uj.

2 Ti 1:7

A Dios, man̈oc xiwc'ojlal xyac' 'ayon̈. Palta a spoder 'ix yac'a, sec te'n tzcutj qui b'a. 'Ix ya'n qui chamc'ojloc qui b'a, 'ix ya'n pax cac' cuenta qui b'a qui ch'ocoj.

A Ch'an̈ B'ab'el Libro Samuel 16:4

'Ix syiclni Samuel sb'on tas xyal Jehová. Ax yic xc'och 'a Belén, 'ix 'elt eb' yichmtac wincal chon̈b' chi scha sc'och yet' xiwc'ojlal, 'ix yaln eb' 'ixtic: —¿Tas tzwul a b'o'? ¿Tzaljc'ojlal mto cusc'ojlal? xchi eb' 'a 'a: