Mr 16:20 - Chuj San Sebastian Bible

²⁰ Xlajw chi b'i'an, 'ix 'at eb' yal-l spaxti Dios 'a junjn lugar. 'Ix 'och Cajlil yet' eb'. 'Ix sch'ox jun tzo'n̈ milagro yet' eb', sec chequel to yel jun spaxti chi tz'ec' yal eb' cha. Ya' cab'i'.]

Chuj San Mateo Bible

²⁰ Ix lajvi chi', ix b'atcan eb' schecab' chi' yalcanel slolonel Dios d'a junjun lugar. Axo Cajal Jesús ix och yed' eb'. Ix sch'ox juntzan̈ milagro yed' eb', yic chequel to yel jun lolonel tzec' yalel eb' chi'.]

Mr 16:20 ပူးပေါင်းရင်းမြစ်များ

Mr 16:19

Ax yic xlajw yaln Cajlil Jesús jun tzo'n̈ tic 'a eb' schecb' cha, 'ix 'ijx 'at 'a satcha'an̈. Ata x'em wocn 'a swach' c'ab' Dios.

Lc 1:1

Tic tzin tz'ib'j 'at jun ch'an̈ un̈ tic 'a 'aych Teófilo. 'Ay jun tzo'n̈ tas b'onc 'a qui cal on̈. A eb' tzaln 'el spaxti Dios ticnec, c'uxn yiljnac eb' jun tzo'n̈ cha, yictax syamn 'och yel yich. Xlajw cha, on̈ scuyn eb' 'a on̈. Niwn eb' xya'ch 'a sc'ojl stz'ib'n can yab'xil jun tzo'n̈ cha, 'icha wal 'ajnc sb'o'i.

A Tas Sc'ulejnac Eb' Schecab' Jesús Hechos 14:3

Ax Pablo yet' Bernabé, niwn tiempo 'ix 'ochcn wan eb' 'a jun chon̈b' cha. Caw te'n xyutj sb'a eb' yaln 'eli, yujto xya'ch eb' Cajlil yipc sc'ojol. Yic xyaln 'el eb' yab'xil schamc'ojlal Cajlil, a x'och yet' eb', sec tzcheclj 'eli, to yel tzyal eb'. 'Ix ya'n spoder 'a eb', sec tztac' sch'oxn eb' jun tzo'n̈ milagro.

A Tas Sc'ulejnac Eb' Schecab' Jesús Hechos 4:30

'Ac' wal a poder 'ayn̈ on̈, sec 'oj b'oxc sc'ojl eb' ya'ay. A yet' Jesús tza b'o jun tzo'n̈ milagro tzch'oxn 'el a poder. A Jesús cha, Onnal, atn jun sic'b'il 'el o'oj, xchi eb' 'a Dios.

A Tas Sc'ulejnac Eb' Schecab' Jesús Hechos 5:12

Ax eb' schecb' Jesús, til wal milagro 'ix ch'ox eb'. Caw 'ix ch'oxl eb' spoder Dios 'a scal eb' 'anma'. A 'a jun scorredoral yatut Dios tzcuch Yic Salomón, ata tzyam sb'a eb' creyente smasnil.

Ro 15:19

'Ay pax jun tzo'n̈ milagro ch'oxb'il wuj 'a eb', yet' jun tzo'n̈ xo tas tzch'oxn 'el spoder Dios. Ax Yespíritu Dios 'ix yac' spoder 'ayin. 'Ixta xwutj 'ec' walnc 'el wach' 'ab'x yic Cristo 'a junjn chon̈ab'. A 'a Jerusalén, ata in b'ab'l yamj 'och waln 'eli. C'uxn x'ec' wal-l 'a junjn chon̈ab', masnto in c'och 'a chon̈b' Ilírico.

2 Co 6:1

An̈ tic on̈, quit munljumal qui b'a yet' Dios on̈. Yuj cha, tzon̈ tew 'at 'ayx on̈, caw man̈ e patquilc can 'el swach'c'ojlal Dios ya'jnac 'ayex.

A Ch'an̈ Carta D'a Eb' Hebreo 2:3

Toto 'ixta x'aj eb' cha, ¿tast wal 'oj cutquec qui coln qui b'a an̈ec tic, toto tzquijec 'el qui nab'en 'a jun qui colnb'il caw niwn yel'ch tic? Caw a Cajlilec, a b'ab'l aljnac yab'xil qui colnb'ilec tic. Ax eb' 'ab'jnac, sch'oxjnac 'el eb' chajtlto caw niwn yel'ch jun 'ab'x tic, xyaln pax eb' 'ayn̈ec.

A Ch'an̈ Carta D'a Eb' Hebreo 2:4

An̈jtona Dios, ya'jnac testigoal sb'a yuj jun 'ab'x tic. Sch'oxjnac jun tzo'n̈ milagro, yet' jun tzo'n̈ tas tzsat qui c'ojlec quilni, sec chequel to caw niwn yel'ch jun 'ab'x tic. An̈jtona pax Yespíritu, tzyac' pax testigoal sb'a, yujto tzyac' copiso junjn on̈ec, a tzyala, tas tznib'j tzyac'a.