Mr 3:20 - Chuj San Sebastian Bible

²⁰ Xlajw cha, x'at Jesús 'a jun n̈a yet' eb' scuywum. Til wal 'anma 'ix syam sb'a jun 'ejm xo 'a 'a. Yuj cha, man̈ jac tztac' swa yet' eb' scuywum cha.

Chuj San Mateo Bible

²⁰ Ix lajvi chi', ix b'at Jesús d'a jun pat yed' eb' sc'ayb'um. Tzijtum anima ix smolb'ej sb'a junelxo. Yuj chi' maxtzac yac' tiempo sva eb'.

Mr 3:20 ပူးပေါင်းရင်းမြစ်များ

Mr 1:45

Palta ax yic 'ix 'at winac, 'ix syamn 'och win yaln 'eli, chajtl 'ix 'aj sb'oxi, c'uxn 'ix spucl yab'xil. Yuj cha, man̈xtzac stac' yoch Jesús 'a yol junc chon̈ab', yujto til wal mach tznib'j tzjaw 'a 'a; 'ix b'ey 'a 'aj may wal 'anma', palta xlaj cot eb' 'a junjn lugar, xjaw eb' 'a 'a.

Mr 2:1

'Ayxm sjayloc c'u, 'ix c'ochx Jesús 'a chon̈b' Capernaum jun 'ejm xo. Ax 'ix 'ab'xi to 'ayc' 'a yatut,

Mr 3:19

'Ayc' pax Judas win 'aj Queriot, atn jun x'a'n 'och Jesús 'a yol sc'ab' chamel.

Mr 3:7

Ax Jesús 'ix c'och 'a sti a mar yic Galilea yet' eb' scuywum. Til wal eb' 'anma xc'och 'a 'a. 'Ay eb' xcot 'a yol yic Galilea,

Mr 3:9

Xlajw cha, xyaln Jesús 'a eb' scuywum, to tzyac' lista eb' junc barco, sec matz witz'nb'i yuj eb' 'anma', yujto til wal eb'.

Mr 6:31

Xlajw xoj yaln eb' jun tzo'n̈ cha, xyaln Jesús 'a eb' 'ixtic: —Coyc qui ch'ocj 'a junc lugar 'aj may 'anma', sec tzquijec jac quip ta', xchi. —'Ix yal 'ixta', yujto may scolnal eb' yuj eb' 'anma', til wal eb' tzjawi, 'ay eb' tzpaxx cani, caw may scolnal eb' swa jac yuj eb'.

Mr 7:17

Xlajw cha, xyactn can Jesús eb' 'anma cha, 'ix 'och 'a yol n̈a yet' eb' scuywum, 'ix sc'anb'n eb' 'a 'a yuj tas tzyal 'el'ch jun 'ab'x tic.

Mr 9:28

Xlajwn̈ej cha, x'och Jesús sch'ocj yet' eb' scuywum 'a yol n̈a, ata 'ix sc'anb'j eb' 'ixtc 'a 'a: —¿Tas yuj ma'ix stac' qui'n 'el jun demonio chi 'on̈? xchi eb' 'a 'a.

Lc 6:17

Xlajw cha, 'ix 'em paxt Jesús 'a jun tzaln chi yet' eb' scuywum cha. 'Ix 'och wan eb' 'a jun pan̈n 'a'lic. Til wal 'anma xjaw 'a eb' ta'. 'Ix laj cot eb' 'a smasnil yol yic Judea, yet' 'a chon̈b' Jerusalén. 'Ay pax eb' xlaj cot 'a sti a mar, atn 'a Tiro yet' 'a Sidón. Xwulc' eb' 'ab'xnoc 'a Jesús, yic tzb'ox can sc'ojl eb' yu'uj.