Mr 3:24 - Chuj San Sebastian Bible

²⁴ Q'uinloc 'ay junc niwc chon̈b' 'aj tzlaj spoj sb'a eb' yajal, tzlaj ya'nc eb' owal; toto 'ixta', yajn̈ej tzjuw 'el jun yic eb' cha.

Chuj San Mateo Bible

²⁴ Q'uinaloc ay junoc nivan chon̈ab' b'aj slaj spoj sb'a eb' yajal, slaj yac'an oval eb'. Tato icha chi', d'a jun rato sjuviel jun chon̈ab' chi'.

Mr 3:24 ပူးပေါင်းရင်းမြစ်များ

A Ch'an̈ Schab'l Libro Samuel 20:1

'Ay jun winc caw wal tu snab'en 'a eb' yin̈tl Benjamín, tzcuch Seba, yunnal Bicrí, c'uxn wal 'ayc' win 'a Gilgal cha. A win Seba tic 'ix yutz'j scacha. 'Ix q'ue somnjoc eb' chon̈ab', 'ix yaln win 'a eb' 'ixtic: An̈ec tic may calnec quic yet' David, atn jun yunnal Isaí, junjn on̈ an̈ israel on̈ec tic, tzon̈ paxc 'a catut, xchi 'a eb'.

A Ch'an̈ Schab'l Libro Samuel 20:6

Yuj cha, 'ix yaln rey David 'a win Abisai 'ixtic: —A win Seba cha, 'oj 'ec' 'a yib'n̈ on̈ yixtnec winac, 'icha on̈ yutj Absalón. Yuj cha, jucb'tzej smasnil ewin in soldado tic et'oc, tzlajw cha, tzach 'at 'a spatquil winac, lemb'il tzc'ub'j 'el sb'a 'a junc chon̈b' 'aych smuroal, ax ya'n ganar s'at 'elc 'ayn̈ec, xchi win rey cha.

Ez 37:22

Junxn̈ej nacion̈al 'oj ex wutc 'a jolmctac witz yic Israel, junxn̈ej e reyl 'oj eya'n cuenta. Man̈x chab'oc nacion̈al 'oj eyaji, palta to junxn̈ej.

Zacarías 11:14

Yajn̈ej xin wecchtan 'at junx te c'occh xwac' scuch Junn̈j yaj cha, 'ixta x'aj slajw 'ejm 'u'tacab'ilal 'a scal Judá yet' Israel.

Mt 12:25

Ax Jesús, yojtac tas wan snan eb', yuj cha, xyaln 'a eb' 'ixtic: —Tzann̈j junc nacion̈ tzpoj sb'a 'a yol yico', caw tzjuwi. An̈jtona', tzann̈j junc chon̈ab' mto junc n̈al 'anma tzpoj sb'a 'a yol yico', caw tzjuw pax 'eli.

Mr 3:23

'Ix yawtn cot Jesús ewinac, 'ix yaln jun tzo'n̈ 'ab'x 'ixtc 'a eb': A win Satanás cha, ¿tast wal 'oj yutc win spechn 'el ewin yit demonioal cha?

Mr 3:25

Q'uinloc 'ay junc n̈al eb' 'anma tzlaj spoj sb'a yuj owal; toto 'ixta', yajn̈ej tzjuw 'el jun n̈al eb' cha.

Jn 17:21

Tzin c'an 'ayach, sec junxn̈ej 'oj 'aj snab'en eb' smasnil. Mamin, junn̈j in et'oc, junn̈j ach pax wet'oc. Comnoc 'icha caji, 'ixta 'oj 'aj eb', junn̈j tz'aj eb' quet'oc. Toto 'ixta', ax eb' 'anma 'a yolyib'n̈q'uinl tic, 'oj ya'ch eb' 'a sc'ojol, to ach checjnacn coti.