Mr 4:26 - Chuj San Sebastian Bible

²⁶ 'Ix yaln pax Jesús 'ixtc 'a eb': —'Oj wal 'ayex chajtl tz'aj eb' 'anma yoch 'a yol sc'ab' Dios. Q'uinloc 'ay junc winc tzicw 'in̈t 'a junc lu'um.

Chuj San Mateo Bible

²⁶ —Ol val d'ayex chajtil tz'aj yoch eb' anima d'a yol sc'ab' Dios. Lajan icha junoc vin̈ stzicb'at yin̈at d'a sat junoc sluum.

Mr 4:26 ပူးပေါင်းရင်းမြစ်များ

Pr 11:18

Toto maysch'olnil tz'el sb'on junc mach, 'oj scha spac, atn tas man̈ nib'b'ilc yu'uj; ax toto wach' tas tzb'o'o, a wal tas yel xo wach', a chi 'oj scha spacoc.

Ec 11:4

Toto tzqui macljec quil chajtl yilx tiempo 'aj 'ayn̈ec 'eq'ui, toto 'ixta', may b'a'n̈ tzon̈ 'awec, may pax b'a'n̈ 'oj qui molc chan̈ sat cawb'enec cha.

Ec 11:6

Ca'c 'och qui b'ab'l trigo, tzca'nec pax 'och qui tza'n trigo, yujto man̈ cojcoquec 'aj 'ay junc'ajoc wach' 'oj 'ajoc, tom a jun b'ab'el, mto a jun tza'n to cha; mto wach' 'oj 'aj schac'ajil.

Is 32:20

Caw wal wach' eyico', yujto 'ay eb' a a wach' yoch yalilc eyawb'en, coln pax 'aj 'oj laj wa e wacax yet' e b'uru.

Mt 13:11

Yuj cha, xyaln 'a eb' 'ixtic: An̈j 'ayx tzch'ox Dios jun tzo'n̈ tas mant 'a mach 'ojtnac, sec tznachj 'el eyu'uj, chajtl tzex 'aj eyoch 'a yol sc'ab'. Palta ax 'a eb' 'anma', matz ch'ox 'a eb'.

Mt 13:24

'Ix yaln Jesús junx 'ab'x tic 'a eb' scuywum: —'Oj wal 'ayex chajtl 'oj 'aj eb' 'anma yic 'oj wach' 'och jun 'aj satchan̈ yajlil. Q'uinloc 'ay junc winc stzic 'ejm yin̈t caw wach' 'a slu'um.

Mt 13:3

Til wal jun tzo'n̈ 'ab'x 'ix yal 'a eb'. 'Ix yaln 'ixtic: —'Ay jun winc x'at tzicj 'in̈at.

Mt 13:31

Xlajw cha, xyaln pax Jesús junx 'ab'x tic: —'Oj wal 'ayex chajtl tz'aj sq'uib' sb'isl eb' 'anma tz'och 'a yol sc'ab' Dios 'aj satcha'an̈. Lajn tz'aj sq'uib' 'icha sq'uib' junc 'in̈t rechiwo tzyawj junc winc 'a slu'um.

Mt 13:33

'Ix yaln pax Jesús junx 'ab'x tic 'a eb': 'Oj walx 'ayex chajtl tz'aj sq'uib' sb'isl eb' 'anma tz'och 'a yol sc'ab' Dios 'aj satcha'an̈. Lajn tz'aj sq'uib' 'icha jab' yich pan tzya'ch junc 'ix 'ix 'a scal junc arroba harina. Yuj jab' yich pan cha, c'uxn tzpajb' 'ixm smasnil, xchi Jesús.

Mt 3:2

'Ix yaln 'a eb' 'ixtic: —Nac e b'a yuj e mul, yujto jab'xoj 'oj wach' 'och jun 'aj satchan̈ Yajlil, xchi.

Mt 4:17

Ax yic xc'och Jesús 'a jun lugar cha, 'ix syamn 'och yaln 'el spaxti Dios 'a eb' 'anma', 'ix yaln 'ixtc 'a eb': Nac e b'a yuj e mul, yujto jab'xoj 'oj wach' 'och jun 'aj satchan̈ Yajlil, xchi 'a eb'.

Mr 4:25

Yujto a eb' tznib'j tznachj 'el yu'uj, 'oj wach' 'ajxoc nachjc 'el nan̈locx yuj eb'. Ax eb' matz nib'j tznachj 'el yu'uj, a jab' tas 'ijn tznachj 'el yuj eb', 'oj wach' 'ijxc 'ec' 'a eb', xchi Jesús.

Mr 4:27

Tzlajw cha, tzway win 'a junjn 'ac'wal, tzq'uex wan win 'a junjn c'u. Ax jun tzo'n̈ 'in̈t cha, tzpaq'ui, tzq'uib'i, palta man̈ yojcoc winac tas wal tz'aj sq'uib'i.

Lc 13:18

'Ix yaln pax Jesús 'ixtc 'a eb': ¿Chajtl am tz'aj sq'uib' sb'isl eb' 'anma tz'och 'a yol sc'ab' Dios tze na'a? 'Oj wal jun 'ab'x tic eyab' nab'an:

Lc 8:11

'Oj wal 'ayex, tas tzyal 'el'ch jun 'ab'x xwal tic. A jun tzo'n̈ 'in̈t cha, tzyal 'el'chi, atn spaxti Dios.

Lc 8:5

'Ay jun winc x'at tzicj 'in̈at. Yic wan stzicni, 'ix tz'itj can 'at jun tzo'n̈ 'a yol b'e. Yuj cha, ton̈j xte'xi, ax no ch'ic x'ec' si'noc.

Jn 12:24

Wal yel tzwal 'ayex, q'uinloc 'ay junc 'in̈t trigo tzcan 'a yib'n̈ lu'um. Ton̈j tzcann̈j 'ixta'. Toto tzmucxi, 'icha to tzchami, palta a yic tzpaq'ui, caw niwn sat tzyac'a.

Santiago 3:18

Toto cojxn junc'ojlal tzqui b'o'ec, 'oj qui chac spac qui tojl b'eyb'al cha.