Mr 2:19 - Chuj San Sebastian Bible

¹⁹ Yuj cha, xyaln Jesús 'ixtc 'a eb': —Q'uinloc 'ay junc nupnel tz'och ticnec, a eb' 'awtb'il 'at ta', ¿tom tztac' ya'n 'och sb'a eb' 'a c'ajb'c'ojlal, yic 'ayc' win tznupn chi yet' eb'? A yic 'ayt 'ec' win yet' eb', matz tac' yoch eb' 'a c'ajb'c'ojlal.

Chuj San Mateo Bible

¹⁹ Yuj chi' ix yalan Jesús d'a eb': —Q'uinaloc ay junoc nupnajel ticnaic, a eb' avtab'il ta', ¿tom syal yoch eb' d'a tzec'ojc'olal yacb'an aytoec' vin̈ snupnaj chi' yed' eb'? Ayic aytoec' vin̈ yed' eb', max yal yoch eb' d'a tzec'ojc'olal.

Mr 2:19 ပူးပေါင်းရင်းမြစ်များ

Gn 29:22

Ax Labán, xyawtj cot smasnil eb' cajn 'a stz'ey, xya'n 'och win q'uin̈ yet' jun niwquil wa'el, yuj snupnel jun yisl cha.

Salmos 45:14

Wach'x yaj 'ix sb'o yet' spichul, 'ijx cab' 'at 'ix 'a win rey cha. Tza'n 'och jun tzo'n̈ eb' 'ix cob'stac 'ix yitb'eymoc 'ix, atn eb' 'ix swach'c'ojl 'ix.

Cantares 6:8

Wach'xam 'ay 60 eb' 'ix wistzil 'aych reinail, yet' 80 eb' 'ix in chab'l 'istzil, yet' pax eb' 'ix cob'stac to man̈x b'ischjb'enoc,

Mt 9:15

Yuj cha, xyaln Jesús 'ixtc 'a eb': —Q'uinloc 'ay junc nupnel tz'och ticnec. A eb' 'awtb'il 'at ta', ¿tom tztac' ya'n 'och sb'a eb' 'a c'ajb'c'ojlal, yic 'ayt 'ec' win tznupn chi yet' eb'? Palta at 'oj jawc stiempoal man̈x 'ayc 'ec' win yet' eb', atta 'oj 'och eb' 'a c'ajb'c'ojlal. 'Ixta 'in yet' eb' in cuywum.

Mr 2:18

Ax 'a jun 'el, 'ix 'och eb' scuywum Juan Bautista 'a c'ajb'c'ojlal yet' eb' scuywum ewin fariseo. Yuj cha, 'ay eb' xjaw 'a Jesús, 'ix yaln eb' 'a 'ixtic: A eb' scuywum Juan yet' eb' scuywum eb' fariseo, tzya'ch sb'a eb' 'a c'ajb'c'ojlal. Palta ax eb' a cuywum ach tic, ¿tas yuj matz ya'ch sb'a eb' 'a c'ajb'c'ojlal? xchi eb' 'a 'a.

Mr 2:20

Palta at 'oj jawc stiempoal yijx 'el win 'a scal eb', atta 'oj ya'ch sb'a eb' 'a c'ajb'c'ojlal. 'Ixta 'in yet' eb' in cuywum tic.