Mr 2:15 - Chuj San Sebastian Bible

¹⁵ Ax yic xc'och Jesús wac 'a yatut win Leví cha, yic 'ix 'em wocn swa yet' eb' scuywum, 'ay pax nan̈l eb' tecm 'el tumn 'ix 'em wocn yet' eb', yet' nan̈l xo eb' maysch'olnil sb'eyb'al. Yujto til wal eb' tox x'och tza'n yu'uj.

Chuj San Mateo Bible

¹⁵ Axo ix c'och Jesús d'a spat vin̈aj Leví chi', ayic ix em c'ojan vael yed' eb' sc'ayb'um, ay juntzan̈xo eb' tecumel alcabar ix em c'ojan yed' eb' yed' juntzan̈xo eb' chuc sb'eyb'al, yujto tzijtumxo eb' ix och tzac'an yuuj.

Mr 2:15 ပူးပေါင်းရင်းမြစ်များ

Mt 5:46

Toto cojn eb' 'ay schamc'ojlal 'ayx tze chamc'ojlej, ¿tom 'oj e cha spac jun chi tze na'a? An̈jtona ewin tecm 'el tumin, 'in 'ixta pax tzyutj sb'a ewinac.

Mr 2:14

Ax 'a yic wan sb'eyi, 'ix yilni 'ayc' jun winc Leví sb'i, yunnal Alfeo, wocn 'ejm 'a 'aj tztecl stumn eb' 'anma'. —'Ochn̈ in cuywumoc, xchi Jesús 'a 'a. Yuj cha, 'ix q'ue wa'an, 'ix 'och scuywumoc.

Mr 2:16

Ax ewin cuywjum 'a ley yic Moisés, yet' ewin fariseo, 'ix yiln ewinac to wan swa Jesús yet' eb' maysch'olnil sb'eyb'al cha, yuj cha, 'ix yaln ewin 'ixtc 'a eb' scuywum Jesús cha: —¿Tas yuj tzwa Jesús yet' eb' tecm 'el tumin, yet' jun tzo'n̈ xo eb' maysch'olnil sb'eyb'al tic? xchi ewinac.

Lc 15:1

Smasnil eb' tecm 'el tumin, yet' jun tzo'n̈ xo eb' maysch'olnil sb'eyb'al, 'ix jaw eb' 'a Jesús yic tz'ab'xni eb' 'a 'a.

Lc 6:17

Xlajw cha, 'ix 'em paxt Jesús 'a jun tzaln chi yet' eb' scuywum cha. 'Ix 'och wan eb' 'a jun pan̈n 'a'lic. Til wal 'anma xjaw 'a eb' ta'. 'Ix laj cot eb' 'a smasnil yol yic Judea, yet' 'a chon̈b' Jerusalén. 'Ay pax eb' xlaj cot 'a sti a mar, atn 'a Tiro yet' 'a Sidón. Xwulc' eb' 'ab'xnoc 'a Jesús, yic tzb'ox can sc'ojl eb' yu'uj.