Mr 4:32 - Chuj San Sebastian Bible

³² palta yic tox x'awxi, tzq'uib'i, yel xo wal niwquil tz'aj 'a yib'n̈ smasnil jun tzo'n̈ xo te tz'awx 'a junjn ab'il. Caw niwc tz'aj sc'ab', tztac' tz'och wan no ch'ic 'a yen̈ul, xchi Jesús 'a eb'.

Chuj San Mateo Bible

³² Palta ayic toxo ix avchaji, sq'uib'i, ec'to tz'aj d'a yichan̈ masanil juntzan̈xo itaj scavej d'a junjun ab'il. Te nivac tz'aj sc'ab', syal sb'oan so' noc' much d'a yen̈ul, xchi Jesús d'a eb'.

Mr 4:32 ပူးပေါင်းရင်းမြစ်များ

Salmos 104:12

A 'a sti a a cha, ata tzb'o e no ch'ic so'; ax 'a sc'ab' eb' te te', ata tzlaj 'oc' e no'.

Salmos 91:1

A eb' tzcol sb'a 'a yaln̈ spoder Jehová, atn jun caw niwn yel'chi, tztac' yuj smasnil,

Pr 4:18

A eb' tojl snab'en, a swach' b'eyb'al eb', caw tzq'ue'ch 'icha yic tzq'uel c'u 'a yic tzsacb'eli, masnto tzowb' yoc c'u cha.

Cantares 2:3

Ach quelm to chamc'ojlb'il wu'uj, 'icha wal junc te mansn 'ay 'a cal te', 'ixta aj 'a scal eb' quelmtac winac. Sja'l wal wem wocn 'a yen̈ul, caw wal chi slox sat te'.

Is 11:9

Xyaln Jehová 'ixtic: Man̈x 'a xon yailal 'oj jawc 'a tzaln Sión, atn jun sic'b'il 'el wu'uj, xchi. 'Icha wal tz'aj sb'ut'j 'el a mar, 'ixta wal tz'aj yolyib'n̈q'uinl tic sb'ut'j 'el yuj eb' 'anma tz'ojcan 'el Jehová.

Is 32:2

A junjn eb', 'icha to qui colnb'il yaj eb' 'a junc 'ic' caw ow, mto 'a niwc yaxn̈ab'. 'Icha sb'e a yaj eb' 'a lum tacn̈ lu'um, 'icha wal pax yen̈l junc niwquil q'uen 'a lum cusltac lu'um, 'ixta yaj eb'.

Lm 4:20

A jun qui reyl cob' yipc'ojlal yaj cuj on̈, atn jun sic'b'il 'el yuj Jehová, tox 'ix yamchj win yuj eb' 'ajc'ojol. An̈ tic on̈, xqui na cob'i', to 'oj on̈ scol win 'a jun tzo'n̈ xo nacion̈.

Ez 17:23

Ata 'oj wawc te 'a sjolm lum switzl chon̈b' Israel. 'Oj laj q'uib'l sc'ab' te', ax ya'n te sat, caw niwquil c'ute 'oj 'ajoc. 'Oj jawc smasnil no noc' 'iljoc 'a yich te', ax 'a scal sc'ab' te', ata 'oj 'aj cajn smasnil no ch'ic.

Mt 13:32

Yujto a jun 'in̈t cha, yel xo yune 'a yib'n̈ smasnil jun tzo'n̈ xo 'in̈at. Palta a yic tzq'uib'i, yel xo niwquil tz'aj 'a yib'n̈ jun tzo'n̈ xo te te tz'awx 'a junjn ab'il. Lajn tz'aj 'icha jun tzo'n̈ niwc te', ax no ch'ic, tzc'och no 'a sc'ab' te', tzway no ta', xchi Jesús.

Mr 4:31

A eb' cha, lajn eb' 'icha junc 'in̈t rechivo tz'awx 'a junc lu'um. A jun 'in̈t cha, yel xo wal yune 'a yib'n̈ smasnil jun tzo'n̈ xo 'in̈t 'a yolyib'n̈q'uinl tic,

Mr 4:33

Til wal jun tzo'n̈ 'ab'x 'icha jun tic 'ix yal Jesús 'a eb' 'anma', yic 'ix yaln 'el spaxti', cojn jun tzo'n̈ tas tznachj 'el yuj eb', a xyal-li.