Mr 5:14 - Chuj San Sebastian Bible

¹⁴ Ax eb' yilmal e no cha, caw 'ix xiw eb', 'ix 'at eb' 'eloc. 'Ix 'ec' yalnc 'el eb' yab'xil jun chi 'a scal chon̈ab', yet' 'a najat. Yuj cha, xlaj cot eb' 'anma', xwul yilnc eb' tas jun chi 'ix uj cha.

Chuj San Mateo Bible

¹⁴ Axo eb' stan̈vumal noc' ix te xiv eb'. Ix laj b'at eb' elelal. Ix laj ec' eb' yalcanel yab'ixal jun chi' d'a chon̈ab' yed' b'aj najat yajb'ati. Yuj chi', ix laj c'och eb' anima yila' tas jun ix uji chi'.

Mr 5:14 ပူးပေါင်းရင်းမြစ်များ

Mt 7:6

A spaxti Dios, yicn̈ej yaji, lajn 'icha jun tzo'n̈ q'uen ton̈ perla sb'i, caw chan̈ stojol. Yuj cha, matz tac' ca'nec 'a eb' toxn may jac yel'ch Dios 'a sat. Yujto 'a eb' cha, lajn eb' 'icha jun tzo'n̈ tz'i tzcot 'ayon̈, tzon̈ schini. 'Ay pax eb' lajn 'icha jun tzo'n̈ no chitam, ton̈j tztec' 'ejm tas tzcac' 'a 'a.

Mt 8:33

Ax eb' yilmal e no', caw xiw eb', x'at eb' 'eloc. 'Ix c'och eb' mu'c 'a yol chon̈ab'. Ata xyal-l eb' yuj tas 'ix uji, xyaln pax eb' yuj ewin demonio cha.

Mr 5:13

Ax Jesús, 'ix chan sc'ojl yochcn ewin demonio chi 'a e no'. Yuj cha, x'el ewin 'a winac, ax 'a e no chitm chi x'at 'ochx can ewinac. 'Aym chab'oc mil e no'. 'Ix sjuln 'at sb'a e no smasnil 'a pac'an, 'ix 'atcn e no 'a yojl a mar, c'uxn 'ix jic'w cham e no ta'.

Mr 5:15

Yic xjaw eb' 'a 'aj 'ayc' Jesús cha, 'ix yiln eb' a win 'aj 'elnc ewin demonio cha, wocn 'ec' win ta'. 'Ayx 'och spichul, caw wach'x sc'ojol, yuj cha, caw 'ix xiw eb'.

Lc 8:34

Ax eb' yilmal e no cha, xyiln eb' tas x'aj e no'. Yuj cha, caw xiw chan̈ eb', 'ix 'at eb' laj yal-l yab'xil jun chi 'a scal chon̈ab', yet' 'a najat.